** لحظات مرعبه **

Navigator

مشرف
طاقم الإدارة
التسجيل
14 نوفمبر 2007
المشاركات
29,732
الإقامة
الكويت
بسنة 2000 كنت واثنين من الربع رايحين لبنان اعتقد شهر 10

من دشينا بيروت نزل علينا مطر قوي وتسكرت اغلب الشوارع وصارت انهر حتى بالغلط دشينا مخيم

فلسطينيين ولوحة السياره محافظة حولي:eek: والسياره لكزس ما تنفع بهالامور

والحاره ضيقه غصب دشينا ويطلعون كم واحد جدامي منهم واحد ركب على الكبوت وقام يصارخ وين المسؤولين احنا بنغرق وهم نايمين في بيوتهم ويتجمعون اكثر من 50 واحد وتعال فهم فيهم ان احنا مالنا علاقة لا من بعيد ولا من قريب وهم مصرين على ان احنا ضيوف عند المسؤولين :confused:

بالغصب طلعنا قلنا ندور مكان نزبن فيه على ما يخف المطر ونسفط عند مطعم صاحبه قاعد يشطب يبي يسكر المحل والا بالزاوية 3 شباب واقفين جدام باب قلنا فرصة نروح لهم يمكن مطعم او اي شي نقعد فيه رحت ويا واحد من الربع نتمشى له والثالث قال بينطرنا بالسياره

وصلنا عندهم والا الحبايب يهلون ويرحبون فينا

دشينا داخل والا طاولات مدارسنا القديمه وكراسيهم طبعا اشكالهم وحوش مو بشر بس الخوف يعمي الشوف

شو بتشربوا ؟ قلت بيبسي وصاحبي اخذ سفن واظن انهم جابوا لنا آرسي اذكره صغير

سألناهم شنو هالسرداب ؟ مطعم وقعدوا يضحكون قالوا ما بتعرف شو هاظ :eek:

والا تطلع كرخانه :eek:

قلنا يبه آسفين والمطر اللي خلانا نجي صوبكم ومشكورين

والا يرد واحد فيهم ويقول دخول الحمام مش زي خروجه على وين رايحين ؟

لازم تدفعوا حق الطاولات والمشاريب :confused:

بس ؟ :) بسيطه كم حسابك ؟

كل طاوله 150 دولار والمشاريب 200 دولار :eek: :mad:

جان أعصب ( احسبولي نقطه ) :D تعال تعال بتضحك على منو انت :mad:

يومها عرفت معنى كلمة أأوسك :p

تجمعوا 7 أشخاص اللي معاه سكين واللي خنجر واللي عجره ( كلهم ما اشوفهم شي ) خير ان شاء الله :p

وواحد وياه مسدس :( ويصوبه على راسي ويقول بتدفع والا انسيك حليب أمك ( شدعوة أذكره ) :D

عاد اخوكم خبير بأم الركب والله من الخوف قعدت اعاند :confused: مو بوعيي واقوله مستحيل ادفع هالمبلغ ( خبل ) :p

وما ادري شلون قلت له بعطيك 100 دولار بس ( مجبر اخاك لا بطل ) :eek:

ساومني ب 200 دولار وانا والله من الخوف معند ومقفل على 100 دولار

صاحبي دفع له 200 وقال لنا يالله امشوا وما بدي اشوفكم هون ( طبعا فيها طراقات وتشوت وانا للحين مقفل اقوله 100 دولار :confused:

ولمن طلعنا قلت لصاحبي احنا ليش ما دفعنا وشرينا كرامتنا من البداية

فرقت 250 دولار :eek:
 

هيفا

عضو مميز
التسجيل
12 أكتوبر 2010
المشاركات
4,760
ههههههههه بوسلمان قلب الأسد :p
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
زادت نظراته حدة ثم صرخ : أنت .. من أنت ؟

هههههههههههههههههههههههههههاي من هذي الكلمه عرفت مكان المستودع وفي اي حي !!

شكراً فضل ولاتحرمنا جديدك ..


اهل الرياض ادرى بشعابها .. :rolleyes::)


بالبدايه ضاقت فيه الوسيعه حسيت بشعوره :eek::eek:

شكرا لك


حتى انا لما قريت القصه اول مره ، حسيت بشعوره

وقمت اتنافض بمكانى .. :p


اتذكر مره كنت رايحه مع المدرب اتدرب

وكنت اخاااااف منه كان شكله مووومريح

بس ما كنت اروح بروحي

كنت امر رفيجتي ونتدرب مع بعض

فيوم مريناها جان تقول ماقدر اروح تعبانه

طبعا قلت حق المدرب خلاص برجع البيت

جان يقول لا ماتردين انا متعني

قتله ماااابي بروحي

يقولي امبلااااااااا

جان اقوم الف السكان عشان برد البيت

جان يرد يلفه من السكان اللي عنده

تدرون السياره فيها سكانين

انا الف يسار واهو يلف يمين

تصروعت

حسيت اني مخطوووووووووفه

وقعدت ابجي

هني اهو تصروع هههههههههه

جان يقولي خلااااااااااص بردج بردج

طبعا كانت بالنسبه لي لحظات مرعبه

عقبها قعدت اتدرب بالفريج بروحي واذكر مره دعمت الدوار اللي يم بيتنا

ومره دعمت سيارة ابوي ههههههههه

بس هذي نهاية الفلم

سكريم 5 


هههههههههههه


هذا شكله خوش فلم ، وين يعرضونه ؟ :p


فعلا مو كل شي ينحل بالقوة


العقل قبل العضل .. :rolleyes:;)


