اتمنى كل كويتي يحب الكويت ..يجاوب على هل تساؤلات بكل صراحه......حياكم الله

الموضوع في 'إستراحة المنتدى' بواسطة yoyo1983, بتاريخ ‏2 نوفمبر 2009.

حالة الموضوع:
مغلق
  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    السلام عليكم...

    شلونكم شخباركم..وعظم الله اجركم بأختنا المرحومه بأذن الله ضي القمر......


    سؤال تعبت ادور جواب عليه يمين ويسار بكل مكان..وعرفت انه هالسؤال مو بس عابر سبيل الي

    يدورله اجابه طلعوا كل اهل الكويت يدوروله اجابه وللأسف الى الأن مالقينا له اجابه....

    السؤال الي محيرني.....

    ليش كويتنا كانت يوم من الأيام لؤلوة الخليج واليوم كويتنا تعيش حاله من التخبط والضياع

    شوفو دول الخليج شلون سبقتنا..مانا رايحين بعيد طالعوا حواليكم شوفو وين كانو والحين وين وصلو

    منو كان يعرف قطر قبل 5 سنين.....؟؟

    شوفو وين وصلت قطر الحين....افضل المنشئات والبنيه التحتيه عندهم..افضل الشركات العالميه


    عندهم...لدرجة انهم جابو مهندسين ودكاتره من دول اوربا وامريكا وجنسوهم وخلوهم مدراء على

    مواطنين قطريين..عشان يضمنون انه عجلة التنميه ماراح توقف....وشوفو شركة البتروكيماويات

    وشركة الغاز....قاعد تاخذ مناقصات في اكبر دول العالم.......وقطر الحين قاعد ادز طلبتها بل هبل

    على دول امريكا وبريطانيا يدرسون ويجيبون الشهايد........وفوق هاذا كله الحين مستعده تستضيف

    كاس العالم 2020 .....وقاعد تراهن انه بعد 5 سنين ستكون الدوله السياحيه الأولى بالخليج..



    ولو رحنا الأمارات ..حدث ولا حرج...فيها دبي الي صارت ملتقى ثقافات العالم.....تطور وبنيه تحتيه

    رهيبه جدا....واكبر دليل جزيرة النخله الي سووها بوسط البحر وابهرت العالم كله وجذبت انظار السواح

    وهاذا غير الفنادق الراقيه والمباني الفخمه والأسواق العالميه والأماكن السياحيه....شي خيالي




    ولو رحنا السعوديه...الي نقدر نقول ماوصلت مستوى قطر والأمارات بالتطور...لكن لو نقارنها

    بالسعوديه قبل 10 سنين..بنشوف فرق السما عن الأرض...... شوفو الجبيل والدمام فيها مدينه

    نفطيه تعد من اكبر المدن النفطيه بالشرق الأوسط..فيها مهندسين من كل الدول وشركات تعمل ليل

    ونهار...ولو رحنا الرياض بنشوف تطور عمراني كبير ...وكافي استاد الملك فهد الي ليحلين يعد تحفه

    عمرانيه بين كل دول الخليج....وغير جده الي اصبحت مدينه سياحيه متكامله وماشريع قاعد تقام على

    بحرها........


    وعمان بدت تضع اول مراحل التطور والبحرين ماشيه على هل منوال.....



    والحين نجي لكويتنا ونشوف وين كنا اوين وصلنا........


    اذا على مجال التعليم شوفو وين كنا بالستينات والسبعينات..كانو دول الخليج يجون ويتعلمون عندنا

    وكنا رائدين بمجال التعليم وطلعنا دكاتره ومهندسين على اعلى مستوى ..والحين شوفو التعليم وين

    وصل الولد يطلع من الأبتدائي زين يعرف يقرا ويكتب..دول العالم استعملو احدث طرق التعليم وحنا

    ليلحين على قلم صبوره ومساحه.........قمنا مانعرف نعيش من دون مدرس خصوصي..ماكو بيت


    بالكويت عندهم ولد ولا بنت بالثانويه ولا المتوسطه الي جابو مدرس خصوصي ..واحسبي ياحسابه

    اذا رحنا لمجال التنميه العمرانيه والبنيه التحتيه..حدث ولاحرج....شوارع متهالكه طرق مكسره

    مناطق اكل عليها الدهر والكل يتفرج فيها (( خيطان وجليب الشيوخ )) مباني المدارس منتهيه صلاحيتها

    غير الملاعب الي تفشل ودول افريقيا عندهم ملاعب ابرك من ملاعبنا مليون مره.....

