الطالب الشجاع ( الطفل حسين الديحاني ) قصة

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي


طرا في بالي اكتب هالقصة بعد قرائتي
لرساله من احد الاعضاء (حمود الفشقة ) يوصي طفله ان يكون شجاع
في موضوع اخونا قلم حر ، واول ماقريت الرساله
تذكرت حسين الديحاني

///////////////////////////////////////////////////////


القصة
مرتجلة طبعا
فالسموحه اذا فيها اخطاء مطبعية

.......


اثناء دوامي في احد المدارس ، كان هناك طالب
اسمه نواف ،في الصف الخامس، الطالب هذا شاق الارض وطالع
شيطان مشاكس شجاع مايخاف وفوق هذا مسوي
عصابه في المدرسه من الطلبة اللي في عمره ومسيطر عليهم
ويمشون بأمره .. وكان نواف كثير المشاكل
وكل يوم وثاني ماسك واحد من الطلبة وطاقة
وكان الجميع يهابه لجرأته وقوته
لدرجة انّي كل ماشفت طالب يبجي اقول نواف طاقة
واكثر الأحيان ضني يكون في محله

،،،،،
واحيان كثيره كان يطق الطلبه ومن خوفهم منه مايشتكون
لاكن اكتشف هذا الشي بالصدفه
بحيث اني ادخل صف نواف واشوف طالب يبجي
اسأله منو طقّك مايبي يجاوب من الخوف
فأدري ان اللي طاقة نوّاف ،،

حاولت اعاقبة اكثر من مرّه ، وبحكم علاقتي مع
ابوه كنت اطقة ، واقسى عليه صراحة
واحاول افهمه ان اللي تسويه شي مو حلو
وحرام تطق ناس اضعف منك . لازم تبطل هالحركات
ومن هالكلام ،
احيان كثير يقط كلامي ورا ظهره رغم خوفه مني
ويختلق له مشكله جديدة
ويضرب احدهم . وكأني كنت اكلم الطوفه
واللي يقهرني انّ بعض الأحيان يضرب طلبة شطّار
وعاقلين لآخر درجة ، فآخذه واجحشه
وماأسمع منّه غير ( ولله اخلي ابوي يرفع عليك قضية )

طبعا ابو نواف محامي ..
.

، المهم عرفت ان هالولد ماينفع معاه
لاكلام ولاعقاب ..


حاولت اتقرب منّه واعتبره صديقي لي
وحاولت اني ابيّن له اني اعتمد عليه بظبط الفصل
ودايم لا بغيت شي اسأل نوّاف ،
القصد ترا انت يانواف طالب ممتاز
وانا اعتمد عليك ،
وكانت محاولة انّي اخليه على الأقل يستحي
منّي ، وانجحت هالفكره بشي لاباس فيه
لاكن مشاكل نوّاف مو راضية تخلص
وضربه للطلبه مو راضي يوقف ...


،،،،


المهم انتقل للمدرسة طالب اسمه حسين الديحاني
كان اقصر من نواف شوي وتقريبا نفس
جسمة ، وهذا الطالب لاحظت عليه
انه محترم وعاقل ومايحب المشاكل ابد
وكان دايم بحاله وماله شغل بأحد
ونسيت اقول لكم انّه صار بصف نوّاف .


فـ لو صار دوري في مراقبة الفرصة
كنت اشوف حسين يروح المقصف ويصف بالدور
وياخذ اكله ، ويشوف له زاوية ويقعد فيها
ياكل وأول مايسمع جرس انتهاء الفرصة يروح بكل
هدوء للصف ،
عكس نواف اللي يمشي بالفرصة ووراه 6 او7 من
الطلبه اللي اهم عصابته ويمشون تحت امره
وكلهم يخافون منّه
فقلت باجر او اللي بعده راح يجيبني حسين يبجي من نواف
لعلمي ان نواف راح يختلق معاه مشكله
وماراح يخليه بحاله


وفعلا صدق ظنّي

بعد كم يوم من انتقال هذا الطالب ، واذا ماني
ناسي يمكن 3 ايام بالظبط .
شفت نوّاف بغرفة الإخصائي وكان واقف يسار طاولة الإخصائي
شفته يبجي ويشاهق من البجي
والصدر يصعد وينزل من قوّة البجوة والشهيق
صوته واصل غرفة الناظر والدموع اربع اربع

اطالعه وانا مو مصدق عيني نوّاف يبجي معقوله
منو هذا اللي يقدر يطق نوّاف ..

