عرض الغانم وخدعة الزبائن بالأسعار وخاصة الآي فون

الموضوع في 'إعلانات الهواتف والأرقام' بواسطة ابو غانم, بتاريخ ‏10 نوفمبر 2009.

حالة الموضوع:
مغلق
  1. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    صار لي كم يوم أشوف اعلانات بكل زاوية وبكل جريدة أقساط بدون فوايد تاخذ اي جهاز بسعره الأصلي وبس وتدفع لمدة سنه او سنتين اللي تبي .

    قلت خوش عرض والله بروح لهم اليوم باخذ لي آي فون لان سعره تقريبا بكل مكان 280 تقريبا أو أقل بعد .

    لما وصلت انصدمت .. قالوا تاخذ اي جهاز وبعد 6 شهور تبدأ تدفع الأقساط قلت ياسلام عطوني آي فون 32 غيغا وأنا مغمض وبعدين أسدد المبلغ اذا تيسرت الأمور ..

    سألت البائع كم سعره قال تبيه أقساط ولا كاش قلت ليش السؤال في حال العرض السعر واحد عندكم .. قال لا سعره أقساط يطلع عليه بــ 325 دينار !!!!!!!!!!!!

    قلت شنو وين السعر بدون فايده .. قال هذا سعره اذا بتاخذه أقساط .. قلت طيب والاعلانات اللي تارسه الشوارع شنو معانتها .. ماقدر يرد علي بأي كلمه .. قال هذا سعره وبس !!!!!!!!!!!!!!!!

    شفتوا الخدعه شلون صايره
     
  2. SuperFast

    SuperFast عضو جديد

    التسجيل:
    ‏23 مارس 2009
    المشاركات:
    53
    عدد الإعجابات:
    0
    اقول يابوغانم . خل الايفون يخيس عندهم . كل الكويت عندها بلاك بيري .

    و انا عن نفسي اقول ياحلات تلفون نوكيا بو 6 دنانير . يتصل و فيه مسجات و عربي و مايهمك لو تاخذه اقساط او كاش كله نفس السعر .
     
  3. ذباح النوق

    ذباح النوق موقوف

    التسجيل:
    ‏28 أكتوبر 2009
    المشاركات:
    252
    عدد الإعجابات:
    0
    افتك من الأقساط يابوغانم وانت بخير بلا اي فون بلا بلاك بيرى ياحلو خط البيت والأرقام فر
     
  4. qadsawi

    qadsawi عضو نشط

    التسجيل:
    ‏24 أغسطس 2009
    المشاركات:
    687
    عدد الإعجابات:
    0
    السلام عليكم انا رحت الغانم قبل امس وقتلهم ابي تلفون n97قتلهم علي جم قالي اقساط ولا كاش قتله خلها اقساط قالي 199 قلت لش وين الي يقولون اقساط بدون فوايد بس تري سعرة 167 لا ويقول سعرة قبل 223 قمت النصب انا اقول ما في احلي من الكاش علأقل تعيش تحر مو اسير الاقساط والحين الغانم قام يخرب همه الفلوس يبي العالم بس تشتري منه
     
  5. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    اخذوا أقساط أحسن لكم يمكن يطيحونها :)
     
  6. job2job

    job2job عضو جديد

    التسجيل:
    ‏26 أغسطس 2009
    المشاركات:
    173
    عدد الإعجابات:
    0
    انا اقول البلاك بيري بولد احسن من الايفون وارخص وافضل وجهاز يستاهل حيل عجيب و الصور والفيديو فيه رهيب تقدر تشغل عليه افلام فيديو بجودة عالية دايفكس انا بصراحه عاجبني قبل كله افكر بالايفون واقول ماكو على الايفون طلع البلاك بيري بولد احسن منه وافضل ومرغوب اكثر وانتشاره بالكويت فضيع عكس الايفون صارله جم سنة نازل والناس ملته عموما هذا رأيي الشخصي
     
