صديقي عنده مشكله اسرية وابي حلها ؟

الموضوع في 'إستراحة المنتدى' بواسطة MUSAED77, بتاريخ ‏10 نوفمبر 2009.

حالة الموضوع:
مغلق
  1. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    باختصار المشكلة لي صديق عزيز متزوج من 8 سنوات وعند اطفال مشكلة مع زوجته المشكلة الأولي :

    1- زوجة تنام الساعة 8 مع العيال .

    2- اذا طلع معاها ومع العيال وسولف معاها لا يستمر الحوار اكثر من 5 دقايق وبعدها تصير هوشه يقول انا اكلمها بوادي واهي تكلمني بوادي ولمه اكلمها باشي للمستقبل دايما تقول كلمه وحده انت كيفيك بس لا تقرب فلوسي وانا ما فكرت بفلوسها بالعربي الطلعه كلها سكوووووووووووووووووووووووووت بس يسولف مع اليهال .

    3- علي طوووووووووووول تعبانه .

    واذا قعد بالبيت تقعد تحت عند اهله او بالغرفه الثانيه بدون سبب واهو بروحه يقعد .

    4- لمه تروح بيت اهلها تروح يوم بالاسبوع تنام العاده لا تتصل لا حس ولا خبر كلش.

    5-كل حياتها بس شي واحد دوامها تموت عليه ما تفكر اله فيه ما تتكلم اله عنده او اذا البيت محتاج شي او العيال .
    6- اذا تاخرت لاتتصل ولا جني متزوج وما في امل تتصل تقولك تبي عشي او وينك .

    7- وطبعا اذا بغا يمارس حياته الزوجه جنه جار خروف بذبحونه.
    يقول انا ما ابي اخونها ولا ابي اكلم غيرها بس ما ابي اتصير حياتي علي طول جذي لاني حدي متضايق.

    هذي مشكله صديق ارجو اللي عنده حل لا يبخل علينا ؟

    (( طبعا كلمها اكثر من مره بس مافي فايده ))




     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    أخوي الظاهر من كلامك عده نقاط فيها سلبيات و طبيعيات / و ألخصها لك على السريع , الزوج باين عليه جدا يحب زوجته بدليل عقب هل مشكله مافكر يخونها أو يناقشها بشكل متكرر والزوجه تخيلت ان الزوج بالمخبه , وحاسه ان الزوج يحوم ورا فلوسها لما تقول له وخر ولاتقرب صوب فلوسي (طبعا هذا كلام وحده في نقص ومفلسه معنويا) , ودائما هل عاده تكون من نصيب الازواج الي يكون بارد ومايبدي أي اعتراضات , الحل الي في نظري ان لايناقشها ويصير مثلها بالضبط لا يكلمها الا وقت اللزوم و خل ينام الساعه 7 ونص ويبدي رضاه التاااااااام عن تصرفاتها (تستفز الزوجه بهل حركه) والزوجه تحتاج الى صفعه (ليس ضرب) بل في تصرف الا و هو ان يسافر الزوج لمده 10 ايام ولا يتصل على زوجته او يدزلها مسجات او حتى يكلم العيال وشوف شلون الزوجه راح تراجع حساباتها وتحس ان الزوج طفح الكيل عنده وبلش مايعير اي اهتمام وهذا الشي لن يرضيها
    الزوجه تقول لنفسها ان ماتصل على زوجي و حاطته بالمخبه وان ماكلمته غصبا عليه بيكلم عياله
    اما بالطريقه الي قلت لك عنها تكشت فيها اهي وعيالك (طبعا تمثيل) صدقني بتشوف الزوجه تتغير 360 درجه .
    وبالنسبه لأخطاء الزوج :
    1- ساكت عن الموضوع 8 سنوات .
    2- مايعرف شنو قصه حبها للدوام .
    3- زوجته تنام بيت اهلها بالاسبوع مره (هذي غريبه) .
    4- لم يلاحظ أو يعرف السبب الي زوجته قاعده تسوي معاه جذي .
     
