ابي كراج مختص بمرسيدس

[Knights]

السلام عليكم ورحمه الله وبركاته

شباب ابي كراج مختص بمرسيدس يعني تصليح البريك لانه احسه مو مثل قبل
وقالو لي انه abs الجهاز وما ادري والله + يسوي تصفيه وشغله نظيف وسعره مناسب غير العدساني طبعا


انصحوني ومشكورين مقدما

 

[bo-ahmed85]

العدساني واقطع طال عمرك

 

[Knights]

تسلم فديتك والله شكله جذي بروح حق عباس بس مشكلته ما يشتغل بايده :/

 

[bo-ahmed85]

روح له الظهاري يشتغل بايده
الساعه 3

 

[الوالي@]

السلام عليكم

اخوي روح حق امجد شغله نظيف وما عنده غش وسعره معقول وهذا رقمه 66643467

 

[Knights]

ما تقصر الوالي ومشكور بو احمد عساكم ذخر يا رب

 

[ابيع وامشي]

اخوي انا عندي مرسيدس وما اشتغل الا عند كراج بون بشارع المرسيدس بالشويخ ترى راعي ذمه وتوكل على الله شغله رخيص ويضبطلك الموتر

 

[محمود الشامي]

الصراحه انا عندي مارسيدس وواجهت مشكلة ما حلها غير واحد بالشويخ اسمو ناصر وما ياخذغالي بنصحك تروح لعندو رقمو 97639095

والله يوفقك انشاء الله

 

[dr.moon77]

تسلم فديتك والله شكله جذي بروح حق عباس بس مشكلته ما يشتغل بايده :/

عباس ما يخاف من الله سعره خيالي

 

[Winchester SX3]

اخوي روح حق امجد شغله نظيف وما عنده غش وسعره معقول وهذا رقمه 66643467

موهذا اللي مقابل مدخل كراج بهبهاني؟ للبورش والفولكس؟

اذا هو انا أرشحه معاك
واذا مو هو انصح صاحب الموضوع بالكراجات هناك
ادخل لفه ميزان أسد وكمل سيده يمكن تقاطعين او ثلاثه عقبها يمين تلاقي مدخل بهبهاني على اليسار والكراجات على اليمين
هو ثاني كراج ومختصين بالمرسيدس

موفقين خير

 

[Rap Soul]

اخوي محمود الشامي

"إن شاء الله" جذي تنكتب بارك الله فيك

 

[Knights]

ما قصرت والله اخواني عساكم ذخر لي يا رب
دقيت وكلمت امجد هذا قالي روح حق مكانيكي انا كهربائي ولا ودي اخدمك والله
ما قصرتو يا شباب
يعني ما عندنا غير عباس + كراج بون ؟

 

[kool q8]

اخوي روح حق الكراج الي بجنب عباس اسمه حسين والله رجال ذمة وضمير وشغله يشفط لعباس واسئل مجرب

 

[kool q8]

هذا اذا ميكانيكا روح لحسين لكن اذا كهربا روح لامجد الانه مرة جيت لعباس قالي كمريصر المكيف معطوب لازم تغيره ب180 وكفاله شهر رحت حق امجد سوالي اياه ب8 دنانير هوز دفايه هذ موقف والله العظيم صار وياي شخصيااا

 

[w_e_e_b]

انا عندي sl وكان في مشكله وحتى الوكاله وعباس ماعرفوه وكل واحد يقطني على الثاني
وعزمت ابيعه .
وبعد فتره قاعد عند عمي الله يطول بعمره وراعي مرسيدسات شكيت له الحال
قال مالك اله عند عبدالله لبناني بحولى قلت شنو ((((( حولى ))))) قال روحله وجرب منت خسران ودزني عليه سوالى السياره واخذ منى شي رمزي ومن حزته انا عند عبدالله وقبل فرته نسيبي صار عنده مشكله وراح اشويخ الكل يقوله 150 وسواه عبدالله 40 والله الريال يخاف ربه وريال زقرت .
والله انا ماتقبلت الوضع لانه مو شويخ وقلت الريال بي عفس السياره ورحت وانا خايف بس طلع
وايد وايد زين وشغله نظيف وسعره ممتاز يشتغل مرسيدس وبي ام
وكاسرو بسعر عاد ماعرف اوصف لكم هذا رقمه وقولوله من طرفي هذا رقمه 66069393
خالد راعي sl فاينل ادشن

 

[Knights]

مشكورين فديتكم والله الحمدلله يعني في غير عباس انا علبالي بس عباس احسن واحد
وعندكم بعد نينو مال مونتانا ممتاز وشغله نظيف بس قلت بغير بشوف اكيد في احسن منه
وان شاء الله بروح حق حسين او عبدالله الي بحولي بس بحولي اي صوب يالغلا

 

[pJLc]

السلام عليكم
افضل كهربائي سيارات الماني في الكويت ابوعبدالله كهربائي الالماني في الجابريه خلف الفحص الفني وشرط سعره رمزي وشرط انتك ترتاح من شغله وانصح الجميع يشتغل عنده بس تراء الرجال مزدحم شرط تجيه تلقا قدامك فوق خمس سيارات قدامك الله يرزقه بس زباينه يثقون به وهو يثق بهم والله انه اخلاقه عاليه

 

[الحريه وطن]

عندي المورسيدس ينقص الماي يعني كل مشوار واحد اعبي جركل ماي المهم وديته كراج قالو الدفايه ملغيه وهوز الدفايه ينقط ماي وما ادري ابي كراج اما اني اصلحه الدفايه وركب لها قطعه حق دفايه ولا اسكر الهوز؟

ابي كراج يضبطها طبعا الموتر ام عيون 2000

 

[بوحسين1976]

عباس ما يخاف من الله سعره خيالي

وازيدك من الشعر بيت حرامي قطع

 

[ab20005]

شكله بيصير الموضوع قسم لصيانة المورسيدس :d

شباب انا عندي مرسيدس 320 موديل 2002 بدلت السفايف مع الخراطة للاربع تواير بس بعد اسبوع قامت السفايف تصفر ..

ياليت ادلوني على ميزان شغل مضبوط وكفالة .. وجزاكم الله خير