البيت انسام وراح السوام ---------- ليش ماباع ؟؟؟؟

[abuffaisal]

[font="georgia"[COLOR="DarkGreen"]]



.
.



.
.


((( البيت انسام وراح السوام )))

شماعة تعلق عليها الاكاذيب والاوهام

ولما تسأل وين اللي سام البيت يقولك راح

اوكي ليش ماباع المالك !!!!!!!!!!!!!!!!!!!

اكيد طماع او غبي .


لانه اصلا مافيه سوام للبيت ومادري عنده خبر او ماعنده المالك

وعلى كل حال الاسكان بتوزع عدة مناطق بقيادة احمد الفهد

وتمويل البنوك سيئ وضعيف

وفيه ازمة مالية عالمية

و السيولة قليله عند المواطنين

والاغلبية عارف اسعار البيوت

خاصة من يملك البيت

ولكنه يكابر ويحاول رفع السعر .

سؤال يفرض نفسه عند الملاك والمهتمين بالشراء

الى متى هذا الركود في البيع والشراء على مستوى الدوله ؟؟؟؟


[/
color

لابد يتحرك العقار وماراح يتحرك لان الملاك ماسكين السومات القديمة

هل تتوقعون ان يرتفع اكثر في ظل الظروف الحالية ؟؟؟؟؟؟؟؟

المواطن مفلس من البورصة

ومفلس من الغلاء الفاحش

ومفلس من البروتوكولات الخداعه الكذابة

من الاجارات الغالية المبالغ فيها .


النزول قادم قادم قادم



المناطق الاسكانية الجديدة سيتم توزيعها (((بالنسبة للبيع )))

كثرة العمارات الاستثمارية في المهبولة واغلبها فاضية((بالنسبة للايجارات))

الطمع شين والقناعه كنز

وتقبلوا تحياتي ,,,,,,[/font]​

 

[محب جوجل]

كلامك هذا بلخط الكبير صراخ طالع من قلبك يأخ abuffaisal

 

[abud]

الله يلوم اللي يلومك يابو فيصل​

 

[الحريه وطن]

صدقني لو فيه توزيع اسكاني صح والمخططات ماشيه وشغاله جان ترخص البيوت
لكن في ظل 91 الف طلب اسكاني ماراح ترخص الاسعار

هي نسبه وتناسب
حال الاسكان واقف لايقصون عليكم بالجرايد حجي فاضي

ماكوتوزيع كل خمس سنين يوزعون1000 بيت وين تبي البيوت ترخص

 

[خسران جداً]

حتى لو الطلب زايد الناس ما عندهم فلوس يشترون بهالاسعار الخياليه

 

[kobr]

مشكور بو فيصل كلام طيب

كل ما تكلم مكتب يقول مسيوم بكذا

وحن عليه وكاسره شوي يعطيك باقل من السومه

عيل ليش ماتبيع حق اللي سايم باكثر مني تعال شوف اللف والدوران

خلها تطيح بجبودهم

 

[kobr]

اغلب المكاتب والدلالين حراميه وهالمهنه كل من هب ودب دخل فيها

الله يعين

 

[q8_king1]

ناطرين الرعاية السكنية وماراح نشتري في ضل الارتفاع الغير عادي الاسعار وخل ابيوتهم اطيح بجبدهم

 

[ku80]

انشاءالله راح ترجع الاسعار في حدود المعقول بعد مايخسر بيت التمويل القضية

 

[بوناصر10]

المكتب العقارى اللى مايخبرك باسم اللى سايم البيت هاذه نصاب لاانه لازم يقولك اسم اللى سام البيت علشان تبحث بين المكاتب وربعك وجماعتك عن السوام هل انسان ثقه بسوق ام لا مثل الزواج وبعدها تتوكل على الله بشراء وهم شى عندى ملاحظه لازم اتعرف اسعار البيوت فى المنطقه وتقارن السعر وسلامتكم

 

[q8_king1]

انشاءالله راح ترجع الاسعار في حدود المعقول بعد مايخسر بيت التمويل القضية

بيت التمويل ربح القضية وصار يعطي قروض انت شكلك ماتابع الاخبار

 

[المؤشراتي2]

العقار في مرحلة ركود التي تسبق النزول التدريجي الطويل

 

[q8_king1]

احسن طريقة لشراء العقار انك تشتري البيت من صاحب العقار نفسة وبشكل مباشر دون تدخل الدلالين النصابين والمصرين

 

[DODA]

المشكلة بعد موضه يديده طالعين فيها أصحاب العقارات ..

يعرضون بيوتهم للبيع ولما نروح نشوفهم ويعجبنا ..

نقوله ها اخوووي جم طالب فيه ؟؟

يقول بفكر .. وبعدين يزرعنا اسبوع ويقول هونت ..اي ليش اذا منت جاد تسوي هالحركات !!


وترى صارت معاااي 3 مرااات ..

