مشورتكم يا اهل الخبرة بالمصاعد

[red1981man]

السلام عليكم اخواني

طالب مشورتكم وخبرتكم

انا ساكن اجار صارلي حدود السنتين والشقة مرتاح منها نصف دور لكن بدون مصعد

ماهي افضل طريقة اطرحها لصاحب البيت لوضع مصعد ونحسبها اقل نوع من المصاعد تكلفه 3500 دينار

هل اناقشه على اساس اني ادفع ايجار كم شهر مقدم وباقي لتكلفه علية؟

او يركب المصعد ويزيد الايجار شي معقول؟

خصوصا ان صاحب البيت اذا ما خانتني الذاكرة اول ما سكنت قالي في مكان للمصعد لكن ما ركبت واذا تبي حط معي

والصراحه مرتاح من المكان ولا ودي اغيرة
مشورتكم ...

 

[متوازن]

المصعد على صاحب المنزل ... وغيره ماله الا اجاره ... وحاذاري ...من ادفع وهو يدفع .. نصيحه

 

[محمد الدوسري 22]

ليش تدفع

ماله حق ياخذ شي منك عشان مصعد

اصلا هو يتكفل فيه
و صوتي مع صوت اخوي متوازن

 

[ostath]

خله يزيد بحدود المعقول بين 20و ال30 دينار ...شكو تدفع و البيت له مو لك..يعني باجر يطلعك و يستفيد من المصعد

 

[general]

شكو تدفع له لايبا لاتدفع لا حق المصعد ولا حتى حق زياده الايجار

 

[Mr.President]

يمكن قالك حط معاي لانه ماعنده سيوله..مو من مصلحته يأجر شقة بدون مصعد و يخسر فرق الإيجار.. اذا انت حاب المكان و محتاج المصعد فأفضل شي انك تتفق معاه انه تعطية ما يعادل نص القيمة مقابل سماح عن الإيجار لفترة تعادل هذا المبلغ...مثال: لو فرضنا انه ايجارك 350 تدفعله 1750 و يعطيك سماح لمده 5 اشهر من بداية ديسمبر لي نهاية ابريل. و المهم جدا انك لا تنسى ان تأخذ منه وصولات بكل شهر سماح

 

[red1981man]

تسلمون على الردود الطيبه

اخواني انا ابي اقط مثلا 5 شهور ايجار واستلم وصولاتهم بالدفع واعطيه المبلغ وقت التركيب النهائي بالحاله هذي انا دافع ايجار مقدم ومصعد افضل من الزيادات واهو اللي يركب.

لا يكون فيها استغلال ولا شي فايدة لي وله

بس محد فيكم صار معاه نفس الموقف وركب مصعد مع صاحب البيت واخذهم وصولات دفع مقدما

 

[سما الكويت]

انا بعد اضم صوتي لهم لاتدفع انت قولة ابي مصعد واذا ازيد لك 20 الي 30 بس فقط ولا البيوت واجد الي فيها مصاعد اخوي توه ماخذلة شقة بدور الثاني وفيها مصعد وفيها 3 غرف كبار وحمامين افرجني ومطبخ وصالة بس دلوكس يجنن يشرح الصدر فقط 250 بس والله يسوي فلوسة بالقيروان تجنن

 

[red1981man]

اخوي سما الكويت لو الايجار على 250 حلو ومناسب لظروف المواطن الكويتي اللي ينتظر دور اسكاني

لو احد عنه نفس مواصفات هالشقة بمبارك الكبير ولا القصور او القرين بسعر 250 انا موجود لا تنسوني.