برادو 2010 وصل الكويت

[Wicked]

نعم أنا معاك الألماني أحلى و أرقى و أنظر و أحسن حق الجز و كل شي.

بس هل يشتغل معاك لمدة 7 سنوات متواصلة بدون عطل واحد ؟؟

تويوتا ما تبيعك اسم براق مثل البي أم و المرسيدس، بس تبيعك راحة البال. لو تمشي فيه بوسط الصحراء بالليل لا تخاف الا من اللي خلقك

 

[Nagooshy]

نعم أنا معاك الألماني أحلى و أرقى و أنظر و أحسن حق الجز و كل شي.

بس هل يشتغل معاك لمدة 7 سنوات متواصلة بدون عطل واحد ؟؟

تويوتا ما تبيعك اسم براق مثل البي أم و المرسيدس، بس تبيعك راحة البال. لو تمشي فيه بوسط الصحراء بالليل لا تخاف الا من اللي خلقك

الله يعطيك العافيه اخوي

شنو تقصد بها الكلمه

دورتها بالمسطلحات العربيه مالقيتها

تقصد جزر ؟؟؟

 

[محمد خليفه]

بسم الله الرحمن الرحيم

^^^^^^

يقصد قز يعني فراره

....

بصراحه اشوفه يستاهل عشره حتى لو من غير مواصفات بصراحه شكلة حلو مشالله ومرتب احسن من القديم بمليون مره

 

[مهم للغاية]

كلن عقلة براسة الي يبي الساير يدلة والي يبي غيرة مايشوف شر بسكم حسد هاذا انتم تحلطم وحسد اللة الرزاق ....... الساير مامسك احد بيدة وقال تعال ياجماعة ياشباب غيرو من نضرية الحسد يرزقكم اللة,,,,,,,, روح شوف سيارات تيوتا باالعالم كلة جودة وكد ومد وتكيف بارد واقتصادي بااستهلاك البنزين ..

بس لاتنسى ان الساير وصل شكواة للقضاء عشان يمنع دخول السيارات الخليجية تدخل الكويت ... وبعد ما فشل بمنعها من الدخول قام يمنعها من دخول السيرفس ...... ممكن اسرق من وقتك ثواني

علل:-
1- سعودي يسوق سيارة سعودية يدخل الساير ويعملون له سيرفس وبوسه بعد.
2- كويتي يسوق سيارة سعودية يدخل الساير ويفنقرونه ويقولون له ماكو سيرفس ولا اكو حتى قلاص ماي بارد.

شنو السبب؟؟

هذا تمييز عنصري حسب تفسيرات القوانين العالمية والامم المتحدة.

وانا معاك ان كلن عقله براسه والديرة انترست حسد ......بس اتمنى تجاوبني

 

[Wicked]

الله يعطيك العافيه اخوي

شنو تقصد بها الكلمه

دورتها بالمسطلحات العربيه مالقيتها

تقصد جزر ؟؟؟

هذي كلمه يقولونها عيال هاليومين

يعني :"يدج" و يدج يايه من فعل دجج

مو عربية الكلمه؟؟

 

[Wicked]

بس لاتنسى ان الساير وصل شكواة للقضاء عشان يمنع دخول السيارات الخليجية تدخل الكويت ... وبعد ما فشل بمنعها من الدخول قام يمنعها من دخول السيرفس ...... ممكن اسرق من وقتك ثواني

علل:-
1- سعودي يسوق سيارة سعودية يدخل الساير ويعملون له سيرفس وبوسه بعد.
2- كويتي يسوق سيارة سعودية يدخل الساير ويفنقرونه ويقولون له ماكو سيرفس ولا اكو حتى قلاص ماي بارد.

شنو السبب؟؟

هذا تمييز عنصري حسب تفسيرات القوانين العالمية والامم المتحدة.

وانا معاك ان كلن عقله براسه والديرة انترست حسد ......بس اتمنى تجاوبني

حجي لا تعور راسك.

انت مقتنع بالسعودي، روح أشتره و لا تحاتي الكفاله لأن التويوتا ما تحتاج كفالة أصلاً + لو اضطريت ودها الخفجي، و الحمدلله المملكه و الكويت عمق واحد.

 

[محمود الشامي]

السلام عليكم يا جماعه

الصراحه انا مجرب الساير والخدمه قمه والمواتر سنعه تعيش معاك انا مطلع من الوكاله وعاشت

معي السياره 5 سنوات ما شكيت منها واخسرت نصف السعر بس يعني استخدامي وزياده

كل هذا على راسي لــــكـــــن 15600 ما ادش العقل ما يوصل هالسعر لو كان مليان مواصفات

حدو 12000 مع كل المواصفات المذكوره خذلك x5 احسن واظن بداية 2010 ينزل السعر

والله يوفق الجميع

 

[الكوكب]

يا جماعه اشفيكم عالرجال

اللي يسويه الساير من مصلحة مستخدمي تويوتا

مثال ذلك:

اللي ماخذ برادو 2009 ومايدري ان 2010 بيتغير واخذه ب10000 الحين يقدر يبيعه بقيمه طيبه ولا يخسر فيه.

اما اذا نزل الساير البرادوا الجديد مثل القديم بيطيح القديم طيحه عجيبه يطيح بجبد راعيه واول خسران الساير بيقل الطلب على سياراته مثل اللي صاير بالامريكي.

بعدين ما فيه مقارنه التويوتا يبيض وجه راعيه لو بعد استخدام 5 سنوااااات يسوقه يروح عليه ويجي كانه وكاله.

وجهة نظر انقلها لكم مع احترامي للمخــــــــــــــــــــــــالف.

 

[meeshaal]

اقسم بالله حسد

 

[مهم للغاية]

سؤال قوي

شنو علاقة سعر البرادو كامل المواصفات بقانون ال 15000 الف اللي فرضته الدولة على الاقساط بحيث انه ما يتعداها.؟

هذا معناته انه البرادو كامل المواصفات للبيع كاش فقط وليس للبيع بالاقساط حسب قانون الكويت.


او معناته انه فيلم ويبون يوصلون شعب الاقساط للحديدة؟

 

[مهم للغاية]

حجي لا تعور راسك.

انت مقتنع بالسعودي، روح أشتره و لا تحاتي الكفاله لأن التويوتا ما تحتاج كفالة أصلاً + لو اضطريت ودها الخفجي، و الحمدلله المملكه و الكويت عمق واحد.

بيني وبينك تويوتا صج سيارة وانا فعلا متعامل معاهم (الساير) بس ادارتهم سيئة في تصريف بعض الامور.

 

[alkhamis]

والله حتى سعرا بالخفجي غالي بعد تقريباً نفس سعر الكويت 197 الف

 

[z-75]

عمي شنو البرادو والله مشكلتنا بالديره ان سوينا دعايه حق شي تظل دعايته لأبد الأبدين
ومن زمان مسويين دعايه حق الساير والناس مخامط سيارات منه وسياراته مايسوون شي
بمقارنة بالسيارات الألمانية
عمي طيييييييير شنو برادو 15000 الف
اركبلي رانج ولا مرسيدس ولا بي ام ابركلي واكشخ

 

[alkhamis]

بس للأمانه استعملت الموتر ماعليه كلام حتى بالبر اشفط على الالماني بس عيبه بالخط اذا صار في هوا اهف بقوة واذا مافي هوا ممتاز

 

[q8ali77]

طراد مو سياره