وين أهل لندن

[ابامحمد]

السلام عليكم ​

يأخوان انا الآن في لندن ودي اخذ رايكم ابي اشتري عطر مميز مو موجود بالكويت او التركيز يكون افضل في لندن نسائي او رجالي ( عادي ) فلاتحرمونا من خبراتكم​

بس ياليت محد يقولي خذ توم فورد لأني كرهته من كثر ما الناس هبو فيه

 

[بوحسين76]

تبي نصيحة اخذ نسائي لانه مركز اكثر وفواح ويثبت بالملابس اكثر من الرجالي

 

[سعود العجمى]

السلام عليكم ورحمة الله وبركاتة اولا عسا الله يردك لاهل سالم غانم بأذن الله ثانيا اسمع العلم وانا اخوك انا كنت فى لندن سنه 2007 وشريت هالعطر Trish mc evoy _tirsh
عطر رجالي اللون ازرق
موجود فى مجمع اسمة اعتقد سلفرج ووالله العظيم عطر فى قمة الروعه ولعلمك ترا للحين مانزل فى دول الخليج وشوف روح للمجمع وشم العطر ودزلى رسالة بالخاص عن رايك اقضب العلم وجيب منه واذا ماعجبك قول سعود مايعرف للعطور
صج ترا فى اكثر من شخص اعرفهم راحو هناك ووصيتهم عن العطر وجابوه لى وهم فى عطر نسائى اسمه مثل الرجالى راح تلقاه واى استفسار او خدمة قولى وسلامتك

 

[50فلس]

هلا فيك اخوي شوف اسمع مني وروح سيلفرج واخذ عطر اسمة (( ترش 69))
عندهم من رقم واحد لي رقم 11 بس نزلو ترش 69 شي عجيب وعلى فكرة ما ينباع الا في سيلفرج واذا تقدر تجيب ترش 11 انا اشترية منك
وتحياتي لك ولكل اهل لندن

 

[BMW750]

غند عطر Trish نازل منه جديد وحتي انواعه القديمه حلوه مو موجود بالكويت
وكذلك عطورات توم فورد وخاصه عطرهم العود حلو بس غالي

 

[سعود العجمى]

الحمد لله الربع اشهدو على عطر تراش زين شي طيب من شباب طيبين تحياتى

 

[بوفهدuk]

لايطوفك

Lola (marc jacobs ) هذا عطر جديد نسائي .في مجمع بجانب الشيراتون مقابل السفاره الكويتيه .

 

[KUWAIT- STOCK]

هلا بومحمد

اكو عطر ماركة Annick Goutal اسم العطر Ambre Fétiche تحصل البوتيك مالهم فى 109 Mount Street

 

[قدساوي .]

هلا اخوي

شوف اخوي اكو عطر شانيل مو موجود نهائيا بالكويت ولا حتي بالخليج

وماينباع بلندن الا بمحل ملابس خاص لأياء الشانيل وموطبيعي

وموجود منه ست انواع او سبع انواع من العطور وحجمهم 200 ملل فقط
وسعره تقريبا 180 باوند وانا خذيت شانيل كوماندر وشرط يقعد بالملابس اكثر من خمس ايام
والله والله الكل يسألني عليه حتي بالكويت لما رحت بيضون وتناغرا العطورات الفرنسيه ودبنهامز
جنو عليه والله روح وادعيلي

اتحصله علي ما أضن بهاروودز

 

[ابوحنان]

عليك بعطرين فقط لاغير وأنا توني راد
من لندن وتلقاهن بسلفرج باكسفورد
1- ترش 69 وسعره 63 باوند ( سعره ثابت من 3 سنوات )
2 - عطر توم فورد ( برائحة العود ) 50 مللي بسعر 100 باوند
وسلامتك وترجع بالسلامة

 

[almu7ank]

تبي عطر راقي وخل عنك توم فورد وترش

في عطر اسمه رقم واحد ما اقصد ون مليون لا هذا غير اسم العطر جذي 1 يعني رقم واحد اتحصله عند باريس غاليري في المملكه العربيه السعوديه قيمته 60000 الف ريال اي ما يعادل 4500 دينار كويتي لا غير

 

[بقصم و درابيل]

السلام عليكم ،،
يا خوي أن شاء الله ترجع بالسلامة،،
بس أذا في مجال تجيب معاك
((فليك لندني + كتكات أبو قصدير القديم))
وأنا مستعد أشتريهم منك.
ورقمي عالخاص​

 

[ابامحمد]

اشكر الأخوان على تفاعلهم الطيب معاي بس حبيت اقولكم ان تراش مومتوفر بسلفرج (الكميه الموجده خلصت) وحبيت اعرف إذا فيه عطر حصري مميز متوفر في لندن إضافة إلي اقتراحات الأخوان الجميلة

. (وين أهل لندن)

 

[صاحب صاحبه]

تراش راح تلقاه في مجمع هارودز

 

[q8s350]

اخوي تبي شي مميز جدا فيه عطر اسمه اكسبلورر في سلفرج بصراحه شي مميز تلقاه بالنص جنب توم فورد.وراح تدعيلي وترجع بالسلامه ان شاءالله.

 

[ابامحمد]

وين اهل لندن

 

[سعود العجمى]

خلصوا اهل لندن ككككككك موفق خير لاتنسانا بالدعاء