عرض الغانم

[بلوتوثه]

السلام عليكم


اليوم رحت الغانم وكان في عرض فظيع


e72 قبل الخصم بـ 180 وبعد الخصم تقريبا بـ 130

الساتيو قبل العرض بـ 298 وبعد الخصم بـ 239

وهكذا كل الاجهزة​

 

[airport]

قوه
هذا السعر الي تقولين عنه حاطينه سعر الاقساط تسألينه بجم يمسك الاله الحاسبه ويقولج سعره المبلغ الفلاني غير السعر المعلن
لعبتهم معروفه

 

[بلوتوثه]

صح اذا بتاخذه بالاساط بس انا سألته قالي اذا بتاخذينه كاش هذا سعره فالي يحب ياخذ من اهناك يلحق بس كاش مو اقساط

 

[airport]

انا اقصد بكلامي يوم قالج الساتيو بـ 298 سعره الاقساط الي اهو السعر المعلن أما سعره كاش مايكتبونه مجرد يشوف السعر المعلن يضربه بـالنسبه المئويه والناتج يطرحه من السعر المعلن الي اهو 298 يطلع الناتج سعر الكاش الي قالج عنه 239
لان لو بتلاحظين أن اول ما نزل الساتيو سعره يبتدي من 250 وانتي نازله فأستحاله يكون سعره 298 بالغانم
والــ e72 سعره اول مانزل قبل جم يوم 143 عند المستقبل وكفالته سنه ونص وماكو احد عنده اعلى من سعر المستقبل لان يعطي كفاله سنه ونص اذا شريتي منه مباشره مو من الموزعين له
واسف على الاطاله

 

[ولد^الكويت]

امس انا كنت عند فونو سعره 130 مع كفاله المستقبل سنه ونص

 

[بلوتوثه]

اي صح كلامك بس اصلا اي جهاز ينزل برة الغانم يكون ارخص من الغانم تدري بعد الاسم بروحه له اجر عشان جذي يكون فوق العلالي المهم انه اذا الواحد يقدر ياخذ كاش ياخذ ويفضل كفالة الغانم يغتنم الفرصه الحين

بس انا عن نفسي ما راح اخذ من اهناك ككككككك

 

[بلوتوثه]

airport اخوي

اخوي انت ماخذ اي لون من الساتيو؟؟


تبيعني اياه شرط نظيف ولا زلغ ولا برامج ثقيله بسعر زين حق خيتك المسكينه الي قاعده من شهر 6 ناطره ههالجهاز ينزل شرايك بالفكرة

 

[airport]

أنا الجهاز الي عندي لونه اسود صارله 3 اسابيع بالكثير وكفالته البراك ما اشتكي منه بشي لكن ... إذا عندج ايفون تبدليني ما اقول لا
أو سومي الجهاز مني وانشالله تعجبني السومه واقولج مبروك
جهازي السوني أغراضه شرط كامله و عليه ستيكرز على الشاشه وشرط مني مافي اي زلغه

 

[بلوتوثه]

الله عاد انا خاطري بالاسود بس ماعندي اي فون ولا عندي جهاز قاعده جذي بدون تلفون حتى خطي مسكرته من زمان بس بين فترو وفترة ابطله عشان لا ينلغي !!

 

[airport]

.