الخرافي يصرح

[osik]

رئيس مجلس إدارة مجموعة الخرافي سيدلي بتصريح حول آخر تطورات صفقة زين الساعة 9:15 على سي ان بي سي عربية -- كويت نيوز

 

[عبدالعزيز34]

الصبح والا بالليل تصريحه ؟

 

[osik]

بعد قليل .. هذا ما وصلني بالرسالة من كويت نيوز ... يعني الصبح

 

[ريكاندو]

اكيد الصبح واخبار ما تسر على ما اظن اذا قال تم وانشالله تتم ونفتك

 

[عبد المعين]

بيرفع زين اليوم

 

[خبير النفط]

وهل يضر الشاة بعد الموت سلخها

 

[ابن عمير]

المفروض التصريح من الاول مو الحين ....

 

[الباحث بوفيصل]

انزين هالخبر اذا اجابي يرتفع السوق ولا ينزل؟؟؟؟؟؟؟

 

[بحراوي]

جذبة فوق جذبة + جذبة × جذبة = ؟؟؟؟؟؟؟؟؟

 

[abuhbib72]

الساعه 9.20 ومابين شي

يمكن يتريق وبعد الريوق يطل علينا​

 

[mishmish]

تابعوا القناة

 

[الباحث بوفيصل]

نرجو من الاخوان بأن يفيدونا عن الخبر؟؟؟؟ الاني ما اقدر اشوف تلفزيون بالدوام

 

[makaveli]

ليلحين يقول ماراح يبيع اقل من دينارين

 

[الشاخص]

الراي الاخباريه

رفع قضايا ضد زين للمطالبه بمنع الشركه من السماح بأجراء الفحص النافي للجهاله

 

[خبير النفط]

يعنى مافى بيعه لان الهنود قالوا سنينه دينار واجد بابا
عموما عطونه زبدة كلامه عقب ما يخلص

 

[بلازمي]

العنوان لو غيرتوه
الى
الخرافي يصرخ
كان افضل
للديمقراطيه
عشان يحس بحال اهل بلاده
----
على فكره
من شاف هالايام اللي طافو
اعلانات
بورت غالب بالتلفزيون؟

 

[الشاخص]

الخرافي

المفاوضات لازالت مستمره لبيع حصه السيطره في زين ولن اقبل اقل من دينارين

الخرافي مستاء من الشائعات حول الصفقه وهناك حملات منظمه بسبب مصالح شخصيه

 

[طنش تعش]

العنوان لو غيرتوه
الى
الخرافي يصرخ
كان افضل
للديمقراطيه
عشان يحس بحال اهل بلاده
----
على فكره
من شاف هالايام اللي طافو
اعلانات
بورت غالب بالتلفزيون؟

ماشفت إعلانات بورت غالب ... شنو فيها ؟

 

[بو معاذ 2006]

الخرافي

المفاوضات مستمرة ولن اقبل بأقل من دينارين

 

[Winchester SX3]

زبدة الكلام :

- التمسك بسعر دينارين لبيع السهم
- يرجوا عدم إطلاق إشاعات لأنها تأثر سلبا على الصفقه
- وضع مصلحه البلاد فوق كل إعتبار
- واللي فهمته إن اللي يبي يدش بالصفقه حياه الله


ينظري ماقال شي جديد!!