النهاية السعيدة

[باشا]

الصراحة ان هذه النهاية السعيدة ......

الحين اقدر ارتاح والتفت لاشغالي , واقدر اروح للبر كل فجر واشرب الشاي
واتريق لا ويمكن ااجر بقي بعد . !

دامها متساويه متساويه ! ............... والسوق ملحوق ما راح يطير .

لا تنفع اعلانات ولا محفظة ملياريه . ولا حكومه ولا مجلس ولا اتفاق
حكومي نيابي ولا بطيخ ... اسف يمكن البيطخ افيد شويه ..!

ويبقى سوال في البال ( ليش ما يكشف اسماء من باع الكميات بالنازل ) ؟

احذر من ( غابة التجار )

فالاشجار كثيفه

و المستنقعات مخيفه

والضلام دامس

احذر انياب الاسد .......................... بل احذر حتي من الارنب !!!!

 

[بومناور]

سوق غابة صح وكل واحد يبى يربح طبعا
مسألة منو باع هذة حرية شخصية ليش لما طلع السوق ما قلتوا منو باع 140 مليون سهم بزين ؟؟؟؟؟؟؟؟!!!!!

 

[S500]

الحمدلله مرتاحين من زمان

خسران او ربحان ما فرقت

لاني ولله الحمد اعلم ان الربيه الهنديه اللي بجيب كومار اللي نايم بفراشه في وسط بومباي اذا ربي كاتبها لي راح تلقى دربها لي مهما طال الزمن

السوق نازل او صعد ما دام انك دخلت لازم تحمل والناس اللي تشكى للامانه انا ما احترمها


اخوي انا اتكلم بشكل عام ما اقصد شخص بعينه

 

[9hbhb9]

انا معاك ابي ارتاح من السوق شهرين على الاقل وبعدين اتابع

 

[باشا]

مو قلنا البر حلو .... لا ورزقنا رب العالمين بالرشه الزينه ... طبيعي يبيله طلعه .

ابتسم انت مستثمر في سوق الكويت المالي !.

 

[الوافي ابو محمد]

والله أبركلك

 

[نواف الشبعان]

السلام عليكم : كل شخص يعبر عن شعوره سواء بالسعاده او الحزن بس العاقل لا بد يذكر الله بالسراء والضراء يعني بالعربي يحمد الله علي كل حال وقد يكون هالنزول خيره لك يالانسان .

اتمني كلامي ما ضايق احد فيكم - والله يوفقكم جميعا

 

[هاردنت]

حمد لله على كل حال اعتقد هذة دورة حياة بورصتنا اذا فيها صعود صاروخى اكيد لازم فى هبوط صاروخى بس الشاطر الى يتوقع متى الصعود ومتى الهبوط وكلها ارزاق من الله - والله لايخسر كل مسلم اللهم امين

 

[باشا]

ابد والله مافيه زعل .

عبر عن رايك وشاركنا الحوار ... ما تجمعنا الا علي خير .

وهذي امور دنيا , الله يرزقنا الصحبه الصالحه ..


وبصراحه

( ابي راس مالي وامشي ) .

 

[برق الشرق]

نهاية رجل شجاع!!!

 

[نواف الشبعان]

ان شاءلله يرجع لك راس مالك وزياده يا باشا ومعرفة الطيبين والصحبه الصالحه هي راس المال بكبره.

للتذكير لنفسي ولاخواني عند هطول المطر يستحب الدعاء.

مبروك عليك الحيا

 

[باشا]

السلام عليكم ورحمة الله وبركاتة

اسعدتم مساء" جميع .

الحمد لله علي الصحه والعافيه ......

والله كل ما يكتب هو للتسليه ولتهدية النفوس ....

وشكرا" للجميع . والله يعوض عليكم .

 

[مضارب شجاع]

الحمدلله مرتاحين من زمان

خسران او ربحان ما فرقت

لاني ولله الحمد اعلم ان الربيه الهنديه اللي بجيب كومار اللي نايم بفراشه في وسط بومباي اذا ربي كاتبها لي راح تلقى دربها لي مهما طال الزمن

السوق نازل او صعد ما دام انك دخلت لازم تحمل والناس اللي تشكى للامانه انا ما احترمها


اخوي انا اتكلم بشكل عام ما اقصد شخص بعينه

يعنى انت الحين ما حطيت عينك الا على ربية كومار !!!!
خل كومار وربيته يمكن محتاجها

 

[يمكن_يصير]

السوق نازل او صعد ما دام انك دخلت لازم تحمل

هذا ما اقوله دائماً لا تنظر بعين واحده وتجعل الربح هو حلمك لأن الاحلام تنتهي بسرعه ولكن انظر للسوق أيضاً توجد به الخسارة هذه هي الحياة رابح وخاسر وكلها بيد الواحد الرزاق يرزق من يشاء بغير حساب

يقولون لو تجري جري الوحوش غير رزقك ما تحوش