تنبيه خطير نرجو من الاخوه الفهمانين يطمنونا

[الصدق منجاه]

اليوم على الساعه 9 الا ربع على قناة سي ان بي سي العربيه
استضافوا مدير تنفيذي في شركة استشارات اوربيه (لبناني)
وقال بالحرف الواحد ان امريكا الان تسعى لدولار قوي
وهذا راح يؤدي الى نزول الذهب وبداية تصحيح ونزول النفط والداو جونز الامريكي
وهذا راح يسحب الاسواق العربيه الى تسجيل (قيعان جديده)
وكان المحلل الاقرع شكله يضيق الخلق
والله وجهه مكتئب وجنه قاعد يقول اعلان وفاة شخص مو تحليل

وابوقرعه يقول ان اسعار النقط راح تنزل لمستويات متدنيه جدا
فخاف المذيع وقاله كم تتوقع يوصل سعر النفط
فرد المحلل راح يوصل من 60 الى 59 دولار...فرد عليه المذيع بعد ما تنفس الصعداء...مستوى ال60 دولار ليس بالمستوى الكارثي كاللذي اشرت اليه

وذكر المده انها بحدود 6 اشهر
وقال بنهاية اللقاء ان الاسواق العربيه راح يبدا تصحيحها بعد عيد الاضحى


طمنونا جزاكم الله خير

 

[الوفره1]

اقرع مقاريع ما عليك منه

 

[Wicked]

لبناني و يتكلم عن أسواق المال.

مصيبة صج مصيبة

 

[abdullah.m]

دائما الحقيقه مزعجه للمتفائلين زياده عن اللزوم وانا اضم صوتي لصوت الاخ الاقرع اللبناني لانه كلامه ارى فيه والله اعلم فيه من الصحه بنسبه 100/100 وللمراقب لاسواق النفط+ الذهب+ الداو الامريكي + الصيني بالفتره الاخير كلهم اخذو بصعود متوالي دون مراحل تاسيس منطقيه ولا جني ارباح تذكر فمن المتوقع لهم نقاط معينه تتراجع فيها بجني ارباح قوي بقوه صعودهم واحنا سوقنا يالله من فضلك الغبار ينزله 10/100 فما بالكم بنهيار اسعار للمواد الخام والاسواق العالميه اتوقع لسوقنه يصحح اكثر من غيره فسوقنا ماله صاحب منو بعالج تراجعه وزير ماليه (الشمالي)؟ محافظ البنك(خدث ولاحرج) ؟ والا تجار السلب والنهم الى يتزعمون القروبات ؟اعضاء مجلس (يخاف ينام مبكر يلقي نفسه عضو سابق)؟ والا صغار متداولين موقف سيارته بره السوق يطلع خسران من السوق والمخالفه على الجام؟ الحذر واجب ومن خاف سلم

 

[adventurer]

لبناني و يتكلم عن أسواق المال.

مصيبة صج مصيبة

يعني تبيه يتكلم عن التبولة و الموضة

لا تصير بريجيديس الله يبارك فيك


حبيبي بو خالد ركزلي على الذهب
بداية الازمة كان سعره حروة 650 دولارز اذا ماني غلطان
هالايام 1150
تقريبا 90% صعود متواصل اللهم زد و بارك من سنة بالضبط
انا متابعه شخصيا لأن واحد من ربعي من لندن طرح على فكرة نشتري ذهب السنة اللي طافت اول ما صارت الازمة
و فعلا عطيته فلوس و تشاركنا
لا يوقف لا يوقف لا يوقف
اذا كلامه اللبنايني صحيح, معناته اقول حق صاحبي يبيع

 

[باشا]

شدعوه ربعنا رادين علي شي ! قال دولار قال

 

[الفارس الذهبي]

هذا الكلام لا ينطبق على البورصة الكويتية
لأن البورصة الكويتية لم تتأثر بما يجري خارجياً ابداً
ولن تتأثر بما يجري خارجيا
البورصة الكويتية قوية جدا جداً فيها تجار هوامير شغلتهم البورصة ما عندهم شغل ثاني
والله اعلم

 

[net1]

هذا الكلام لا ينطبق على البورصة الكويتية
لأن البورصة الكويتية لم تتأثر بما يجري خارجياً ابداً
ولن تتأثر بما يجري خارجيا
البورصة الكويتية قوية جدا جداً فيها تجار هوامير شغلتهم البورصة ما عندهم شغل ثاني
والله اعلم

اففففففففففف حدها البورصه الكويتيه قويه
ياخوي انت شايف الى قاعد يصير تقولي البورصه الكويتيه قويه الله يهداك بس

 

[Bo_jassim]

مافي شي اسمه امريكا تسعى الي الحصول على دولار قوي
امريكا مو ابكيفها اتصعد الدولار ولا اتنزله.


الدولار مرسوم طريجه من زمان والحين على وشك الارتفاع صحيح الدولار راح يرتفع والبترول الى 25 دولار ( لازم اقل من قاعه القديم هذا قانون)

الداو جونز على وشك الانهيار ولو انه غربلنه اشويه بس على وشك الانهيار
كلام الي قاله صحيح والبترول مايشوف شر يوقف عند 60 قانون لازم يكسر اقل سعر وصله والمرجح اصلا 25 شي جذي عسى ماينزل اقل من جذي.

