الى اهل المدينة المنورة

الموضوع في 'السوق الأمريكي للأوراق الماليه' بواسطة Day_trading, بتاريخ ‏5 ديسمبر 2004.

  1. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    السلام عليكم ورحمة الله وبركاتة انا عندى سؤال انا انشالله يوم الاحد الجاى رايح المدينة المنورة عن طريق جدة ومنها سوفة اذهب الى الكويت عندى سؤال اذا تكرمتو فى طريق من المدينة وانت رايح الى الحفر طولة 450 كلم مقطوعه من الاستراحات ممكن اعرفه وكم المسافة من المدينة الى الحفر
    اخوكم ابوراشد من جدة غير​
     
  2. خنجر

    خنجر عضو جديد

    التسجيل:
    ‏24 مايو 2004
    المشاركات:
    535
    عدد الإعجابات:
    0
    قطعت هذه المسافه على دتسن غمارتين فى حدود 10ساعات

    علما بان الخط ذاك الوقت سيد واحد
     
  3. باترن

    باترن عضو جديد

    التسجيل:
    ‏21 ابريل 2004
    المشاركات:
    188
    عدد الإعجابات:
    0
    ابو راشد

    يمكن تقصد طريق المدينة - القصيم هو اللي مافيه استراحات لانه جديد

    اهم شي خل البنزين فل قبل تطلع من المدينة ولا عليك لاني كم مره رحت مع الخط ...... بس ترفق :)
     
  4. alnader2004

    alnader2004 عضو جديد

    التسجيل:
    ‏31 مارس 2004
    المشاركات:
    557
    عدد الإعجابات:
    0
    مكان الإقامة:
    قطر
    شوف عزيزي Day_trading الطريق اللي أعرفه كالتالي :

    بعد ما تصلي بالروضه الشريفه وتدعيلنا هناك وتسلم على الرسول صلى الله عليه وسلم وصاحبيه ابن ابي قحافه وابا حفص رضي الله عنهما و أرضاهما وتمر البقيع الغرقد وتسلم على صحابة الرسول رضوان الله عليهم أجمعين تطلع من المدينه المنوره ولا تنسى وانت طالع تمر شارع الشهداء وتسلم على شهداء أحد وسيدهم الحمزه بن عبد المطلب ، هنا يا طويل العمر إذا بغيت الكويت تسلك أحد الطريقين التاليين :
    الأول : طريق القصيم السريع ومن القصيم تسلك طريق المجمعه ثم حفر الباطن ثم الرقعي ثم الكويت أو إذا انت لك مزاج على الطرق الكثيرة الانعطافات والارتفاعات تسلك طريق الزلفي من القصيم ثم الحفر ثم الرقعي ثم الكويت
    الثاني : تطلع من المدينه المنوره وتتجه لمنطقة حائل 350 كيلو ومن حائل 350 لرفحاء ومن رفحاء 290 الحفر ومن ثم الرقعي فالكويت ، يقولون وانا ماني متأكد أنه بعد ماتطلع من حائل وقبل رفحاء ب 100 كيلو تجد منطقه اسمها لينه منها تسلك طريق القاعده المتجه لحفر الباطن يقولون أنه يختصر لك المسافه

    أنا أفضل أن تسلك طريق القصيم المجمعه الحفر شي تعرفه أحسن من شي ماتعرفه وانا أخوك
     
  5. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    مشكور يالنادر انت والشباب ماشالله النادر كفيت ووفيت بس ابي الطريق اللى مافيه بنزين كم كيلو والطريق الاول خط سريع والا طريق واحد
     