  7. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    خلصنا من سالفة الغانم وتم الاتفاق انهم نصابين وانتهينا ..... بس تقولون لي ان البلاك بيري أفضل من الآي فون أنا أقول لكم هاردلك على المعلومه ولو عرفتوا الآي فون عدل جان رميتوا البلاك بيري من الدور الرابع ... البلاك بيري أصلا مافيه أي تقنيه تحس انها تجذبك ولولا خدمة الــ bbm جان شفت سعره 15 دينار .... يعني السالفه كلها شات في شات وانا ماحب اشيل جهاز معاي وينظرون لي العالم اني راعي شات مو حلوه بحقي صراحه ... والآي فون جهاز المثقفين والناس التكانه وشوف فرق السعر بينهم وتعرف والأولين يقولون ( يدلك على الخيل أثمانها ) :)

    وجهة نظر من قلب
     
  8. kw.2006

    kw.2006 عضو جديد

    التسجيل:
    ‏25 ابريل 2006
    المشاركات:
    103
    عدد الإعجابات:
    0
    يا اخوان افتكو من الاقساط

    لان الاقساط هم يعطونك مره وياخذون منك الف مره

    ركز على هالمعلمومه هذي حكمة الوالد الله يخليه
     
  9. ذباح النوق

    ذباح النوق موقوف

    التسجيل:
    ‏28 أكتوبر 2009
    المشاركات:
    252
    عدد الإعجابات:
    0
    اي فون المركز الأول عالميا بالمبيعات والمركز الثاني سامسونج أمنية i900‏
     
  10. LighTninG

    LighTninG عضو جديد

    التسجيل:
    ‏31 يناير 2008
    المشاركات:
    646
    عدد الإعجابات:
    0
    مكان الإقامة:
    Kuwait

    انا اقول يا بوغانم يا قلبي كلٌ يرى الناس بعين طبعه

    انته تشوف الي عنده بلاك بيري مثل ما وصفتهم راعين جات وغيره

    وتقول انه الي فيه بس bbm انا اقولك لا يا حبيبي

    الي فيه انترنت اسرع من الـ3g العادي قبل لا ينزل الـ s وفيس بوك وكل شي مثل الايفون ( بس طبعا مو مثله بكل البرامج ) هذا له شغلات وهذا له شغلات معينه يعني

    انته ما استخدمت البلاك بيري ولا تبي تجربه عشان الناس لا تقول عنك راعي جات وهذي يمكن بوجه نظرك كلمه جارحه او مهينه مادري والله

    بس عموما انا واحد من مستخدمين البلاك بيري ومستانس ومهيص عليه وعاجبني لامني ويا ربعي بدون مكالمات ولا غيره الي ابيه اطرشه له بالجات ويوصله والي يبيه مني يوصلني ايضا بالجات واتصفح انترنت اي شي ابي ادش عليه والفيس بوك ايضا

    فإذا كان الجهاز مو عاجبك ما يحتاي تقط كلام على الناس الي تستخدمه فقط لانه مو عاجبك ولانه الناس تتحجى وتقول عن الي يستخدمونه كذا ولا كذا لا تصير نفسهم

    اي نعم الايفون اقوى جهاز تلفون بالعالم والكل يشهد على هالشي

    بس البلاك بيري من نزل الناس كلها شرته ودشت بالمعمعه فيه معقوله كل هالناس بالتفاهه الي انته تشوفها انهم راعين جات وبس وانتوا الوحيدين الي تفهمون بالدنيا لانه ما شريتوه !

    اتوقع كل واحد يمشي ورا ذوقه واحتياجه بالجهاز

    انا احط رهان انه نص الديره الي عندهم ايفونات ما يستخدمونه الاستخدام الصحيح مثل ما يستخدمه الي متعمق بالجهاز ويعرف فيه من الالف الى الياء

    يعني بمعنى اصح الناس تكشخ بالجهاز الي عندها حتى لو كان ما يعرفله يقول شفت الناس تشتري وشريت وهذا واقع محد ينكره

    والمثل الي قلت عنه مادري شلون اوصفلك اياه

    بس كلش ماله علاقه السعر بالجوده وعلى فكره خل افيدك بشغله يمكن انته تجهلها بس بالكويت جذي سعره اما لو تروح تاخذه من امريكا ولا غيرها راح تلقى فرق شااااااااسع بالسعر