دخلت الغرفه واطالع يسار الطاولة ولاّ الطالب الجديد
حسين الديحاني ، شالسالفه شنو صاير
سألت الإخصائي وطبعا الإخصائي يعرف نوّاف
ومشاكل نوّاف ، اوّل ماشافني الإخصائي
قال بص يااستاذ محمد مين جاي يشتكي
التفت على نوّاف وقلت له شفيك نوّاف
منو طقّك ، اشّر على حسين واهوطبعا يشاهق
وقال هــ هــ هذا ال ال الحححمار .
وحسين بالمقابل يرد عليه ، حمار انت وشكلك
نوّاف : ولله مااخليك ولله لأكسر وجهك
حسين واهو مستحي مني بصوت خفيف، تخسي

رحت لحسين وسألته ، ليش طقيت نواف
رد حسين. استاذ اهو اللي غلط علي وتحرش
فيني ( ، ادري يحسين وكنت متوقع
بس ماتوقعت انّك بتقدر عليه طبعا اقولها بقلبي )
ايه // وبعدين دزني واخذ اقلامي ، قلت له ردهم
مارضا وقلت صير عاقل لااطقك
لاكن كل شوي يجي يمي ويدزني
وينادي رفيجه يقوله تعال شوف شعره ، يبي
يضحك الطلبه علي ، ومسك اذني استاذ ،ورفجيه يدز الكرسي
فقمت وطقيته اهو ورفيجه الثاني

طبعا رفيج نواف اكتشفت بعدين
انّه محصل له طقه محترمه من
حسين ،لاكن مااشتكى لان شاف زعيمه انطق

المهم وانا اسمع حسين قلت بقلبي
( كفو ولله ياابو علي )
كسرت شوكة نوّاف
ولااخفيكم ان شجاعة حسين وجراته اعجبتني
حيل ،
كيف ان طالب جديد على المدرسة ومايعرف
احد فيها ويمسك اثنين من اقوى الصف مثل مايقولون
ويمسح فيهم الارض ولا يرد عليهم ولا على عصابتهم

..

المهم صالحناهم ، واليوم الثاني حسين صار صديق
نوّاف ، لاكن اهو الزعيم ، واكثر طالب
بالمدرسة يخاف منّه نواف اهو حسين

ويويل نوّاف لو طق احد يعرف حسين
يمسكه حسين يلعن خيره ،، طبعا
حسين طالب عاقل ومايحب المشاكل
لاكن صاحب فزعه ومايخلي حقه
ولا يخاف من احد لا نواف ولا غيره





وهذي سالفة الطالب الشجاع حسين ..:p
اتمنى انها تعجبكم .

وصراحة وماهو غرور اهو يشبهني كثير
انا يوم كنت بعمره ماكنت اخاف من احد بالمدرسة
واللي يتحرش فيني اطقة . وكنت مثل مانقول اقوى الصف :)



 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
هلا بو جاسم

ماني قايل سالفتي يوم اصيدك عند 4 / 2​
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
القصه قمة الروووعه

اعجبتني شخصية حسين

ابداع


لاعدمنـــاك



.


ياهلا ومرحبا دنيا
اسعدني مرورك ، الف شكر



هلا بو جاسم

ماني قايل سالفتي يوم اصيدك عند 4 / 2​



تقصد 4 / 1

يوم امردغك وآخذ الاكل منّك ، لا قولها عادي :)



حياك باابو عبد الله وشكرا على المرور يالغالي .
 

وسيط اسهم

عضو نشط
التسجيل
3 فبراير 2009
المشاركات
1,788
الإقامة
$$ الريــــ ض ـــــا $$
هلا بالغالي :)


بصراحة قصة روعة :)
لكن جاء دوري اللحين انا اللي هو


البدليات كالعادة .. حاشر نفسي بكل زاوية وادري اخرتها ابنطق ..:(

المهم عقب ماطلبت انت على الاخطاء المطبعية تحمست ع القصة بزيادة طبعا وهي فيها اخطاء وبصراحة ايدي تقرصني ابي اشيلهم للمنتزه ..
:rolleyes:

لكن يوم اني شفتك تعتذر ع الاخطاء المطبعية ضاق صدري وقلت حرام نشهر بالرجال ..;)


فديت قلبك يالغالي :D
 

الذيبة

عضو مميز
التسجيل
3 أغسطس 2009
المشاركات
10,008
الإقامة
في قلــوب الطيبيــن
MOHAMMED11

قصه رهيييييييبه عشت اجواء وشطانه نوااف :)

وهدوء حسين اللي يسبق العاصفه :eek:;)

