خدامتي انحاشت شوفو اللي صار

[ffffff]

ياجماعة انا موعارف شنو صاير معاي خدامتي انحاشت ماكو مشكلة

كل يوم ينحاش مليون خدامة بالكويت بلغت وصادوها ودفعت التذاكر

اللي عليهم ختم خاص عشان الابعاد على الخطوط الكويتية

قلت خلصنا وافتكينا هالكلام صارله اكثر من شهرين اليوم اشيك

على موقع الداخلية على كفالاتي واحصل الخدامة اقامتها ليما الحين علي

شالسالفة الخدامة بالديرة ياجماعة ماطلعت كلمت واحد من الربع بالمطار

قالي ليما الحين بالديرة ياجماعة الابعاد عادي يطول وبعدين انا يحوشني

مسئولية او مالي شغل المسئولية على المخفر اللي استلمها

اروح لهم اسأل او الموضوع عادي وانا مكبر السالفة

وفي الختام انااتشرف اكون عضو معاكم وفي المنتدى اللي اتابعه من

زماااااااااااااااااااااااااااااااااااااااااااااااااااااااااااااااااااااااااااااان

 

[الاديب]

اذا بلغت بهروب الخادمه
وتم تسجيل قضيه بهذا الخصوص
لايلحقك شيئ وخصوصا بعد تسليم
التذكره والجواز ........
اتوقع اجراءات روتيينيه يمكن تتأخر
...
او يمكن ينظرون تفول الطياره

 

[qanon]

اول شى حياك الله معانا بالمنتدى الطيب

وبعدين اول مشاركة لك على طول عطيتنا موضوع دسم

وبالنسبة لهروب الخادمات

للاسف الشديد يعود لضعف القوانين الداخلية المنظمة للكفيل بوزارة الداخلية

وهم للاسف الشديد عدم التفات اعضاء مجلس الامة للمشاكل المهمة مثل تحمل الكفيل من دفع

تذكرة الخادمة على الرغم من هروبها من الكفيل لفترة طويلة حتى ماصار لها شهر عند الكفيل


ومجرد ما يتم القاء القبض عليها على الكفيل ان يحجز لها تذكرة عودة لبلدها

والمفروض ان يتم تحميل المكتب دفع تذكرة الخدامة في حالة هروبها من الكفيل

لان المكتب يا اخوان ياخذ قيمة الخادمة مرتين

المرة الاولى من الخادمة وهى في بلدها

والمرة الثانية ياخذ قيمتها من الكفيل

بس للاسف الشديد القوانين القديمة محد قاعد يتصدر لها بالتعديل و المواطن يدفع قيمة التذكرة

واسف على الاطالة

 

[export]

خدامتى انحاشت وراحت السفارة وروح وتعال وشرايك واخرتها طلع من الجيران بعد التحويل لا وانا اللى قاعد اراكض بالجوازات لانها مرة كبيرة بالسن تقول ترا حنا جيرانك .

والعملية وللاسف تطورت واصبحت منظمة من قبل مجموعة تكون مستأجرة طاولة فى مكتب خدم ويدقون عليك نفكك من تذكرتها ( اذا كفالتها انتهت) بس عطنا تنازل وعليك الحساب .

 

[nabhaan79]

أهم شي تكون ماخذ صوره عن التذكره

لأنهم دائما يضيعون التذكره وبعدين يسفرونها على حسابهم ويطالبونك بفلوس التذكره اللي تقدر ب 300 دينار تقريبا كونها حكوميه :::

 

[نيويورك]

اخوي الكريم ..


لما سجلت عليها قضية التغيب في المخفر التابع له الواقعه .. لازم يقوم المحقق بعمل القاء قبض عليها بالمنافذ و القاء قبض من المباحث ...

ممكن يكون مندوب المخفر ضيع الورقه اللي بموجبها يتم منعها من السفر .. و ممكن يكون المحقق نسى هذا الاجراء ..

بعد تسجيل القضيه ينتقل الملف الى موظف مختص بالمخفر باستلام التذكره و جواز السفر تمهيدا لترحيلها في اليوم المخصص له من قبل جنح الاقامه في السالميه ..

اذن الملف فيه توقيع باستلام التذكره و الجواز .. و يوجد قضيه و رقمها موجود ..

الأفضل انك تراجع المنافذ بنفسك و تتأكد من الموضوع .. و حاول تاخذ منهم ما يثبت كلامك ( برنت ) .. و اذا تأكدت من استمرار الخطأ تراجع جنح الاقامه بالسالميه و أهم يتأكدون من الاجراءات و يستوفونها من واقع ملف القضيه ..


,,, متى سلمتهم التذكره و جواز السفر بأي تاريخ .. هل مو وقت بعيد ولا قريب .. لأن بالفعل مكان حبس الخدم واصل الى اعداد قياسيه خصوصا النساء لا يمكن استيعابهم و بعضهم يردونهم المخفر و يحددون لهم موعد اخر لاستلامهم و استلام اوراقهم ..