    وعلى فكره ازيدك من الشعر بيت شركات الاتصالات بره تعطيك التلفون مجاني مقابل انك تشتري خط من عندهم وتشغل خدماتهم عندك يعني التلفون بالنسبه لهم مو ذو قيمه اكثر من الخط والخدمات بس عندك بالكويت بكل شي النصب يعني التلفون اييبونه من بره برخص وانته المسكين الي تاخذه بسعر اهما يحطونه على كيفهم واهوائهم

    ميخالف وجهه نظر ونحترمها بس خل تكون بدون تنقيص من شأن الاخرين

    اتمنى تتقبل الكلام برحابه صدر

    وهم هذي وجهه نظر :)






    سلالالالالالالالالامن
    :)
     
  11. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161

    مقبوله وجهة نظرك طال عمرك :)
     
  12. r77a

    r77a عضو نشط

    التسجيل:
    ‏16 فبراير 2008
    المشاركات:
    1,729
    عدد الإعجابات:
    0
    يا جماعة انا حاب اوضح معلومة للي مو فاهم عرض الغانم عدل
    اول شي انا ما اشتري من عندهم ولا لي علاقة فيهم عشان ما تفكرونه دفاع عنهم
    بس عرضهم انه بدون فوائد قصدهم انك لما تشتري من عندهم كل قطعة لها سعر ثابت ( السعر المعلن ) لو شريتها كاش يعطونك خصم عشرين بالمية( 20% للكاش )
    ولو اخذتها اقساط يزيدون على هالسعر الثابت نسبة ما ادري جم ( هذا قبل العرض )
    وعرضهم الحين انه هالنسبة هذي مالت الاقساط ما يزيدونها يعني تاخذها (بالسعر المعلن) فقط على قولتهم بدون الفوائد اللي يضيفونها
    يعني اعطيكم مثال : قطعة سعرها المعلن 200 دينار لو تاخذها كاش خصم 20 % يعني تطلع بـ 160 كاش
    ولو اقساط يزيدون عليك فوق الـ 200 نسبة ما اعرفها جم بالضبط لنفرض انها 10 % يعني تطلع عليك اقساط بـ 220
    والحين العرض انك تاخذ القطعة اقساط بدون النسبة الاضافية يعني تطلع بـ 200 اقساط

    واتمنى اكون وضحت الصورة

    وانا برأيي الشخصي الواحد يشتري كاش بكل شي اريح له حتى من سالفة حلال و الا حرام
    والله يوفق الجميع
     
  13. bobcat

    bobcat عضو نشط

    التسجيل:
    ‏20 ابريل 2009
    المشاركات:
    225
    عدد الإعجابات:
    0
    مكان الإقامة:
    الكويت
    والله انا استعملت الاي فون 3 جي تقريبا 7 شهور للامانه متعب وشحنة بسرعه يطير ومافيه بلوتوث الا تنزل برنامج وكثير من الامور تنقصه لاكن البرامج تسكر النقص واعتقد انه يبيله بعد وقت عشان يكملونه لان انتا تشتري تبي شي كامل مكمل مو تروح تحط برامج اساسية مثل البلوتوث ونقل الاسماء ونصيحتي النوكيا افضل لاكن اللي يبي يكشخ ياخذه لان شكله ذرب وفيه برامج حلوه بس مو مال استعمال يومي
    ولكم الشكر
     
  14. مشاري بو ناصر

    مشاري بو ناصر عضو نشط

    التسجيل:
    ‏15 سبتمبر 2008
    المشاركات:
    1,124
    عدد الإعجابات:
    0
    مكان الإقامة:
    دولة الكويت الغالية
    وأنا أقول شحلات n86
     
  15. pedram

    pedram عضو جديد

    التسجيل:
    ‏26 فبراير 2008
    المشاركات:
    486
    عدد الإعجابات:
    0
    r77a كلامك\ج عدل
     
حالة الموضوع:
مغلق