السلام عليكم يا محليلينه ماذا لو انا السوق كمل مشواره بالنزول ما احترم الدعمين الي الكل يتكلم عنهم اين هي الاهداف ؟؟ هذا في حال النزول اما في حال الاتداد اين هي الاهداف هل الدعومات السابقه تتحول الى مقاومات ؟؟
السلام عليكم ورحمة الله .. وصبحك الله بالخير أخوي .. بالنسبه لسؤالك .. بحاول أجاوبك باختصار وبعطيك الزبده مع ان الموضوع طويل بالنسبه للسوق يالغالي أول ماكسر 7800 كانت اشارة خروج صريحه وهدف الكسر 6450 تقريباً .. والحين بعد ماكسر 6900 عطانا هدف ثاني اللي هو 6070 تقريباً .. وبالتحليل الفني اللي يقولك السوق بيرتد أكيد من هالنقطه وينتهي النزول هذا يكون ساحر مومحلل فني لأن التحليل الفني توقع وتنبؤ بحالة السوق بواقع دراسة اتجاه السهم .. عالعموم يالغالي مؤشر السوق إلى الآن بالاتجاه الهابط سواء على المدى قصير أو متوسط أو طويل الأجل .. وأفضل وأبسط قاعده تميز فيها اتجاه السوق هي : إذا كون المؤشر قمه أعلى من القمه السابقه وقاع أعلى من القاع السابق فتأكد أن الاتجاه صعودي وإذا كون قمه أدنى من القمه السابقه وقاع أدنى من القاع السابق فتأكد أن الاتجاه هبوطي وغير هذا كله فهو باتجاه عرضي ولا تدخل السوق حاليا إلا إذا شفته اخترق قمه سابقه بكمية تداول طيبه وتكون مقاومة السوق القمه اللي بعدها ووقف خسارة السوق كسر آخر قاع سابق للأسفل أتمنى اني جاوبتك على سؤالك أو عالأقل أفدت ولو بالقليل ...
هذا الشرح والمختصر المفيد وعين العقل اذا كون المؤشر قمه أعلى من القمه السابقه وقاع أعلى من القاع السابق فتأكد أن الاتجاه صعودي وإذا كون قمه أدنى من القمه السابقه وقاع أدنى من القاع السابق فتأكد أن الاتجاه هبوطي وغير هذا كله فهو باتجاه عرضي : وجزاك الله خير
بالنسبه للدعومات والمقاومات يالغالي .. فببساطه ودون تعقيد فإن كل قمه سابقه تكون مقاومه وكل قاع سابق يكون دعم مع مراعات تفاوت قوة كل دعم وكل مقاومه عن الأخرى .. والقوه تأتي من عدة أمور ومنها أن يكون القاع أو القمه واضحه بأكثر من شارت زمني فمثلا تكون واضحه بالشارت اليومي والاسبوعي وممكن أيضاً الشهري .. وأيضاً عدد المرات التي لامس فيها المؤشر هذا القاع أو القمه .. هذا بالنسبه للقمم والقيعان وهي الأهم .. ومن ثم هناك أنواع من الدعم والمقاومه كالترندات والفجوات أيضاً تعتبر دعم ومقاومه ... ومن هنا أتمنى أن أكون وضحت بعض الأمور وأنت أخي الكريم بعدها لك نظرتك على الشارت
واضح من الشارت الدعم اللي وصل له السوق اليوم ... وأتوقع صعود غدا الخميس 19-11-2009 قصدي اليوم لأن الساعه عدت ال12ليلا
لا يالغالي أقصد أي قمه سابقه على الشارت اللي انت تشتغل عليه بمعنى لو انك تشتغل وتبني دخولك وخروجك على الاستثمار قصير الأجل فالدخول يكون مع اختراق آخر قمه كونها المؤشر على هذا الشارت والمقاومه تكون القمه الأعلى منها .. وهكذا بالنسبه للاستثمار متوسط الاجل ( الشارت الاسبوعي ) .. وأيضا الشارت اللحظي أو أي شارت زمني آخر ... أما بالنسبه للقمه 8400 فاختراقها للأعلى يغير مسار السوق من الاتجاه الهبوطي إلى الاتجاه الصعودي للاستثمار طويل الأجل من سنه لعدة سنوات ( الشارت الشهري ) ... ملاحظه : مع الأخذ بعين الاعتبار شروط اختراق المقاومه أو كسر الدعم وأهمها فارق السعر أكثر من 1 % وكمية التداول العاليه ...
الله كريم ما بعد نزول الى صعود او ما بعد صعود الى نزول هذي البورصه بدام مو اجل ولا احد اطالبك افلوس حط ريل على ريل طالعمرك تطمش لين اترد افلوسك كاش ماكو متنى وحنى انبرد على الاسهم لين ثلجت أسهمنه