  6. alnader2004

    alnader2004 عضو جديد

    التسجيل:
    ‏31 مارس 2004
    المشاركات:
    557
    عدد الإعجابات:
    0
    مكان الإقامة:
    قطر
    شوف عزيزي Day_trading الطريق من المدينه المنوره للقصيم ثم للمجمعه سريع ومن المجمعه لحفر الباطن خط واحد بالنسبه لسريع المدينه القصيم خط جديد أخر مره سلكت الطريق هذا كان العام الماضي الصراحه انقطعت من البانزين واضطريت اني اسلك طريق إحدى الهجر لمسافة 25 كيلو عشان افول السيارة انا انصحك تشيك بنزين بالمدينه وبعد ماتخلي المدينه وراك 100 كيلو ترد تفول السياره من اقرب محطه حتى لو تضطر تاخذ يوتيرن فيما لو كانت المحطه بالاتجاه الثاني الطريق من المدينه للقصيم ماأذكر المسافة بالضبط بس ما اعتقد أنه أقل من 550 كيلو ​
     
  7. abooyaser

    abooyaser عضو محترف - مشرف القسم السعودي

    التسجيل:
    ‏24 مايو 2004
    المشاركات:
    3,425
    عدد الإعجابات:
    0
    مجرد مشوره

    اشحن السياره عن طريق البسامي للمنطقه الشرقيه

    اعرف موعد وصول السياره واظن لديهم خدمة ايصال السياره للمطار
    وتأخذها من هناك

    اطلع بالطائره من المدينه الي الرياض واجلس يوم واحد -اسكن في الفور سيزسزنزز في ناطحة السحاب مبني المملكه واطلع لجسر المشاهده الذي يزن 300 طن علي ارتفاع 300 متر (الدور 99)
    بعدين اطلع الي الشرقيه وتمتع بها --واكيد معك الجواز --مر البحرين وبعدين سافر بر الي الخفجي ثم الكويت

    اهم شي التوقيتات والراحه والبعد عن سوق الاسهم حتي الإنترنت

    حتي توصل

    الا تري ان الانسان لما يكسب من السوق من الضروري ان يتمتع بالمكافأه

    من المتوقع بعد الرحله يتجدد النشاط وتصير جاهز لإقتناص فرص السوق المقبله

    تحياتي
     
  8. الشعثاني

    الشعثاني عضو مميز

    التسجيل:
    ‏20 مارس 2003
    المشاركات:
    2,302
    عدد الإعجابات:
    1
    مكان الإقامة:
    ** بلاد الورد **
    >>>><<<<
     

    الملفات المرفقة:

    • ABU.png
      ABU.png
      حجم الملف:
      76.2 KB
      المشاهدات:
      323
  9. راكد

    راكد عضو جديد

    التسجيل:
    ‏18 سبتمبر 2004
    المشاركات:
    25
    عدد الإعجابات:
    0
    يا جماعة تراكم بالغتوا 000 طريق المدينة القصيم السريع انا ماشيه 3 مرات

    ما يجيله 350 كم 000 الى اول محطة على نفس الطريق

    اما الطريق القديم ( المدينة الصويدرة الحناكية فهذا انا مشيته عشرات المرات

    يتلوى تقول حصني :p لكن اذا انت معاك عائلة وورعان ( اطفال) انصحك بالقديم

    لاني توهقت في قضية الاستراحات ودورات المياه لطلب الاطفال المتكرر

    والله اعلم
     
  10. aymutlaq

    aymutlaq عضو جديد

    التسجيل:
    ‏21 نوفمبر 2004
    المشاركات:
    2,056
    عدد الإعجابات:
    1
    مكان الإقامة:
    الرياض
    عزيزي ابو راشد

    قواك الله ، وخصوصا انك متجها الى طاعة الله فكلما زادة المسافة كلما زادة حسناتك ، والنية محلها القلب ، بس انت توكل على الله.