مشكور يا محمد كما اني وجدت سلاسه

بانسياب القصه وترابط الاحداث وراء بعض

وتوصيلك للمعلومه بكل سهوله


كل الشكر موصول لشخصك الكريم


دمت بصحه وعافيه
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
مشكووور يانواف على نقل القصه اقثد يامحمد :)



عاد في ولد اسمه محمد كنت كله اطقه وكنا برابعه اول :) لايكون انت بس
 

دنياء غريبه

عضو مميز
التسجيل
5 يناير 2009
المشاركات
12,840
هلا بالغالي :)


بصراحة قصة روعة :)
لكن جاء دوري اللحين انا اللي هو


البدليات كالعادة .. حاشر نفسي بكل زاوية وادري اخرتها ابنطق ..:(

المهم عقب ماطلبت انت على الاخطاء المطبعية تحمست ع القصة بزيادة طبعا وهي فيها اخطاء وبصراحة ايدي تقرصني ابي اشيلهم للمنتزه ..
:rolleyes:

لكن يوم اني شفتك تعتذر ع الاخطاء المطبعية ضاق صدري وقلت حرام نشهر بالرجال ..;)


فديت قلبك يالغالي :D


هههههه

هذا اشوف والله
تدور في المشاركات بس عن حرف غلط :p
في مشاركه قلت ينت وانا قصدي بنت

وانت على طول بدليه :(

ههههه

الله يقطع شر ابليسك
 

ام روتا

عضو نشط
التسجيل
14 مايو 2009
المشاركات
629
الإقامة
الكويت
مشكور على القصه الرائعه
المهم
وانا اسمع حسين قلت بقلبي
( كفو ولله ياابو علي )



عجبتني
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
مشكور على القصه الرائعه
المهم
وانا اسمع حسين قلت بقلبي
( كفو ولله ياابو علي )



عجبتني


مسكين هالنواف كل الناس ضده

ذكرتوني بقصة الزير سالم يوم طاح ..كثروا اعدائه والا قبل محد يتجرا عليه


:mad:
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
شكرا
 

ابوشروق

عضو نشط
التسجيل
18 يوليو 2009
المشاركات
577
الإقامة
الكويت
هذى اللى ينطبق عليه المثل

اتقي شر الحليم اذا غضب

كفو يابوعلي

مشكور على هالقصه
 

العاشق

عضو مميز
التسجيل
18 يناير 2009
المشاركات
14,324
الإقامة
هنا
الف شكر على هذي القصه الجميله

وتحياتي لك ولجميع (عربات ) المدارس قبل :cool:


وسجل أسفي وحزني على جميع المدبوغين بالمدارس وحراس المرما بلعب الكره :(

:p:):D;)
 

abdullah6868

عضو نشط
التسجيل
3 مايو 2008
المشاركات
6,222
الإقامة
kuwait
طاح براعي الشوهات
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
هلا بالغالي :)


بصراحة قصة روعة :)
لكن جاء دوري اللحين انا اللي هو


البدليات كالعادة .. حاشر نفسي بكل زاوية وادري اخرتها ابنطق ..:(

المهم عقب ماطلبت انت على الاخطاء المطبعية تحمست ع القصة بزيادة طبعا وهي فيها اخطاء وبصراحة ايدي تقرصني ابي اشيلهم للمنتزه ..
:rolleyes:

لكن يوم اني شفتك تعتذر ع الاخطاء المطبعية ضاق صدري وقلت حرام نشهر بالرجال ..;)


فديت قلبك يالغالي :d

الروعه في مرورك وسيط

ومشكور على كرمك
فديت روحك ...

هات بوسه

^_^
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
mohammed11

قصه رهيييييييبه عشت اجواء وشطانه نوااف :)

وهدوء حسين اللي يسبق العاصفه :eek:;)

مشكور يا محمد كما اني وجدت سلاسه

بانسياب القصه وترابط الاحداث وراء بعض

وتوصيلك للمعلومه بكل سهوله


كل الشكر موصول لشخصك الكريم


دمت بصحه وعافيه


ماشفتي شي الذيبة انا لاكتبت ابدّع :d
^_^


مشكورة اختي على مرورج ومجاملتج اللطيفة
لا خلا ولا عدم ..
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
مشكووور يانواف على نقل القصه اقثد يامحمد :)



عاد في ولد اسمه محمد كنت كله اطقه وكنا برابعه اول :) لايكون انت بس

^_^

هلا وغلا كابتن
والولد هذا سلمك الله اهو قلم حر وباعترافه
انت كنت تطقة بالفرصة الأولى
وانا بالثانية
وطالع قلم وشوف ملامحة على طول بتتذكر الولد:d

مسكين من عمره مطقوق ^_^

مشكور يالغالي على مرورك . .
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
أعلى