اللي عنده كلمات قديمه لا يبخل علينا

سيف راكس

عضو نشط
التسجيل
30 أغسطس 2009
المشاركات
1,563
مله >> محفظة الاكل قديما
عافور >> مادري اشتعني الكلمة : )
بيض الصعو >> هم مادري اشتعني هالكلمة بس اسمعها ولا شفتها : )
هووو >> علامة تعجب : )


هذي بعض الكلمات انا بايقهم من موقع ثاني : )

زبوط النقعه : ‏هذا الوصف يطلقه الكويتين على ‏الشخص القصير ضعيف البنيه فيشبهونه بالزبوط والزبوط هو نوع من القواقع البحرية ‏الساحليه والنقعه هي ساحل البحر القريب

‏عفلنقي : ‏صفه تطلق ‏على الشخص سئ السمعه المتلاعب

يتزنكح : ‏يعني يمشى ببرود يتمطي في مشيته ‏مثال اشوفك ياي متزنكح اليوم

عقر بقر : ‏تقال هذه ‏الكلمه للانسان المريض واللى يبون اتغشمرون معاه مثال اشفيك طاقك عقر بقر يعني ‏اشفيك حاشك مرض البقرة اللى انكسرت ريلها او امرضت وما قامت تقدر تقوم

‏امزهلق : ‏اي مرتب ومنمق يعني اذا كان عندك شى قديم ونظفته وصار جنه يديد

‏فشغى : ‏يقال مثال فلان ‏ماكل فشغي اي متعب ومرهق من الفقر او المرض او المصايب

‏قنزوعه : ‏عباره عن انه هناك بعض الفتيات ‏ قديما بالكويت اللى شعورهم فلافل اللى شعورهم جدائل فتكون شبه منتصبه ‏فاسمونهم الناس قبل ام القنازع

‏كيري ‏ميري : ‏وهو لفظ يقوله القدماء يعنون به اللف والدوران فيقول البعض ‏مثال انا ما عندي كيري ميري يعني انا ما اعرف اللف وادور ولا اعرف الغشمره اعرف ‏الحق وبس

سنسون انعية : ‏وهو وصف يطلق على الشخص الضعيف الذي لا رأي له وليس بيده حل ولا ربط خاصه اذا كان ‏مسؤولا يعني اذا مديرك بالدوام ما عنده شخصيه معناته اهوا سنسون انعيه

‏امعطعط : ‏عبارة عن ‏الشخص اللي بنية جسمه ضعيفه نتيجة مرض او شيخوخة بحيث لا يقوي على القيام بأي عمل

اشكرك على المشاركه ...كلمات فعلا قديمه
 

النجدي2007

عضو نشط
التسجيل
13 مارس 2007
المشاركات
2,754
الإقامة
الكويت مني وفيني
كلمة بزون كلمة تراثية كويتية قديمة يعني معناتها قطو
وكلمة هسة كلمة كويتية قديمة يعني معناتها الحين
ههههههههههههه
 

Low Fat

عضو مميز
التسجيل
2 سبتمبر 2009
المشاركات
3,276
الإقامة
قطعه 13
هسه مو كويتيه يالنجدي !

هسه عراقيه و لا تمت للكويت بصله :eek:

مشكور ع الموضوع​
 
أعلى