سوق الغنم بالسفانية

[مزدحم]

السلام عليكم

نظرا لغلاء أسعار اللحوم في هالوقت، والناس تقول ان السعودية أرخص

فحبيت يا أخوان أنقل لكم تجربتي مع سوق الغنم بالسفانية

لأن نقل التجارب الشخصية من اعظم الأمور المستفادة من المنتديات حسب رأيي الشخصي

أولا أحب أوضح ان سوق الغنم بحفر الباطن أكبر وأشمل بس السفانية كانت على طريقي وأقرب من الحفر، عموما من 10 أيام تقريبا مريت سوق الغنم بالسفانية

وكانت أسعار الذبايح كالتالي:

نعيمي طلي 3-4 شهور بـ 900 ريال (70 دينار تقريبا)

نعيمي خروف أكبر من 6 شهور فوق الـ 1200ريال (90دينار تقريبا)

وحصلنا نجديات بس ما سمناهم

خذينا طليين 4 شهور على 1800 ريال بس لحم طيب طيب طيب







نشر للفائدة

.

 

[BOSHHAB]

جزاك الله خير على المعلومه.

بس سؤال لو تفضلت : السعوديه تطوفه حي ولا مذبوح ؟

وكذلك الكويت ؟

 

[مزدحم]

أنا خذيته مذبوح
بس اللي أعرفه أنك تقدر تدخل حي عدد قليل للاستخدام الشخصي_ يعني يمكن راسين ثلاثة_ والله أعلم

:

 

[خسران جداً]

أصلخه هناك ودخله الكويت وياك محد بيكلمك......بعدين هناك اعتقد الغنم احسن من اللي بالكويت...اللي بالكويت كله عراقي وايراني وسوري اللي طعمهم مو ذاك الزود مو نفس السعودي

 

[pJLc]

مايدخل الخروف الا وهوميت
اذبحه وشتر ثلاجه فلين وكيسين ثلج
وسر يساري

 

[ابوساره009]

والله غلاء أسعار على شنوا المشكله السوق مليان من الحلال

بس موعارفين الارتفاع ليش

 

[G6L]

والله غلاء أسعار على شنوا المشكله السوق مليان من الحلال

بس موعارفين الارتفاع ليش

من بني بنقال الله لايوفقهم