    وهاذا غير الرياضه الي منتهيه عندنا بالكامل..صرنا مصخره للي يسوا والي مايسوا لامنتخب قدم لاسله

    لاطائره ماكو رياضه بالمره عندنا والله كل شي ماشي ع البركه......


    والصحه حدث ولاحرج.......لامستشفيات مثل الناس ماعندى غير مستشفين صاحين الفروانيه والأميري والباقي مثل العدان والجهرا صارو مستشفيات الأموات

    تدخل صاحي تطلع فيك امراض الدنيا كلها ودكاتره مادري من وين جايبينهم ......


    شوفو السعوديه والأمارات اكبر مستشفيات العالم تفتح فروع عندهم ومستشفياتهم فرق شاسع عن الي عندنا



    واذا جينا للمشاريع الحيويه والتنمويه....تعالو شوفو الشركات والعمال الي فيها......نص شركاتنا

    وهميه وتجار اقامات...شوفو البنغاليه والصعايده والهنود والجاليات الي اكثر من الكويتين نفسهم

    شقاعد يسوون بالديره..خربو الديره شوهو منظرها...افتحو هالدعارات وافتحو مصانع للخمور


    واقلبو الديره زباله عسى ماشافو تكرمون زباله الا نتفوها تنتف.........

    حتى التكاسي الي هي التكاسي بقطر ودبي تشوف ناس تفتح النفس تسوق لها رخصه ومعتمده من

    شركه.....اما عندنا كل بنغالي اشتهى يكون تكسي صار تكسي بيوم وليله..والبركه بالضباط الكبار

    غير الطلبه الي مو لاقين غير جامعه وحده حكوميه بس....!!!

    وين تسوتعب هل بشر هاذي كلها.......

    البحرين شوفو جم جامعه فيها وهي شكبرها........؟؟

    وغير البوق الي اشكره بالديره..عسى ماصارت مناقصه الا راحت لفلان وفلان وبالأخير كلش شي

    يطلع خرطي.....وعندكم استاد جابر ومحطة مشرف اكبر دليل....

    بلد ماشيه ع البركه لاتنميه لاخطط مستقبليه..........ياناس واحد يقولي بس ليش كل هالدول سبقتنا وحنا

    مكانك راوح...ليش وليش وليش....لو بنعد الفروقات والله مو خالصين...

    صحيح مستحيل نلقى مثل شعب الكويت بطيبة وكرمه ونخوته وفوق هاذا..بشهادة دول العالم الكويت


    من اكثر الدول ان ماكانت الاولى في ولاءها لحكامها والغزو يشهد بهشي...لكن كل هاذا للاسف ماشفع

    لنا عشان نكون من ركب الصداره............


    بقلم مواطن كويتي مهموم من الحاله الي وصلتها ديرته ((( عابر سبيل ))
    :|::::|:
     
  2. اللمبى

    اللمبى عضو نشط

    التسجيل:
    ‏28 فبراير 2009
    المشاركات:
    662
    عدد الإعجابات:
    2
    1-الخطط الحكوميه رائعه ولكن لا تنفذ لتفشى البيرقراطيه فى الدوله
    2عدم وجود اصحاب قرار
    3 شعب اتكالى نوعا ما
    4الاحباط كل فكره رائعه اوتميز فى الشعب يتم احباطه مثلا الاحتراف فى جميع المجالات
    5 السرقات فى مؤسسات الدوله بدون حساب او عقاب
    6 عدم احترام القوانين اغلب الشعب -المرور-الواسطه فى كل شئ
    7 تغلب المصالح الشخصيه على الوطنيه
    8 بس تتعبت
    سؤال فلوس البلد وين ترووووووووح
     
  3. خطـــــاب

    خطـــــاب عضو جديد

    التسجيل:
    ‏24 سبتمبر 2009
    المشاركات:
    86
    عدد الإعجابات:
    0
    مكان الإقامة:
    حبيبتي الكويت
    الجواب الصحيح....................!!!