 

[JustSmile]

ياجماعه عندي اقتراح

صح الكويت اراضيها تحت سيطره شركه النفط

ليش ما نضمن شركه النفط ،، و ناجر المناطق القريبه من الكويت وحواليها
ونشرط بعقد الضمان ان الشركه مسؤله توفر قطار مترو من المناطق الحدوديه الي العاصمه والضواحي

شرايكم

 

[JustSmile]

يعني الارض اجار على الشركه

اذا ماتبي تاجرها نسكن فيها

وبهذي الطريقه راح ترجع كل ارض لا تصل لاستخراج البترول

ونفتك واذا كل الاراضي لاستخراج البترول تدفع ايجار للمواطنين

مو دوله مؤسسات شلون هذي المؤسسه تملك ارض لم تدفع ثمنها

 

[بوجمال العقاري]

السلام عليكم .. السوق العقاري في نزول .. كل بيت سمته رجعلي الحين .. و انا رفضة .. و للاسف اغلب المكاتب العقاريه يضللون البائع و المشتري .. الله يهديهم .. يعرض سلعه ما شافها و لا بيت غير معروض للبيع او بيت مبيوع و اكثر .. الصبر زين و الفرج اتي انشاء الله و التوفيق من الله سبحانه .. احسن شي انته حط اعلان او دلال صديق لك في نزول بالعقار و عليك الانتباه .. و الله اعلم ..

 

[الـصانع]

السلام عليكم

اولا يا اخ بو فيصل .. مسألة انك تقول صاحب الملك طماع او غبي مو من حقك !

يعني انا عندي بيت استثماري انسام بمبلغ عالي وحصل تأخير وما بعت

عقبها يالي شراي يبي يشتري بنص السعر ! ليش ابيعه بهالخساره

على الاقل انطر سومه ثانيه طيبه .

وبعدين مع احترامي للاخوان .. اللي يقولون البيوت طاحت لان الحكومه راح توفر سكن خلال 5 سنوات .. كللنا عارفين ان كل المشاريع يا بالجهراء يا بالصبيه يا بالخيران !! منو بيسكن فيها

فالمناطق الداخليه لا زالت مرغوبه واعتقد التفكير بشراء منزل بهالمناطق بسعر 100 الف شي غبي جدا !

يعني عندي اخوي .. طلعله بيت بسعد العبدالله ودوامه بالاحمدي ! توقع المسافه اللي يقطعها يوميا ؟ لو يسكن بالبحرين اقرب له

فـ خلونا واقعيين شوي .. ومثل ما الواحد يبي يشتري بسعر معقول .. لا يظلم المالك بالسعر

 

[abuffaisal]

السلام عليكم

اولا يا اخ بو فيصل .. مسألة انك تقول صاحب الملك طماع او غبي مو من حقك !



الاخ الصانع انا ماقصدت شخص بعينه لكن احنا في دولة حريات لي حرية القول بشكل عام وليس بالتخصيص لشخص معين . هذا اولا .

ثانيا : المالك ليش ماباع :

لعدة اسباب اولها : يبي زيادة المبلغ وهذا اسمه طمع لانه يبي اعلى من الواقع والحياه فرص اغتنمها او لاتزعل من اراء الاخرين والسوق في ركود الان ومافيه تمويل جيد من البنوك يعني ينطر واحد مملين شبعان ويشتري مما يعني لازم يتحمل وينطر هذا اذا مو متضايق .
او مو مستعجل على البيعة يعني يتحمل .

او يبي يتمسك بالسومه القديمه والسوق راكد ونازل وقاعد ينطر وماراح ينسام البيت مره ثانية بهالسومه في هذي الاحوال واهو وده يبيع وهذا الغبي .



يعني انا عندي بيت استثماري انسام بمبلغ عالي وحصل تأخير وما بعت

عقبها يالي شراي يبي يشتري بنص السعر ! ليش ابيعه بهالخساره

على الاقل انطر سومه ثانيه طيبه .

وبعدين مع احترامي للاخوان .. اللي يقولون البيوت طاحت لان الحكومه راح توفر سكن خلال 5 سنوات .. كللنا عارفين ان كل المشاريع يا بالجهراء يا بالصبيه يا بالخيران !! منو بيسكن فيها



فيه ناس من اهل الالاحمدي يبون الخيران

ومن الجهراء يبون الجهراء
ياخي ليش تعم عشانك ماتبي هالمناطق خلاص سوموا بيتي بسومه ترضيني مايصير يااخي الصانع .

فالمناطق الداخليه لا زالت مرغوبه واعتقد التفكير بشراء منزل بهالمناطق بسعر 100 الف شي غبي جدا !

ماكو احد سام ب 100الف بالمناطق الداخلية لكن السومه تكون معقوله هذا اذا السوام موجود اصلا في الوقت الحاضر يعني موتقولي انسامت قبل 6 شهور او اقل شوي هذا مو حجي يالحبيب .

يعني عندي اخوي .. طلعله بيت بسعد العبدالله ودوامه بالاحمدي ! توقع المسافه اللي يقطعها يوميا ؟ لو يسكن بالبحرين اقرب له


ااخوك مو اول واحد يطلع له بيت بعيد عن بيته لان كل الناس مثلك يبون يم بيوتهم او بمناطقهم لمن الدنيا تغيرت الناس كثرت .

فـ خلونا واقعيين شوي .. ومثل ما الواحد يبي يشتري بسعر معقول .. لا يظلم المالك بالسعر

اذا بغيت تقول انسام البيت حدد التاريخ والسومه والشخص عشان تطلع السومه صحيحة 100 %

 

[abud]

اصلا مافيه سوامه الحين

كل اللي ساموا البيوت المعروضه حاليا كانوا سايمين البيوت قبل شهور وصاحب العقار متمسك بالسومه القديمة ومايجرؤا يقول ان السومه قديمة خايف انك السعر لانه اصلا مقتنع بان سعر بيته نازل مو مثل اول .​