  3. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    مافي شي

    طبعها جذي

    إذا يبي يسوي أكشن بحياته

    يحسسها إنه يبي يتزوج أو عنده رفيجه

    وبعدين يشوف شنو يصير

    حرمته خوش حرمه تفكر بعيالها بس أهو يبي بعض الإهتمام حقه

    لو يفتح قلبه لزوجته ويقولها اللي يبيه أفضل من إنه يسولف عند ربعه .

    وأهم شي لا يقرب حق فلوسها هههههههههه

    لا أتغشمر

    يمكن لو إهي تتكلم تشكي منه بعد شكله بارد ما عنده رومانسيه خله يصير رومانسي ويشوف الفرق

    وقبل لا يطلب إنها تهتم فيه خله يهتم بنفسه (نظافته ويقطع زقاير) وبعدين يطالبها بالشي نفسه

    وسلامتك رفيجك محظوظ بس ما يدري .
     
  4. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    مشكور اخي الجنرال بس حبيت اوضح شي الريال ما قام يشتكي اله من 3 سنوات تقريبا ثانيا دواما الزوجة في روضه وكلها حريم . ثالثا تنام عند اهاله هذا طبيعي حتي خوات الزوج لازم ينامون بيت اهلهم يوم بالاسبوع يا الخميس او الجمعه اكثر البدو جذي وانا ادري .

    اما بالنسبه انه ينام 7:30 فهذي امنية حياتها .

    اما السفره اتفق معاك .

    ومشكور علي الرد وناطير الاخوان النصيحه .
     
  5. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    حلوه منك هل جمله لاني ايام قبل طبقتها وضبطت 100%
     
  6. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    مشكور nabhaan79

    والله صاحبي اعرفه زين وانا مسافر معاه انا وزجتي واهو وزوجته انسان جنتل وايد بس حاول يغيرها بس عجز عنها
    كلمها اكثر من مره بس الريال ما يبي المره تسوي شي مجامله يعني تتصل عليه لمه يقولها او انها تهتم فيه الريال عنده كرامه يا اخي ...عمره ما اخذ منها فلوس وانا ادري بس الريال طموح حيل بس افكاره بيعده عن افكارها



    والحين يفكر بحل
     
  7. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0


    بالنسبه للزواج ما يقدر بسبب ام الولد تموت علي زوجة وهذي غريبه بس امه موفاهم اللي يصير مع ولدها امه يسوي انه عنده رفيجه حاول واهي كل برود ترد عليه كلم اذا ما تخاف من الله لا تخاف من احد ؟؟؟؟؟؟؟؟؟؟؟؟؟؟؟؟؟؟؟؟
     
  8. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    1- خله يقفل تلفون ويخلي يمها ويروح ياخذ دوش ( راح تتنرفز )
    2- لا يقرب صوبها كلّش ولا يحسسها ان يبيها واذا نغزت له يقولها حدي تعبان ( راح تطفر )
    3 - السفره هذي ما يبيله بعد ( دبي - المغرب - البحرين - لبنان - تايلند ) لا يسافر غير اللي بالقوس :)
    ويقولها بسافر هني ومعاي واحد من الشباب بيلحقني بعد 3 أيام ;) وأول ما يوصل لا يدق عليها كلش الا بعد يومين ولا يدق بس مسج
    بعد هني بتشتغل الدوده عدل
    4- واذا سولفت عن دوامها خله يرد عليها ويمدح بدوامه وببنات الدوام

    وطبعا لازم أحد من أهله أو أهلها يكلمها كون المشكله تعمقت والرجال وصل حدّه

    بهالمقترحات :

    يا خال يا بو ثنتين!!
    يا تتعدل يا تعصب لأنه أهو راح يقدر الى أي درجه زوجته تتحمل!
     
