الموضوع اليوم اشوية خيالي يعني مو موجود على ارض الواقع

[yoyo1983]

السلام عليكم ورحمة الله وبركاته




الموضوع اليوم اشوية خيالي يعني مو موجود على ارض الواقع واذا اصبح واقعا فسوف نرى العجائب !!


يا اخواني خلونا نتخيل اشوية اذا بيوم من الايام اصدرت الدول اللي لها خدم في الكويت ودول الخليج قرار بمنع ابتعاث اي خادمة للعمل في الخليج بشكل عام وبالكويت بشكل خاص ! يعني بالعربي كل الخدم اللي بالديرة راح يسافرون لديارهم , وماكو ولا خدامة بالكويت , شنو تتوقعون يصير بالديرة ؟؟؟؟؟




راح اقول بعض التصورات اللي اتوقع انها تصير بسبب عدم وجود الخدم منها :


1- سوف ينتعش سوق عقار البيوت بو دور واحد ويرخص عقار البيوت ذات الطابقين ( طبعا البيوت اللي مافيها شقق للايجار ) , يا عيني


2 - سوف تقل نسبة السمنة بشكل كبير في جيل الشباب والشابات ويصبح قوامهم جميل بفعل الحركة الدائمة داخل البيت وبالتالي تقل نسبة العنوسة بالكويت .


3- عيادات التغذية الخاصة سوف تعلن افلاسها ويعود اطباءها الى العمل في القطاع الحكومي


4- تقل نسبة الطلاق في الكويت وذلك لعدم وجود حجة لدي الرجال بأنه يريد زوجة رشيقة و قوامها جميل بدل امرأته الاولى ذات الكرش الكبير


5- سوف يصبح الجيل الجديد جيل قادر على مواجهة التحديات والصعوبات لانهم تربوا على الاعتماد على النفس وليس جيل اتكالي كالذي نراه اليوم لدي البعض






وهناك الكثير من التوقعات التي سوف نقرؤها من خلال تعليقاتكم الثرية​

 

[سيف راكس]

وماكو ولا خدامة بالكويت , شنو تتوقعون يصير بالديرة ؟؟؟؟؟ والله لتشوفين المشاكل في كل بيت اللهم ارزقني بالخدامه الصالحه .... توقعي بعد

 

[abdullah6868]

احنا الوحيدين اللى عندنا خدامات
الكويت -- السعودية -- قطر -- الامارت
عمان + البحرين مازالوا متمسكين -- بسبب قلة المدخول للفرد -- وعايشين احلا عيشه
اوربا هلب يور سلف
امريكا خادمات مؤقته لساعات محدودة -- لرعاية الاطفال الصغار فى غياب الوالدين للعمل خارج المنزل
قصه حقيقيه
عزمنى صديق تاجر اندونيسي انا وزوجتى في منزله اسقبلنا مع زوجته وبناته
لما جلسنا فى الصاله
دخلوا علينا خدامات يمشون على ركبهم زحف ومعهم صواني الشاى الاندونيسى
قالت زوجتى حسبى الله علية من تاجر يشغل معوقات ما يمشون
قلت رزقتهم الله يجزاه خير
المهم لما طلعنا وألا الخدامات واقفين على رجولهم
قلت الحمد لله الله شافاهم وجوهنا خير عليهم -- طبعا امزح
سئلت التاجر ليش الخدم دشوا يحبون على ركبهم
مجرم التاجر قال الاندونيسيات الطبقة السفلى -- مثل السبرنق -- لازم طول عمرك دايس عليهم -- متى ما رفعت رجلك طاروا بوجهك ويضرونك
قلت الله اكبر وعندنا صايرين معازيب
طبعا انا انصدمت من ها الشغلة واحنا ما نوصل لهذى المرحلة من العبودية
بس هذا الفرق بين تعامل الاجنبى مع الخادم
والشعب الكويتي مع الخدم

 

[q8royale]

يعني اذا صار فالنتيجة ايضا ضرب من الخيال

1) جميع الموظفات يجلسن بالبيوت لزوم التنظيف و ادارة امور البيت مما يؤدي الى توفر فرص وظيفية للاجيال القادمة و ايضا يخفف من كاهل ميزانية الرواتب

2) سوف يتم قبول كثير من الطلبة بجامعة الكويت ( ما راح يكون عندهم عذر - ما في كراسي )

3) ما له داعي لمدارس البنات , يجلسن بالبيت للتعلم من امهاتهن امور البيت

4) الاستغناء عن الكثير من العمالة الوافدة ( مدرسين و مدرسات )- و هم ذول حاليا تدريسهم لك عليه - بعض الاحرف عند عيالنا ههههه

5) حركة المرور راح تكون افضل بكثير

6) ادارة الهجرة و الاقامات ما لها داعي

7) نفتك من شيء اسمه مكاتب خدم



3