بس الكلام الي قاله كله صحيح بس مافي احد يسعى لشي معين هذا السوق يتحرك جذي . سوق الكويت وايد من الاسهم خلصت موجات كامله والحين بتبلش نزول هل شي هذا من زمان معروف والسوق من زمان معروف انه رايح فيها بس ماكو احد يصدق كل واحد يحسب ان بيشتري وبرد يصعد يوم من الايام !!! ( اي بعد 5 اسنين ولا 7 اسنين ممكن وممكن اكثر )

 

[بدرالعتيبي]

يامعود بورصتنا ادور الشاره اذكر مره
انقتل امريكي في البحرين بورصتنا انزلت 150 نقطه .........
احنا شكوووو مادري .........ز

 

[الفارس الذهبي]

اففففففففففف حدها البورصه الكويتيه قويه
ياخوي انت شايف الى قاعد يصير تقولي البورصه الكويتيه قويه الله يهداك بس

شكراً يا خوي على الرد

نعم البورصة الكويتية من اقوى البورصات العالمية
والاقتصاد الكويتي من اقوى الاقتصادات العالمية
خذ من شهرين وشوف هل البورصة الكويتية تأثرت مثلاً بصعود النفط أو تأثرت بارتفاع البورصات العالمية أو المجاورة
ابداً لم تتأثر هذا يعني البورصة الكويتية لها دعهما الداخلي الخاص
وإلي يصير هذا شي مقصود يعني اذا البورصة على طول السنين طالعة
منهو إلي يربح ما تلقى من يربح
والله اعلم في هوامير خلت السوق ينزل حتى ترد تطلعها وبهذا الشكل يستفيد الشاطر والاعب الفهمان
إلي عندها ثقة بالبورصة اكيد راح يربح
لا تخاف تربح... البورصة ما تصلح للقلوبهم ضعيفة
وبعدين يوم عن يوم صار عندنا مناعة ضد الاخطار

والله اعلم

 

[Wicked]

يا ليل ما أطولك

 

[adventurer]

يا ليل ما أطولك

ناطر ردك على مشاركتي فوق

 

[Wicked]

ناطر ردك على مشاركتي فوق

عندك فطاحل بالمنتدى اسألهم

تعال شعندك الليله ؟

 

[المجمعات]

كـــــــــــــــــــــــــلام المحلل واااااااااااااااقـــــــــعـــــــــي 1000/100

 

[Wicked]

كـــــــــــــــــــــــــلام المحلل واااااااااااااااقــــــــــــــــــي 1000/100

واقي ؟؟؟

هممممم شتقصد بالواقي ؟

 

[adventurer]

عندك فطاحل بالمنتدى اسألهم

تعال شعندك الليله ؟

لمن اسألك ترد , فاهم ولا تبيني افهمك بطريقة مارلون براندو بالقودفاذر

الليلة بطلع علاوي , وتالي الليل ما عندي شي

 

[الاشعث2]

نعم دولار قوي = نزول الذهب + اليورو + الفرنك السويري وغيرها من العملات والمعادن والمواد الاساسيه لاكن المفروض الي يصرح بدولار
قوي الفيدرالي الامريكي وهشي ماهو سر راح يذيعونه بكل قنوات
العالم تقريبأ احد سمع شي

 

[حقائق]

اليوم على الساعه 9 الا ربع على قناة سي ان بي سي العربيه
استضافوا مدير تنفيذي في شركة استشارات اوربيه (لبناني)
وقال بالحرف الواحد ان امريكا الان تسعى لدولار قوي
وهذا راح يؤدي الى نزول الذهب وبداية تصحيح ونزول النفط والداو جونز الامريكيوهذا راح يسحب الاسواق العربيه الى تسجيل (قيعان جديده)
وكان المحلل الاقرع شكله يضيق الخلق
والله وجهه مكتئب وجنه قاعد يقول اعلان وفاة شخص مو تحليل

وابوقرعه يقول ان اسعار النقط راح تنزل لمستويات متدنيه جدا
فخاف المذيع وقاله كم تتوقع يوصل سعر النفط
فرد المحلل راح يوصل من 60 الى 59 دولار...فرد عليه المذيع بعد ما تنفس الصعداء...مستوى ال60 دولار ليس بالمستوى الكارثي كاللذي اشرت اليه

وذكر المده انها بحدود 6 اشهر
وقال بنهاية اللقاء ان الاسواق العربيه راح يبدا تصحيحها بعد عيد الاضحى


طمنونا جزاكم الله خير

للأسف, هذا تحليل أقرب للواقع, و آنه مع وجهة نظره بصورة عامه! متوقع من سوقنا جني ارباح بداية الاسبوع القادم ثم صعود قليلا و بعد العيد "ليس بالضرورة بعد العيد مباشرة" استمرار النزول العنيف باتجاه قاع جديد, و الله أعلى و أعلم

 

[shraay]

كـــــــــــــــــــــــــلام المحلل واااااااااااااااقـــــــــعـــــــــي 1000/100

اي شي اشتغل الوافد ههههههههههههههههههههههههههههه يبا قول لمعزبك السوق راح يرتد والناس كلها عندها خبر وقاعده تشتري والدليل شوف نسبة الشراء اليوم وامس اكثر من نسبة البيع بضعف واكثر