استفسار : كرايسلر c300

[بو بـدر]

سلام عليكم

ان شاء الله ناوي اخذ كرايسلر c300 هل يومين وحبيت اخذ نصايح من اهل الموتر لاني مالي خبره فيه ولقيت اغلب المكاتب عارضين امريكي ويفرق مواصفات عن الوكيل

الموتر يسوى الواحد ياخذه ... وجزاكم الله خير

 

[بو بـدر]

للرفع

 

[أبو راشد143]

هلا اخوي
والله واحد من الربع يمدحه لانه عنده أمريكي يقول حرااارته نص والوكيل حرااارته ثلث ويقوووول اخذ خط ممشي ونااااعم وإذا بتاخذ اخذ ال8سلندر أنا ألحين ادور كرايسلرsrt8 موديل2007أو2008 وموو محصل
والله يرزقك ويرزقنااا يارب
وتقبل مروووري

 

[بو بـدر]

الله يعطيك العافية يا بو راشد والله قاعد ادور واحد نظيف سواء امريكي ولا وكالة

والله يرزقك الموتر الي تستاهله

نبي مشاركات المجربين

 

[bo7amad-q8]

اخوي الموتر حلو وستعماله زين خاصه انهم طورو الكرايسلر والدوج عن اول لانه اول كانت بعد سنه من طلعتها من الوكاله الموزع تشتغل عليك الخرابات والحراره مالها حل
بس المشكله تبقى بالوكيل الموزع الي عندنا خدمة السيرفس الله بالخير والقطع غاليه مو كل شي تلاقيه عند محلات قطع الغيار وعادي الملا اذا السياره فيها عيب يرقعها لك لانه صارت وياي والناس تنحاش من هالسيارات والسبه الوكيل الموزع

 

[RBG]

السلام عليكم ورحمة الله وبركاته

كل عام وانتم بخير جميعا
الاخ العزيز بو بدر لو تكرمت ما دام انت تبحث عن سيارة ممكن لو سمحت تذكر لنا اسعار السيارات التى وجدتها حسب الموديل لانى ابى اشترى نفس نوع السيارة
ولك جزيل الشكر

 

[بو بـدر]

اخوي الموتر حلو وستعماله زين خاصه انهم طورو الكرايسلر والدوج عن اول لانه اول كانت بعد سنه من طلعتها من الوكاله الموزع تشتغل عليك الخرابات والحراره مالها حل
بس المشكله تبقى بالوكيل الموزع الي عندنا خدمة السيرفس الله بالخير والقطع غاليه مو كل شي تلاقيه عند محلات قطع الغيار وعادي الملا اذا السياره فيها عيب يرقعها لك لانه صارت وياي والناس تنحاش من هالسيارات والسبه الوكيل الموزع

الله يعطيك العافية الموتر الاغلب يذمونه وقليل الي يمدحه والسبب سمعت الكرايسلر سيئه والوكيل عندنا كملها وقطع غياره غاليه

الله يكتب الى فيه خير

كل عام وانتم بخير جميعا
الاخ العزيز بو بدر لو تكرمت ما دام انت تبحث عن سيارة ممكن لو سمحت تذكر لنا اسعار السيارات التى وجدتها حسب الموديل لانى ابى اشترى نفس نوع السيارة
ولك جزيل الشكر

هلا والله ...

اسعارهم تبدء من 4000 وانت صاعد لموديل 2005 والمواصفات تختلف الامريكي والوكالة مثلا عندك الامريكي شاشة فيه من 2005 والوكالة تو يحطها بس ما تشتغل الخرايط فيها ومافي برمجة حالياً حقها وماتعطيك تردد بعض قنوات الاذاعة مضبوط بس تقدر تستفيد منها بشغلات ثانية والميزة بالامريكي تحصله نظيف حيل وماشي شوي وسعره معقول ولا تنسى شرط فحص ... اتمنى اني افدتك والله يوفقك ويوفقنا

 

[ابو علواو]

السلام عليكم بنسبه لموتر انا عندي واحد بس المشكله قطع الغيار غاليه وثاني شي موتري وارد امريكا وبنسبه للحراره ما فيها ولا شي الحراره واصله نص صارله الموتر سنتين الحمدلله الحراره طبيعيه نص لا ترتفع ولا تنزل بس اذا بتاخذ وارد امريكا تاكد انه فيه مروحتين لانه اذا فيه مروحه وحده ترتفع حرارته والمشكله الثانيه تراه زلق يزلق بسرعه فرق عن الالماني اما الشكل حلو وتوايره غاليين وتحياتي يعني تاخذه تحمل القطع الغيار وعدم السرعه لانه يزلق ما يثبت والله يوفقك

 

[vtc_305]

تكلم عن الـ 6 سلندر تجربه شخصيه علشان لاحد يقول ماحصل <<<

طااح ردبول عند القير شويه بس وشلته من غير قصد

المهم نظفته وتلمع والشغل ميه ميه

ثاني يوم القير ما يتحركـ برده قري مايتحرك

وادق ع واحد من الشباب عنده مثل سيارتي وقالي السالفه كيت كيت وان السالفه صارت معاه

رحت الوكاله شريت قطعه اصليه وبالموت يالله لقيت فني كرايسلر وقالي القطعه لازم قص ولحيم وهالسوالف المهم وركبتها والحمده الله ماخسرت الا 70 دينار تقريبا

طبعا الموتر امريكي وله ملف بالوكاله

رحت بسوي له سيرفس بس فحص يقول اجيك لك ع السفايف والدسكات وما ابدلهم بس الفحص بـ70 واذا فيهم نص عمر تبدلهم عندنا

واذا ما خليتنا نفحص تصقط الكفاله

المهم واطلع واخليهم

جانب الثبات والحين لجوو بره مطر تفتر ع اي لفه او دوار بدون اي مبالغه يعني وانت مع اهلك ولا مع العيال تزلق حتىى داخل المنطقه وع سرعه خفيفه

وهذا الي عندي

وهذا الجانب السلبي بوجهه نظري

وعلما انه السياره مو سيارتي بس عندي كل يوم

وانه ما اقارنهاا مع السيارات الي بقيمتهاا واني كنت منغر فيهااا وبشكلهاا اول مانزلت

واتمنىى تتقبل رايي

وسامحووونا ع الاطاله

 

[بو رشود]

يعطي الجميع العافية وكل عام والجميع بألف خير ,,,
بخصوص الكرايسلر أنا عندي srt8 موديل 2006 صارلة سنتين تقريبا والصراحة موتر مو طبيعي من ناحية القوة والثبات وتكييفه حلو وحرارتة ع النص واحيانا أذا وقفت عند أشارة تصعد فوق شوي وترد طبيعية أول ماتحرك ,, سيارتي وكالة عشان جذية ماحسيت بسوالف فتح ملف وهالامور ومن ناحية السيرفس ممتاز وسعره جدا معقول خصوصا بوقت الغلاء الحالي وقطع الغيار شوي غالية بس هم معقولة ,, يعني من الاخر سيارة عملية (سبورت ع رزة وتكانة) ,,
ونصيحة للاخ الراغب بالشراء لاتشتري الا وكااااااالة ,
وشكرا للجميع .

 

[بو بـدر]

الله يعطيكم العافية وعيدكم مبارك