برادو 2010 وصل الكويت

[kool q8]

ياشباب الي يبيله موتر تويوتا مواصفات احسن من الساير وارخص بالف اوالفين طال عمرك يروح لقطر والي يبي اقساط بدل مايحول ياخذ تورق من البنك

بس على شرط انه يكون خبره بالمواتر لان اغلبهم مقلبين



او ياخذني على حسابه واضبطه هناك..هههههههههههه

 

[XxX7GoOoGEXxX]

للأمانه انا جربة هالجيب

وحبً لله في من لم يجربه

لا تشتريه

وهو حده اذا يستاهل وبنعطيه فعلاً سعره 5000 الاف دينار

ولا ادفع دينار زياده لا واتشرط عليهم ان يحطون لي زينه على حساب الشركه


اما قاال 15300

غلطان بس انطرو عليه سنه والشركه راح تعرض اشتر واحد واخذ الثاني مجانا

محد راح يشتريه

شكرا على الموضوع الجميل

احترامي

 

[bhams]

أنا كنت بشتريه ومعزم . ولكن بعد أرائكم . أستخرت . والله صج مايسوي

سعر حيييل خيالي .

 

[sound blaster]

شباب الي بيجيب سيارة من قطر؟ هل تحتاج رسوم جمركيه بالكويت؟ يعني نفس طريقة امريكا وله بس تغير الدفتر واللوحات؟

 

[بايعها]

كلكم تقولون جذي غالي ومايسوى وبعدين تشوف مخامط عليه وبعدين يشتغل علينا الساير دعايات وافلام ويحفظ هالبياعين اللي عنده بالمعرض الكلام المعروف اللي كل سنة يعيدونه علينا (والله سياراتنا وهي على الباخرة مبيوعة ) يا عمي روح زين

صج صج الساير دايرها صح ومستغفلنا ويبيع علينا غالي وقارنوا الاسعار بالوكلاء الخليجيين وشوفوا الفرق
اجل البرادو يوصل 15400 والله قهر

 

[العنيد3]

والله حرام هالاسعار ترى كله ياباني وشنو المتانه بسعره بصراحه انا حاقد على اللي يشترون من هالوكاله سعر خيالي شنو قلت السيارات ماكو غير تويوتا والله اكبر اجرام فينا والبنوك فاتحه بيبانها تعال واخذ قرض ولا شنو كل سنه يزيدلي 1000 دينار على اللاندكروزر والناس تشيل والله ما اشتريه لو شنو يكون برصيدي حرام فيه هالقيمه

 

[خسران جداً]

روحو الخفجي اشترو و ردو

يا جماعه ابو 15الف هذا بس فئه وحده من البرادو اللي فيها كل شي وكاميرا وو و و و و. لا تاخذون هالفئه
رفيجي امس عندهم قالوله مع سنسر امامي وخلفي وكاميره وشاشه طلع عليه اذا ما خاب ظني ب10 الف..والبرادو القديم ما فيه كاميرا ولا شاشه ولا سنسر

 

[Se7T]

15000 منو المطقوق على راسه ... اقطهم بإوربي احسن ... قرقعه وازعاج ومركوب بانشي ... خلوها تعفن

 

[ArabiaGuy]

تدرون عاد الوكاله الى دايم اشوف فيها زحمه وناااااس تشترى هى الساير وغيره يكش ذبااااان

وانتم الى تتكلمون اول ناس راح تروح للساير وتشترون منه....

لو انكم تطبقون خلوها تصدى مدة شهر بس شوفو شنو رايح يسوى الساير.

 

[خسران جداً]

يا جماعه ترى الساير احسن شركة من ناحية السيرفس والتعامل.

 

[مزدحم]

وليش ما يرفع سعره

بالعكس المفروض كل موديل ينزل يزيد 1000 أو 1500

لأن هيك شعب بدو هيك تجار

حنا نستاهل طال عمرك

تلحطم بالدواوين والنت والصبح محضرين عند الساير

أرفع يا الساير أرفع لا يردك شي وما فوقك الا الله


.

 

[استاذ طلال]

والله الساير طغى حيل بأسعاره .. برادوا ب 15.300 ؟؟ شخله لللاند ؟؟

 

[محمد خليفه]

بسم الله الرحمن الرحيم

بصراحه شكله عجيب مشالله

بس سعره مبالغ فيه

يعني بالكثير 11

الي يبي يشوفه مو الا بالساير انا شفته بالمارينا معروض

 

[ابو يعقوب SS]

(( اربع سنون ))

 

[صقرالبحر]

عمري ماشريت تويوتا
ياحلو الاوربي والامريكي
صج قيمتهم فيهم
مو مال التكاسي تويوتا

 

[ELGALLAF]

شدعوااااااااا
غالييييي
ياباني بوطقه
جيب مرسيدس ml 350 احلى 16000

 

[Winchester SX3]

<<< يحس إن أغلب اللي تحلطموا عندهم سيارات من الساير

ولسان حال الساير يقول:

إدفع بالبدايه وتمتع براحه بال 7 سنوات وأكثر من صيانه وإستعمال وجوده وبروده تكييف


بس من ناحيه غالي صج والله

تره عمري ما شريت ياباني تعاملي كلّه اوروبي وامريكي

 

[sma]

كلن عقلة براسة الي يبي الساير يدلة والي يبي غيرة مايشوف شر بسكم حسد هاذا انتم تحلطم وحسد اللة الرزاق ....... الساير مامسك احد بيدة وقال تعال ياجماعة ياشباب غيرو من نضرية الحسد يرزقكم اللة,,,,,,,, روح شوف سيارات تيوتا باالعالم كلة جودة وكد ومد وتكيف بارد واقتصادي بااستهلاك البنزين ..

 

[abdullah151]

السلام عليكم

يا شباب بالنسبه لسعر البرادو غالي مو رخيص
وبالنسبه حق الي يذم تيوتا ويقول انه مال تكسي

انا عندي بالبيت اربع سيارات كله تيوتا والحمد لله عمري ما سويت شي غير السيرفس
وغير جذي تعال بيع الالماني بعد خمس سنين وبيع تيوتا وشوف شكثر يطيح من الألماني وشكثر يطيح من تيوتا .
ويقولون الغالي سعره فيه تيوتا سعره فيه وحتى شعار الوكاله ان قيمه السيارة مثل الذهب ما تطيح .....
التيوتا مكيف بارد متانه قوة قطع غيار رخيصه ....
مع تمنياتي للجميع بالتوفيق
شكرا ............

 

[Wicked]

يا جماعة استهدوا بالله:

أمس كنت في المارينا قالي الفل أوبشن ب 15600:

قلت له ليش 15600؟؟

قالي فيها:

1- نظام kdss نفس اللاند فكسار
2- نظام crawl نفس اللاند فكسار
3- نظام abs-ebd نفس اللاند فكسار
4- نظام hac نفس اللاند فكسار
5- نظام معاونات هايدروليك يصعد و ينزل.
6- ليتات زينون من المصنع مو تركيب شارع الزينة
7- ماكينته 6 سلندر بقوة أكثر من اللاند ال 8 سلندر
8- تجهيزات أيبود.
9- 4 كاميرات مثل الجيب اللكزس الفل مو العادي، النظام هذا بس قيمته 600 دينار.

هذي المواصفات اللي خلت سعره من 10 الاف الى 15000.

و اللي ما يبي هالمواصفات، تقدر تفضل عندهم و تشتري العادي بو 10 الاف