للبدل بيت مع تخصيص بـ سعد العبدالله

[الـصانع]

السلام عليكم


لدي بيت حكومه بـ سعد العبدالله , قطعه 10 , زاويه مقابل المسجد

لم يسكن حتى الان .. أرغب بالبدل مع تخصيص ودفع الفرق لي .

ياليت توضيح التخصيص وين , والفرق جم . بالموضوع او برساله خاصه

للجادين فقط​

 

[عبدالله المطرفي]

عندي تخصيص 96 وكم طالب انت في البدل

 

[q8s350]

عندى طلب 2001 اذا يصير ما نختلف على السعر ( ابو فهد ) 66242224

 

[MMLooo7]

جم طالب - وعطنا الشارع ورقم المنزل على شان نشووووووووووف

 

[الـصانع]

عليكم السلام

المطلوب 30,000 مع أي طلب ما قبل 97

اخوي بو فهد طلبك ما يصير تستبدله

اللي جاد يا ليت يرسل رساله على تلفون رقم 97800220

 

[سهم استراتيجى]

اخوي الصانع سعرك خيالي !!!

خصوصا انة بيت وتكلفتة عالية حيل تبيعة المؤسسة 60 الف لك بينما المشاريع السابقة المماثلة كانت على 38 الف مثل النعيم

سومتي 15 الف وطلب 98 واذا لك خاطر بصباح الاحمد يحقلك واذا تاخذ الطلب وتنطر خيطان وغيرها بكيفك

واذا توضح الارتدادات بالضبط كم متر يمكن ارفع سومتي


اتمنى تبيع باكثر من اللي ذكرتة ... وبالتوفيق وطلبات 97 لا يستعجلون ان شاء الله بيحوشهم بيوت سعد العبدالله اللي يرغب لان اللي ماتوزع والباقي 1064بيت ومافية اقبال واليوم تم طلب لغاية تاريخ 31/12/1996 يعني بيحوشهم اكيد 100%

وهذا عنوان الاعلان

http://www.housing.gov.kw/News/DispNews.asp

 

[الوافى44]

اخوى سهم استراتيجى التوزيع فى بيوت سعد العبدالله وصل 31\12\ 1995 رفيجى طلبه 96 شهر 3 حاول يدش احتياط ماقدر الدفعه الاخير ه يقول كله سنة 95 طلباتهم الى دشو احتياط

التخصيص فقط مددوه لغاية 31 \12 \ 96 اتوقع البيوت الباقيه توصل فى التوزيع الى اخر سنة96 فقط هذا والله اعلم

 

[سهم استراتيجى]

اخوي الاعلان واضح التخصيص لل 31/12/1996 والسبب ماخصصوا العدد المطلوب وهو 1064 وقول لرفيجك الوعد شهر 3 ان شاء الله بيدش القرعة عندي واحد من الشباب نزل اسمة بالدفعة الاخيرة وماراح فخذوا الاحتياط مكانة ( هون) يعني 97 بيطلبونهم قرييييب

 

[الوحش^^]

أخوي سهم استراتيجي

"خصوصا انة بيت وتكلفتة عالية حيل تبيعة المؤسسة 60 الف لك بينما المشاريع السابقة المماثلة كانت على 38 الف"

هل انت متأكد من هالمعلومة؟ والاثبات عليها اذا تكرمت.

مع تحياتي

 

[سهم استراتيجى]

هلا اخوي الوحش

هذا مقتطف من الموضوع


القسيمة الواحدة منها 400م2 ومتوسط مساحة المباني للبيت 435م2 بمعدل متوسط تكلفة البيت من دون خدمات 54.642 الف دينار اما في حالة اشتماله على الخدمات فإن متوسط تكلفته يصل الى 64.2 الف دينار وعن فترة الانتهاء من مشروع مدينة سعد العبدالله

وحاضرين للطيبين

وهذا عنوانة

http://www.alanba.com.kw/AbsoluteNMNEW/templates/?a=32736&z=14

 

[الـصانع]

والله يا اخ سهم استراتيجي

هذا سعري تشوفه معقول ولا خيالي تبقى اخ وعزيز ..

لكن لما تقولي البيت تبيعه المؤسسه بـ 60 ألف ! جان كل الناس خذت بيتين مو بيت واحد

هالسعر تكلفه لاني ناطر البيت 15 سنه .. مو معناته انك تقدر تشتريه بهالسعر البخس

ودامط طلعت بره الموضوع شويه .. هم احب اقولك فيه موضوع بهالصفحه

مبادلة طلب مع طلب والفرق بينهم عدة أشهر فقط !! والملغ 10 ألاف دينار

وحياكم الله

 

[سهم استراتيجى]

اخوي الصانع ردك المتوازن يدل على طيبتك ... والله يرزقك من واسع فضلة

لما قلت 60 الف قيمتة ماقصدت انه رخيص قصدي سعرة عالي حيل لو عرفت كم بيحسبونة عليك المؤسسة المشاريع السابقة (بيوت الحكومة) كانت بحدود 40 الف والقسط بعضها 40 دينار والبعض الاخر 60 دينار ماادري جم قالولك القسط الشهري لبيتك ؟؟

عموما دزلي رقم البيت ان شاء الله ارفع سومتي

.

 

[الـصانع]

الله يرزق الجميع ان شاء الله .. مشكور

ورقم المنزل عندك بالخاص