بسنة 2000 كنت واثنين من الربع رايحين لبنان اعتقد شهر 10

من دشينا بيروت نزل علينا مطر قوي وتسكرت اغلب الشوارع وصارت انهر حتى بالغلط دشينا مخيم

فلسطينيين ولوحة السياره محافظة حولي:eek: والسياره لكزس ما تنفع بهالامور

والحاره ضيقه غصب دشينا ويطلعون كم واحد جدامي منهم واحد ركب على الكبوت وقام يصارخ وين المسؤولين احنا بنغرق وهم نايمين في بيوتهم ويتجمعون اكثر من 50 واحد وتعال فهم فيهم ان احنا مالنا علاقة لا من بعيد ولا من قريب وهم مصرين على ان احنا ضيوف عند المسؤولين :confused:

بالغصب طلعنا قلنا ندور مكان نزبن فيه على ما يخف المطر ونسفط عند مطعم صاحبه قاعد يشطب يبي يسكر المحل والا بالزاوية 3 شباب واقفين جدام باب قلنا فرصة نروح لهم يمكن مطعم او اي شي نقعد فيه رحت ويا واحد من الربع نتمشى له والثالث قال بينطرنا بالسياره

وصلنا عندهم والا الحبايب يهلون ويرحبون فينا

دشينا داخل والا طاولات مدارسنا القديمه وكراسيهم طبعا اشكالهم وحوش مو بشر بس الخوف يعمي الشوف

شو بتشربوا ؟ قلت بيبسي وصاحبي اخذ سفن واظن انهم جابوا لنا آرسي اذكره صغير

سألناهم شنو هالسرداب ؟ مطعم وقعدوا يضحكون قالوا ما بتعرف شو هاظ :eek:

والا تطلع كرخانه :eek:

قلنا يبه آسفين والمطر اللي خلانا نجي صوبكم ومشكورين

والا يرد واحد فيهم ويقول دخول الحمام مش زي خروجه على وين رايحين ؟

لازم تدفعوا حق الطاولات والمشاريب :confused:

بس ؟ :) بسيطه كم حسابك ؟

كل طاوله 150 دولار والمشاريب 200 دولار :eek: :mad:

جان أعصب ( احسبولي نقطه ) :D تعال تعال بتضحك على منو انت :mad:

يومها عرفت معنى كلمة أأوسك :p

تجمعوا 7 أشخاص اللي معاه سكين واللي خنجر واللي عجره ( كلهم ما اشوفهم شي ) خير ان شاء الله :p

وواحد وياه مسدس :( ويصوبه على راسي ويقول بتدفع والا انسيك حليب أمك ( شدعوة أذكره ) :D

عاد اخوكم خبير بأم الركب والله من الخوف قعدت اعاند :confused: مو بوعيي واقوله مستحيل ادفع هالمبلغ ( خبل ) :p

وما ادري شلون قلت له بعطيك 100 دولار بس ( مجبر اخاك لا بطل ) :eek:

ساومني ب 200 دولار وانا والله من الخوف معند ومقفل على 100 دولار

صاحبي دفع له 200 وقال لنا يالله امشوا وما بدي اشوفكم هون ( طبعا فيها طراقات وتشوت وانا للحين مقفل اقوله 100 دولار :confused:

ولمن طلعنا قلت لصاحبي احنا ليش ما دفعنا وشرينا كرامتنا من البداية

فرقت 250 دولار :eek:


هههههههه

يعنى انت بلعت مشروبك ، وبلعت العافيه .. :p


وانا علبالى المنفوسين فى سوريا بس :rolleyes:
 

جواهر

عضو مميز
التسجيل
27 نوفمبر 2010
المشاركات
12,898
ولله موقف لايحسد عليه بس اشوى اشتغل عقله باللحظه الاخيره :)

بحياتنا كل شي ينحل بالعقل ولو تبغي شي بالقوه والغصب ماتحصل عليه:rolleyes:

كل الشكر لك فضل يعطيكـ العافيهـ
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
ولله موقف لايحسد عليه بس اشوى اشتغل عقله باللحظه الاخيره :)

بحياتنا كل شي ينحل بالعقل ولو تبغي شي بالقوه والغصب ماتحصل عليه:rolleyes:

كل الشكر لك فضل يعطيكـ العافيهـ



فعلا يا جواهر ، فى حياتنا مو كل شىء ينحل بالقوة


حتى الرزق ، واقرئى هذه الابيات إن اردتى ..




تزود من التقوى فإنك لا تدري

إذا جن ليل هل تعيش إلى الفجر


فكم من صحيح مات من غير علة

وكم من سقيم عاش حينا من الدهر


وكم من فتى يمسي ويصبح ضاحكا

وقد نسجت أكفانه وهو لا يدر


وكم من عروس زينوها لزوجها

وقد قبضت أرواحهم ليلة القدر


وكم من صغار يرتجى طول عمرهم

وقد أدخلت أجسادهم ظلمة القبر


فكيف تخاف الفقر والله رازق

وقد رزق الأطيار والحوت في البحر


ولو أن الرزق يأتي بقوة

ما أكل العصفور شيئا مع النسر



ومن عاش ألفا أو ألفين حجة

فلا بد من يوم يسير إلى القبر

 
أعلى