أول سهم خسرك

[imad]

أول سهم خسرني هو الخليجية المغاربية بس و الله كانت خسارة فظيعة

 

[بوسالم]

اي والله الموضوع يعور القلب بس نشاركم الاحزان
اي ايييه اول خسارة ,اي قلبي, كانت في السوق الامريكي نسيت اسم السهم بس كان بني شعبي يعني
وفي الكويتي اللي ذبحني عقارات ك , تخيل كان 230 فلس لالالا وشاري اكثر من وحدة وينزل وينزل وينزل وانا ابرد وابرد وابرد والحين تحت 50 فلس

 

[Abo Sarah]

سهم المعادن اللي دمرني شراء 790 فلس والبيع 180 فلس

 

[gulf]

أول سهم إشتريته كان بيتك ب 1.600 وبعته 1.420

 

[مليون دينار]

من الأسهم الجديدة مراكز الكثير من دخل على السهم 500 فلس

 

[الماصول]

من الأسهم الجديدة مراكز الكثير من دخل على السهم 500 فلس

صدق يامليون دينار انك عورت قلوب اناس ياربي لك الحمد ان صارلي 3 شهور داخل البورصه بس خسارتي ليمن الحين 6000 دينار والله يعوض اتصدق انتم نسببون للواحد اكتئاب الله يستر وعوض

 

[broaker]

وأنا بعد أحمد ربي وأشكره إني ما دشيت البورصة إلا بنهاية 2009.. وهذا معناه إن الخسارة تعادل 70% .. يعني باقي 30%..
المستثمرون + الصفوة = خسارة

 

[مليون دينار]

وأنا بعد أحمد ربي وأشكره إني ما دشيت البورصة إلا بنهاية 2009.. وهذا معناه إن الخسارة تعادل 70% .. يعني باقي 30%..
المستثمرون + الصفوة = خسارة

الكل كان يفكر بالدخول في نهايه 2009 على اساس يكون تتعافي الشركات وتصعد في 2010 وخصوصا كانت الاسعار مغريه ولكن مو كل ما نتمناه يتحقق

الله يعوض عليك بالصحة والعافية

 

[duaij]

السلام عليكم
عنوان الموضوع والتعليقات وايد حلو ومادري اشلون يبتها بس عفارم عليك مليون
انا اول مادشبت البورصة دخلت على مشاريع الكويت والتمدين العقارية وطاخ على ويهي اشتريتهم على 280 وبعت على 240 وانحشت من البورصة وقات اذا هذه اولها شذي شلون تاليها وانغرت مرة ثانية ودشيت وانا الحين وياكم معظم فلوسي مادري وين راحت
الحمدلله وشاكر لك على الموضوع وودنا انشوف تعليقات حلوة مثل اصحابها

 

[احمدوووووووووو]

والله انا برايي لو سائل شنو السهم الي ربحت من وراااه ؟
ماراح تلاقي ردود بهالكثره وحتى اذا ربحان بسهم تلاقيك خسران بسهم ثاني اضعاف مضاعفه من الي ربحته
انا عن نفسي داش السووق من سنه بس وخسران بايفا ومنشئات ووتمويل خليج وميادين وقرين قابضه ودولي
وربحت بجلوبل 400 دينار فقط يعني لو ساائل شنو السهم الي ربحت فيه الجواب يكوون اسهل بووايد
والله يعوووض الجميع

 

[ودي ومتردد]

اول سهم الدار 990

والى الان موجود عندي

الحمدلله

 

[Business Girl]

انا اول سهم خسرني يمكن اغلبكم ربحانين فيه

سهم زين شريته بحدود دينارين وبعته بحدود 1400

 

[مليون دينار]

دردشه

بالسابق كان السؤال اول سهم خسرك



مع صعود السوق - السؤال الحالي ما هو السهم اللى خسرك او ضيع عليك فرص صعود الأسهم

أتوقع الكل يقول

تمويل خليج

ميادين

مدينة الأعمال

 

[مليون دينار]

دردشه

بالسابق كان السؤال اول سهم خسرك



مع صعود السوق - السؤال الحالي ما هو السهم اللى خسرك او ضيع عليك فرص صعود الأسهم

أتوقع الكل يقول

تمويل خليج

ميادين

مدينة الأعمال

اضافة الشركات المتوقفه عن التداول والمشطوبة

 

[سالم علي علي]

اكتتاب الشراء ١٤٨ والبيع ٤٨ والحمدلله علي الصحة والعافية

 

[Eng_surra]

المستثمرون الشراء 99 البيع 14 الحمدالله على كل حال

 

[بترو جلف]

المصالح العقاريه
شراء 580
البيع 540

 

[عالي بأخلاقي]

مبرد الشراء ١٦٨ البيع ٦٠ فلس )

 

[albasha]

السلام عليكم
كيف حالكم ياجماعه وصبحكم الله بالخير
والله الموضوع حلو وشيق والواحد يراجع حساباته فيه ويتذكر الايام المره والحلوه فيه
يمكن انا اقدمكم بالتسجيل على حسب ماقرأت من تواريخ
- بالنسبه للربح والخساره بالسوق
شفنا ايام طيبه وحلوه وارباح هما طيبه ولله الحمد
وهما شفنا خساره وعوار قلب ولله الحمد مع الصبر والحرص من القرصات القديمه قدرت اني ارجع اللى اخسره ولو انه بصراحه خساير نقدر نعوضها
والسؤال اللى ابي اسئله وييييييييييييييييييييييييييين راحت هالخساير وشلون تمت اعتقد انه اغلبها من الاشاعات من الشركات والنصب والاحتيال بالشركات الوهميه اللى لم تكن مراقبه وادمرت الكثير من المتداولين بالسوق
اسمحولي ماراح اكمل لانه الكلام يعور القلب وخلونا نتابع احوالنا بالوقت الحالي وننسى الماضي
وشكرا ............

 

[GREENSTAR]