$$$(متابعة تداول)$$$(الثلاثاء)$$$(3-11-2009)$$$

[عذووب]

هلا بوفهد
كيفك حالك يا بااشاا


عذوووب شلووونج وشلون تماسيحج

هههههههه هلا فيك

تماسيحي صار لهم شهر أسود ههههههه صاير عندهم حرب ​

 

[Q8 Stock]

الله يخليهم
ويصيرون ديناصورات



خلا بوخالد
هلا بالحبيب
بخير يامال الخير
وانت شلونك وشلون امورك
عساها طيب



حبيب يابوفهد

 

[sgs_q8]

السلام عليهم ,,,
بعض الأسباب إلي بتدخل السوق بالطوفه :

1- علاقة المجلس بالحكومة السيئة بإمتياز لأنه السوق 99.99% سياسي و الباجي سياسي بعد

2- الخرافي يدور الطلعة من السوق وأغلب الكبار طلعوا يعني من ألحين لما يردون الكبار و مادري ليش يردون السوق بكون تحت تصرف مجموعة يهال يسمون نفسهم مدراء إستثمار(البعض مو الكل بس الأغلب) وهدفهم الأساسي شخصي 100% يعني السوق خرابيط بخرابيط لأنه ماراح يكون في إحترافية بالتداول يعني قمار وسوق مزاجي لأنة ماله أساس أصلا

3- والبنك المركزي آآآآه وما أدراك بالبنك المركزي جنه مافي بالكويت إلا البنوك والباجي بالطقاق إنزين إذا الشركات فلست شلون البنوك تحصل فلوسها فالمفروض الدعم يكون على الإقتصاد كله مو بس البنوك و شلون إصدر سندات بهالوقت السوق محتاج سيولة و الأخ بيسحبها من السوق مادري شلون يفكرون هالناس ولا و قايل حق البنوك زيدو راس المال يعني لو كان في سيولة خفيفة بالسوق راح تختفي بالمرة

لو بكمل ترا ماراح أخلص لأنة الموضوع يبيلة كتاب من عدة أجزاء أنا ما أقول إلا الله يستر بستره و بالتوفيق للجميع

 

[ابن عمير]

صرنا ما بين وبين .... بين الاثنين

 

[ريكاندو]

ما ينسكت على هالوضع زين بعد ما اعلنت واجيليتي ما اعلنت وكل الشركات التشغيليه والورقيه ما اعلنوو
ليش جذي شهل تسيب الزاايد

 

[ابن عمير]

صباح الخير عليكم جميعا شلونكم


ان شاءالله تمام

نصيحة مني أخذوها يمكن انا اعتبر يديدة بالسوق بس معلوماتي باللي يصير خلف الكواليس وايد اكثر


اللي فلوسه بالسوق يخليها ويوخر عن السوق ولا يحاتيها اذا منت محتاج سيولة خلها ولا تراقب السوق واشتري راحة بالك
اللي بره السوق ولا يفكر يدش الحين نهائيا

المضارب كلش مووووقته يدش إلا اذا كان قمة الاحتراف
اذا على السوق بنززل وبننزل وايد
بس صعودنا وايد بكون غير
وايد أشياء بالتغير بالكامل وهالكلام وايد قلته اهني
فا بليز ياليت تسمعون كلامي ​

جزاك الله خيرا

 

[aclient]

يا هلا بك يا بو علي

عسى دوم ان شاء الله يا اخوي

الحمدالله اموري طيبة طاب حالك يا حلو

 

[nabhaan79]

السلام عليكم ورحمة الله وبركاته

عنوان الصفحه اليوم كأنها محل شباصات منو فاتح الصفحه يرفع إيده

 

[ابو محمد 2007]

الحزم المفروض خلال شهر تعلن النتائج واللى ماتعلن تفرض على مجلس الاداره غرامات ماليه كبيره وين ادارة البورصه عنهم لكن من امن العقوبه اساء الادب

 

[nabhaan79]

آخر موعد للإعلان 15/11

 

[Winchester SX3]

اعلانات الشركات لي 15 الشهر

بالقانون الحق معاهم الى 15 -11 -2009
وبقانونا احنا ( ما تعودنا التأخير ) كله مستعجلين وما ننلام (( نداري فلوسنا ))

ولالك الا الصبر ،، وش وداك له

 

[Q8 Stock]

ملخص

 

[جيزااااني]

والله السوق مريض بأنفلونزا الهوامير...أقصد الخنازير
الله يشفيه ويقومه بالسلامة
عشان نرتاح لأننا تعبنا وحنا ناطرين
الله المستعان.​