    اما بالنسبة للمسافة ، انا اذكر اني قطعة المسافة قبل ما تطلع الدداسن والطيارات ( قبل خنجر حظه راح بوقت الدداسن ) ، وكان وقتها ما فية طالع الا البعرور ودباب خرينق ( بكسر الخا ) ، عاد انا اخذت الاثنين خويك طماع المهم مريت على هالمطعم ( اذكر ان اسمه بعير برقر ) قبل ما امسك الخط تعرف ما فيه استراحات ، و دقيت لك من هالهام برقر ومسكت الخط بس مو سيد واحد اذكر اكثر من 100 سيد تعرف رملي وتراب عزكم الله وكل واحد يسوي له خط ، انا تركت الموضوع للدباب والبعرور ، قال البعرور ابي اسوق ، قلت يالله سوق توكل على الله ، ركب البعرور على الدباب وانا ركبت فوق البعرور وحطيت راسي ونمت وما صحيت الا وانا على مشارف المدينة اتاري البعرور حاط رجلة ويامسكين يالدباب مولع ، عاد انا ما خليته قلت للبعرور وقف ، ثم استرحنا شوي ، قال الدباب انا ابي اسوق البعرور قلت يالله سوق ، واتاري الدباب نوي نية شينه على البعرور ، اللمهم ركب الدباب على البعرور وانا ركبت على الدباب ، حط رجلة الدباب وقعد يشوت بالبعرور ينتقم منه ، اللهم ياكافي بهذلك البعرور اخر بهذلة ، وصلنا المدينة المنوره ، وحولت على هالمطعم واكلت الهامبرقر ، وصليت بالمسجد النبوي وسلمت على الرسول صلى الله عليه وسلم وعلى شهداء احد ، وتركت الدباب خرينق والبعرور ، ياشيخ بهذلوني هالبزارين ، وبعدين رجعت بالطيارة ، اذا كم ساعة بين الرياض والمدينة عليك ان تحسب من وقت اكلتي الهام برقر الى في الرياض الى اكلتي الهام برقر بالمدينة المنورة ولك الف سلام وتحية والله يعطيك العافيه واذا تبي استفسار قول وانا بالخدمة ..... اخوي حبيت اضيف شى من المرح واوسع صدركم شوي .... عاد سامحنا اذا اخلينا بالموضوع واخيرا نتمنى لك رحلة موفقة ولاتنسانا من دعائك ....

    ابوعمر
     
  11. SAIF1743

    SAIF1743 عضو جديد

    التسجيل:
    ‏18 يوليو 2004
    المشاركات:
    1,279
    عدد الإعجابات:
    0
    مكان الإقامة:
    safwa
    عزيزي بور اشد ... تقبل الله منك و ارجعك سالما غانما ان شاء الله ....
    بس عندي لك شور .... تشحن السيارة الى الشرقية و تجي عندنا علشان نقوم بالواجب معك و بعدين تتسهل من الشرقية لين الكويت بحفظ الله و سلامته ... و تراك عليك حق اذا ما سوتها ....

    تلفوني تحصله على الخاص ان شاء الله قبل ما تطير طيارة المدينة الدمام دق علي تلفون و ما عليك ... لا تقول راح تتعبنا و لا شي من هالكلام .... تراني كل ما سويت ما اوفي حقكم يا شباب الكويت ....


    موفق يارب
     
  12. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    والله ضحكتنى ابوعمر ماشالله الشعثاني متميز بالصور ابوعلى تصدق وتامن بالله انا معاى تذاكر رايح جاى قسم بالله من الكويت الى جدة ومن جدة الى الكويت ولا استخدمتهم قسم بالله لانى انا اصلن رايح على حساب وزارة الخارجية وفضلت انى اروح بالسيارة وعلى العموم دعوتك مقبولة لاكن ابيك تعذرنى الايام هذى لانى صارلى الحين 67 يوم ماشفت البيت :confused: ولاشفت قلبي وضيحي وجالس اعد الليالى والايام عشان ارد البيت تكفى اعذرنى الايام هذى وعندى اشغال كثيرة جدا فى الكويت والله يا ابو على انا للحين مافصلت للشتاء وعندنا اككتاب القرين للبتروكيماويات يخلص الاسبوع الجاى واخوك يبي يككتتب بس انا اوعدك انه لنا جية للشرقيه وعندى دورة يوم 18/12 ولازم اكون يوم الاربعاء مسوي فحص قسم بالله​
     