    نقول الله المستعان وعسى ربي يغير حالنا من أحسن إلى الاحسن والافضل يارب
    وهم نرد ونقول ما باليد حيله
    وهم ونقول عسى ربي يعطينا مثل ما عطا غيرنا وكل هذا من رب العالمين
    وإذا نبي نتكلم ونتعمق بالمواضيع !!!!!!!!!!!!!!!!!!!!!!!!!!!!
    الله الشاهد سبحانه ما راح انخلص
    وهذا الموضوع ما يبيله يوم ولا طرح !!!!
    يبيله تغير اشياء كثيره من الجذور ..............والشاطر يفهم
    والله ولي التوفيق ومشكوره على الموضوع الطيب
    وكلنا نفدي الكويت ابروحنا وقلوبنا
     
  4. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    شوفي كم حكومه وكم مجلس تغير في 10 سنوات وتعرفين السبب
     
  5. dcnaq

    dcnaq عضو نشط

    التسجيل:
    ‏9 يونيو 2006
    المشاركات:
    882
    عدد الإعجابات:
    0
    اذا بنصير نفس قطر وامارات وبحرين .. لازم نسمح الخمر : ) واذا تبونه نصير دولة سياحيه

    لازم نسمح الخمر .. واعتقد هل شييييي ما راح يصير فخلونه على مينونه لا ييينه الي ايننن منه

    وان شاء الله وربي يحفظنه من كل شر ويحفظ الكويت واميرها ....


    وضاق خلقي والله من الموضوع ..
     
  6. المحيط الهادئ

    المحيط الهادئ عضو نشط

    التسجيل:
    ‏12 يونيو 2009
    المشاركات:
    340
    عدد الإعجابات:
    0
    مكان الإقامة:
    الكويت
    والله ياسويت يالطيبه

    أقول:rolleyes:
    أممممممم

    أنا اكتفى بتعليق الاخوان:cool:

    مافيش فايده ؟؟
     
  7. غنوجةبيا

    غنوجةبيا عضو جديد

    التسجيل:
    ‏31 أكتوبر 2009
    المشاركات:
    45
    عدد الإعجابات:
    0
    مكان الإقامة:
    بلد الصدق النادر والأحساس والمشاعر القلوب
    الله المستعان
     
  8. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    203
    مكان الإقامة:
    kuwait
    :) الشق عود

    ولااحد يقول الحكومه والحكومه ...صح الحكومه ..بس هم الشعب مشارك بالجريمه والدليل شوفو

    صوت الشعب مجلس الامه قاعد توصل نوعيات (( يبي بوق علني )) وهذي المشاريع كبيره باسمهم ..وبشكل علني ..وسالي اي واحد يقولج اي فلانحرامي وفلان وفلان ..( وانا مااقول الا المال السايب يعلم السرقه ..

    لكن الامل موجود والكويت سباقه ان شالله ..وعلى فكره انا درست بجامعات خليجيه ..والله من غير لا اسمي هناك صرح جامعي كبير ..في جامعه لخليجيه ..مافيها موظف واحد من ابناء البلد كلها من الوافدين ..لا وبعد جامعه شبه حكوميه ..وهذا يدل يدل على ان الكويت فيها خير ..وفيها ناس كفائات ..

    لكن المجلس ياالمجلس ..وصولني وشوفو :)
     
  9. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    من غير ما اكمل قراءة الموضوع
    بقول بشنو اسبقتنا بعض دول الخليج ؟

    بالدعاره !

    بالخمور !

    بشنو يعني اسبقتنا ؟

    اللي بيتكلم يتكلم عالصحه عالتعليم

    دول الخليج انا رايح لها تسكن الفندق يجيب لك علبة الكلينكس
    عليها ارقام البنات من اغلب الجنسيات
    هذي الدول صارت قدوتنا !!!​
     
  10. Bn-Sha6i

    Bn-Sha6i عضو جديد

    التسجيل:
    ‏16 يونيو 2009
    المشاركات:
    101
    عدد الإعجابات:
    0
    مجلس الامة هو الداء والدواء
    ويعتمد على اختيار الناس لنوابها
    فنرى اناس تصوت لنواب الفرعيات ونواب يصوتون للطائفة
    ولكن الحمدلله عندنا مجلس يدافع بعض اعضاءه عن مستضعفين الشعب
    واتحدى اي دولة خليجية ممن ذكرتي ان تنشأ برلمان وديمقراطيات حرة
     
  11. الاديب

    الاديب عضو جديد

    التسجيل:
    ‏8 ديسمبر 2006
    المشاركات:
    707
    عدد الإعجابات:
    0
    مكان الإقامة:
    kuwait
    بأختصار .. الكويت المؤقته .. والكل يسرقها .....
     
حالة الموضوع:
مغلق