على طارى غسيل الاموال راح اقولج قصة حقيقيه ومنه ينتبه الاخوة في المنتدى
ايام ما كنا نجيب سيارات من المانيا
انا حجزت على الكويتيه فرانكفورت 240 دينار
ربعي قالوا يا مجنون تعال التركيه 150 دينار
قلت انا اكره تركيا نفوسهم خايسه ويكرهون العرب رحت مرة وحدة للتجارة وكرهت السفرة
قلت خلاص الوعد في الفندق الفلاني فى فرانكفورت
بعد 4 ايام لقيت الشباب متغيرة اشكالهم ومتضايقين
ها عسى ما شر
قالوا سبحان الله كسلك دايما يفيدك -- وبخلنا دايما يأذينا
مت من الضحك -- زين اعترفتوا يا بخلاء
ليش عسى ماشر
الشباب اعجبتهم تركيا ونزلوا على ابو يومين
وبعد ما راحو للمطار -- نسوا -- ان القانون التركي -- نفس القانون السوري -- ممنوع تطلع معاك اكثر من 500 دولار -- واذا اكثر تتم مصادرة الفلوس وتتحول قضيه غسيل اموال -- او -- تهريب اموال
الشباب معاهم اكثر من 90 الف دينار كويتي -- 300 الف دولار
واحد منهم بجى جدام الشرطي -- ما اعرفو شلون يتصرفون -- لكن حظهم جاهم لبناني يتكلم تركىوقالهم ما شفت مجانين مثلكم في انسان صاحي يشيل مثل هذا المبلغ كاش -- تروحون لبلد ما تعرفون قوانينه
ادفعوا 10 الاف دولار بغشيش للشرطي علشان يفككم وفعلا ادفعوا 10 الاف دولار = 3000 دينار بقشيش للشرطى وزرقهم بين الركاب
مت من الضحك
قلت الله يوفقكم في بيعت سيارة تعوضون خسارتكم
وعلى ما قالوا البدو == الردى شين
وهذى عبرة
اوربا دخل مليون وطلع مليون ما فيه اي انسان يكلمك
امريكا حدك 10 الاف دولار دخول
الصين دخل مليار == ممنوع تطلع دينار
كل بلد لها قانون