  13. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    ابو راشد كيف حالك

    اسمحلي توني اطلع على الموضوع
    المهم

    الطريق اللي انت خايف منه هذا طال عمرك من اختصاصي واخر مره مشيته قبل اسبوع

    الطريق سريع وطوله تقريبع كامل من القصيم (بريده) الي المدينه المنوره تقريبا 500 كيلو

    لكن اللي يهمنا البانزين

    لا تحاتي يالغالي اذا طلعت من المدينه تجيك اول محطه بعد 90 كيلو محطه صغيره جدا لكن المهم انها تبيع بانزين وبعدها 70 كيلو تجيك محطه ثانيه خدمه 24 ساعه

    والحمدلله على النعمه من ناحية انك تحاتي لا تنقطع من البانزين هذا شي مستحيل

    وبعدين ماشاء الله امن الطرق على طول الخط السريع كل 100 كيلو تفتيش يعني انصحك لا تسرع (غشني الالماني خالفوني السرعه 190 بدون شعور :d )

    بس الملاحظه الصغيره على الموضوع وهي ان شاء الله ما تضرك ان المحطات اللي انا تكلمت عنها تجيك على يمينك وانت راد للكويت وهذا ميعطلك لان الفتح اللي تتطلع عليهم تكون قريبه عندهم

    وعلى فكره بعد المحطات اللي ذكرتهم تجيك محطت البترا بعدهم ب 150 كيلو تقريبا وبعدها المحطات ما تنقطع الى الكويت انصحك بطريق ام سدره تراه على كيفك وفيه وناسه
     
  14. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    هلا بالشيخ ام سدرة ممكن تحديد سير هذا الطريق وكم كيلو من المدينة الى الصباحيه :confused:
     
  15. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    ابو راشد ام سدره اللي ذكرته قبل اشوي يجيك على نفس الخط السريع وهو بعد بريده ب 55 كيلو او اقل بشوي وهو جسر تصعده وتاخذ يمين من عنده وبعده ب 40 كيلو يجيك الزلفي وبعده ب 60 كيلو تجيك الارطاويه ومن بعدها ام الجماجم ب 40 كيلو بعدها الحفر ب180 كيلو والصباحيه عن الحفر 270 كليو وانت عليك الحساب :d :d
     
  16. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    ابو راشد يسأل عن المدينة المنورة وانا موجود :)
    اللهم أجعل لنا فيها قرارا

    في طريقين يابو راشد
    أذا معاك عائلة أنصحك بالطريق الي تمر فيه من خلال المدن
    أما الطريق الآخر خط سريع و موحش شوي , خاص للحملات جزاهم الله خير على هذا الطريق الخاص للحملات

    الطريق العادي تمر بالتسلسل في
    بعد المدينة :-
    السويدرة
    الحناكية
    عرجه
    النقرة
    عقلة الصقور
    البتراء
    بريدة
    الزلفي
    الأرطاوية
    أم الجماجم :D
    حفر الباطـن

    أذا تبي Coordinations أنا حاضر , أشغل الجارمن و أبحث لك
    Coordinations = أحداثيات

    تجي بالسلامة , ولا تنسانا من دعواتك بطيبة الطيبة
     
  17. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    هلا ابومحمد اخوك ابزراشد يكلمك من فندق دار الايمان فى طيبة الشريفة بكرة انشالله مع الصباح راجع الكويت بعد رحلة استمرت 67 يوم ماشفنا الصباحية :confused:
    ندعيلك يابومحمد فالمدينة مبروكة
     
  18. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    تجي بالسلامة

    ابو راشد ماعليك من الي يقول لك دتسن ولا دباب
    هذا طريق المدينة مو شارع الستين

    الطريق هذا تقطعه وانت متطمن بموترين فقط , لاندكروزر أو لاندكروزر
    ;)
     
  19. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    هلا ابومحمد ابشرك انى وصلت الكويت والحمدالله
     
  20. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    الف الحمدلله على السلامة

    welcome back