  9. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    مشكور Winchester SX3

    والله خوش فكره سالفة التلفون واخذ دش ويطلع ويسافر لانه مره اهو يقول مره تسبحت بالليلي الساعه 10 بليل واتصل فيني وداني الطبيب وطفه تلفوته مافيه شحن ذبحته سنه تساله انت هذيج الليله وين كنت ؟؟


    يله خوش حلول اكثر يا شباب
     
  10. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    لازم نسمع الطرف الثاني على شان نعطي الحلول
    يمنك المشكله من صاحبك وهو ما يدري
     
  11. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    يبا خله يشتريلها لاب توب

    ويشركها في منتدى كويتيات . نيت

    والبنات يضبطونها حقه يخلونها كل يوم شكل ولون
     
  12. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    أقول يمكن عشان البورصه نازله

    أخاف فلوسها صارت ورق وضايق خلقها

    والله يمكن
     
  13. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    قوله لا ينسى طلعات بعد المغرب بقمه الاناقه والكشخه والبخور والطيب والعطور اللي تعطر الممر لا مشى فيه

    واذا قالتله وين رايح يقولها الديوانيه مع إبتسامه وراح تتصل ولا يرد علبوا انه سايلنت
    واذا صار ودقت وهو معاه خط ثاني (هذا المطلوب :) ) خلّه يحقرها لين تكمل 10 مرات
    ويرد طبيعي هلا أم فلان كان معاي صديق عنده مشكله زوجته طاحت عليه يخونها :)

    ومرات الغدا برّه ضروري :) لا يدق يقولها بتغدى برّه!! بس مسج :)
    خله بس مسجات


    لين ايي اليوم اللي يحس إنه توه متزوج ;)
     
  14. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    مشكوووووووووووووووووور هذا دواه وعلي الله شفاه

    واخليكم بروح اصلي سلام ..... :)
     
  15. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    كلامك عدل لازم نسمع الطرف الثاني

    ونعرف ليش هالتصرفات السلبيه مع الزوج !!!؟
     
  16. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    ليش هالدول بالذات بتخرب الريال وعقبها لامن زوجته ولا من حياته
    يسافر ويغير جو ماقلنا شي بس يروح دول سنعه وانظف شوي
    انت عليك افكار :rolleyes::confused:




    انت ماشاء الله عليك عندك دكتواره في التعامل مع الحريم :p:)
     
  17. مشاري بو ناصر

    مشاري بو ناصر عضو نشط

    التسجيل:
    ‏15 سبتمبر 2008
    المشاركات:
    1,124
    عدد الإعجابات:
    0
    مكان الإقامة:
    دولة الكويت الغالية

    مو حلوه رجال أبو عيال وعنده زوجه يعاملها بالطريقه هذه ...

    يا أخوان ...

    الله عرفنا بالعقل ...

    يقولها يا أم فلان عقب ما ينامون العيال ... زهبي نفسج بطلع معاج نتعشى برى البيت

    وأبيج بموضوع مهم ...

    يفتح معاها الموضوع بكل صراحه ويناقشها ...

    يقولها أحنا صار لنا فتره و الوضع مو عاجبني ...

    ولابد من حلول ترضي الطرفين ...
    ــــــــــــــــــــــــــــــــــــــــــــــــــ

    في حل خله يجرب قراية القرآن - الزيت المقري - الماي المقري - يستحسن يجيب المطوع للبيت ويقرى على الأهل كلهم ... وبشكل دوري ...

    والله يوفقنا وإياكم ...
     
  18. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    افا عليج ههههههههههه
    لو تبين تحلين مشاكل مع الرجل قوليلي ههههههههه

    اسمي فواز بودريع :p هههههههههههه
     
  19. سيف راكس

    سيف راكس عضو نشط

    التسجيل:
    ‏30 أغسطس 2009
    المشاركات:
    1,563
    عدد الإعجابات:
    2
    والله ياخوي المفروض اللي يبي يتزوج لازم ياخذ دوره سنه مكثفه عن الزواج ... لكن اقول ان الزوجات بعضهم مثل الطفل الصغير تتعامل معاها بالتربيه وراح تكسبها بهذي المعامله لا تشد معاها ولا تهاون مثل الطفل بالضبط شلون تحاول تراضيه لان الشد مع الزوجه ما راح يجيب نتيجه الا عكسيه .
     
حالة الموضوع:
مغلق