 

[fayoona74]

أنا أأيد كلام نيويورك ان في خطأ بالاجراءات
خل اقولكم تجربتي
في فراش معانا بالدوام تهموه بقضية تزوير وانحكم عليه سجن وترحيل وانقضت العقوبة والمفروض يرحلونه عن البلد وظل سنة كاملة بدون ترحيل ليش عشان عليه منع سفر وشلون منع سفر وابعاد شالتناقض وتعال حلها عاد
وبعد روحات وردات وبرنتات وتعاون ضابط السجن يالله شالو عنه المنع وسافر الريال ديرته

 

[نيويورك]

أنا أأيد كلام نيويورك ان في خطأ بالاجراءات
خل اقولكم تجربتي
في فراش معانا بالدوام تهموه بقضية تزوير وانحكم عليه سجن وترحيل وانقضت العقوبة والمفروض يرحلونه عن البلد وظل سنة كاملة بدون ترحيل ليش عشان عليه منع سفر وشلون منع سفر وابعاد شالتناقض وتعال حلها عاد
وبعد روحات وردات وبرنتات وتعاون ضابط السجن يالله شالو عنه المنع وسافر الريال ديرته

كلام سليم استاذه ..
في حال صدور قرار بالابعاد لشخص ما .. و كان عليه منع سفر .. يتم احالة ملف القضيه لمدير تحقيق المحافظه التابعه له القضيه .. و هو بدوره يرفع هذا المنع من المنافذ .. و يقوم بإحالته للإبعاد تمهيدا لترحيله .. لتطبيق العقوبه الأشد و الأهم ..

يعني مو من المعقول شخص مرتكب جرم معين .. احاسبه على موضوع الاقامه و اعيق ترحيله .. بس بصراحه هذا الاجراء ما يتخذه الا بعض المدراء المحنكين و الأقوياء في اتخاذ القرارات .. لأن بالفعل ممكن تكون مسأله شائكه و مالها حل ..

 

[kuwaity77]

اخوي مالك بالطويله
دام انك دفعت تذكرتها وسفروها روح حق ادارة الابعاد اللى بالجليب واخذ منهم وصل الدفع واطلع على طول للهجرة اللى تبع منطقتك وعطهم الوصل ويرفعونها من اسمك انا صارلي نفس موضوعك وخلصت منهم

 

[ffffff]

انا اللي ابي اعرفه يااخوان ليش ليما الحين والخدامة موجودة بالديرة

يعني الابعاد يطولون عادي والا فيه مشكلة يعني باختصار الخدامة وينها

الحين بالابعاد والا برا تشتغل واقامتها علي يصير والا مايصير

وانا صارلي من يوم سلمتها المخفر اكثر من شهرين اقصد التذكرة

وان متاكد انها بالديرة من واحد من الربع في المطار

وبصراحة انا مستانس حيل من تجاوبكم الحلو معاي ومشكوريييييييييين

ويعطيكم العافية

 

[ffffff]

يليت ياخواني احد يجاوبني ليش طولت وليما الحين بالديرة

 

[وافى الوافى]

يليت ياخواني احد يجاوبني ليش طولت وليما الحين بالديرة

اخوى لاتحاتى ولا يهمك ...!!!

انت خالص من الموضوع نهائيا ...

بس اكو بطء فى الروتين عندنا للاسف

حصل لى نفس موضوعك بالضبط وقالولى انها مجرد تعقيدات الروتين

وبالاخير حتى لو طايف موعد سفرها يجددون لها موعد ويسفرونها

اخذها منى .... ريح بالك ولا تحاتـــــى ابد ...!!

 

[ffffff]

اخوي وافي الوافي افهم من كلامك انه عادي حتى لو تاخذ كم شهر

في الابعاد وبعدين اهي ليما تسافر محسوبة علي كعدد اقامات او اقدر

اجيب مكانها خدامة بعدين ليش يطولون في الابعاد الظاهر من كثرهم

ادري طولت السالفة معاكم لكن انشاءالله استفيد ويستفيد غيري

ويعطيكم العافية

 

[ffffff]

اخوي وافي الوافي كم المدة اللي انحلت فيها مشكلتك

 

[وافى الوافى]

اخوي وافي الوافي كم المدة اللي انحلت فيها مشكلتك

أبد ... ماكان عندى مشكله أبدا ...!!!

وكنت مريح راسى ومو مكبر السالفه مثل بعض النـــاس

لأنى مشيت حسب القوانين المتبعه وسويت اللى على

من ابلاغ عن هروبها اول شى ... ولما صادوها قصيت لها تذكره

على الكويتيه وسلمتها لهم ...!!

دام انك مسوى كل هالاجراءات خلاص ... الباقى على الداخليه

وخلهم بكيفهم هم وروتينهم ويسفرونها متى مابغوا ..

ريح بالك يالغالـــــى ترى الامور سهالات ...

وبالتوفيق ان شاء الله

 

[bobcat]

حبيبي اخذ الكلام مني انا كنت ضابط مخفر والحين اداوم بالتحقيقات
او شي دام انك سجلت قضيت تغيب (غير جنائي) خلاص تعتبر مو من مسؤليتك بالمرة تطلع وتخلي مسئوليتك منها واحفظ رقم قضيتك اذا بتراجع عليها وانت تقول انك دافع التذكرة يعني قضيتك ماشيه ماعليها اي شي غلط
لاكن بخصوص انها لي الحين ما انشالت من اسمك هذا امر عادي لا تشيل همه لان معمم عليها انها عليها قضية تغيب واذا رحت وبتحط خدامة او خادم غيره بيشوفون انه عليها امر منع فعال هذي امور موضف الهجره عارفها
وسبب تأخير سفرها يرجع لقانون عندنا المفروض انه يتغير وهو انها ما يتسفر المتغيب الا على الخطوط الكويتيه وعاد انطر الدور لما يوصل وتعرف ان الطيارة مو مخصصه بس للمتغيبين يعني الرحله للكل ولو انهم يسمحون التسفير بخطوط ثانية ما صار تاخير على الترحيل وانا مرة كانو عندي متغيبات ضلو بالنضارة اكثر من 5 شهور على ما تسفرو يعني التأخير وارد طال عمرك وارجو اني فدتك

 

[bmw-bmw]

الله يكون في العون