مشكله مع بيت التمويل وطالب شوركم

[cleoid]

السلام عليكم

يا جماعه انا كنت مقدم معامله حق بيت التمويل طلب تحويل سياره

المهم انا متفق مع الريال ان اعطيه سيارتي والباجي احولها على بيت التمويل

ولكن الصدمه اللي تفاجأة فيها ان المعامله مرفضوه والسبب يقولون ان السياره سعرها رخيص ولازم تاخذها بسعرها الاصلي

وهذي مخالفه للمعامله الشريعه ؟؟!!!

والله حرقوا اعصابي وصارت نجره مع مدير الفرع على السالفه هذي

يعني على سبيل التوضيح يقولك ما يصير تحول سياره قيمتها بالسوق

10 الالف وانت تحولها 5 الالف !!!

انا ماني عارف شنو المخالفه الشريعه بالشي هذا دام الشاري والبايع متفقين.

يا جماعه شنو شووركم لي

 

[al-dbel]

بسم الله الرحمن الرحيم
بالنسبة لكلامهم فهو صحيح 100 %
اذا تبي المعاملة حسب الطريقة الشرعية لان موضوعك شريتين بشرية وحدة بمعني انك شريت السيارة من الرجال من طريقك باعطاءه سيارتك وخليت بيت التمويل يشتري السيارة ايضا بالباقي من المبلغ يعني بيعتين ببيعة وحدة يعني السيارة تم شراؤها من طرفين انت دفعت النص والبنك بالنصف الثاني وهذا مايدخل في باب التملك يمكن ماراح تفهم علي شوي لكن باختصار بالطريقة الشرعية غير صحيحة

 

[cleoid]

زين خلنا من سالفة سيارتي اللي بعطيها الريال

انا بشتري من الريال بالسعر الرخيص فيها شي بعد ؟

مدير الفرع يقولي اشتريها بسعر السوق وانا مو مجبوور اشتريها بسعر السوق

 

[بومعالي]

خذ تورق وفك عمرك

 

[al-dbel]

زين خلنا من سالفة سيارتي اللي بعطيها الريال

انا بشتري من الريال بالسعر الرخيص فيها شي بعد ؟

مدير الفرع يقولي اشتريها بسعر السوق وانا مو مجبوور اشتريها بسعر السوق

بهذا اول مرة اسمع فيها وللعلم سالفتي عكس سالفتك اخوي باع سيارة لواحد من ربعة ولما راحو يحولون السيارة قال الموظف لرفيج اخوي تعرفة البايع قالة لا ؟ قال ترا الرجال قاص عليك بالسعر غالية حيل ,,,,,,, طيب شدخلة بالسعر وبعدين شهالاسلوب (الرجال قاص عليك ) اتفق معك بان معاملة بيت التمويل صفر وجنك تطر منهم ماكنهم يقصون ظهور العالم بالفوائد عسى الله يعينك

 

[Nagooshy]

تورق

 

[naser1116]

مع الأخوان تورق

 

[متابع جيد]

بهذا اول مرة اسمع فيها وللعلم سالفتي عكس سالفتك اخوي باع سيارة لواحد من ربعة ولما راحو يحولون السيارة قال الموظف لرفيج اخوي تعرفة البايع قالة لا ؟ قال ترا الرجال قاص عليك بالسعر غالية حيل ,,,,,,, طيب شدخلة بالسعر وبعدين شهالاسلوب (الرجال قاص عليك ) اتفق معك بان معاملة بيت التمويل صفر وجنك تطر منهم ماكنهم يقصون ظهور العالم بالفوائد عسى الله يعينك

الاصل في معاملة بيت التمويل انه يشتري السيارة ويبيعها عليك ومنعا من التكييش لازم المشتري الأول يعاينها ويقدرها ويشتريها باسم بيت التمويل ويبيعها عليك وفي هذه الحالة يكون له دخل في ثمن السيارة وتناسبها مع السوق وبالنسبة لصاحب الموضوع عندي حل انه يدبر خمسة أو اربع الاف يدفعهم مقدم من ثمن السيارة ويقسط الباقي ولما يستلم صاحبك الشيك يعطيك فلوسك ولا تخاف الأرباح فقط على المبلغ المقسط ومالهم شغل بالمقدم

 

[ابو غلاب]

اخذ تورق ترا نفس حسبة ارباح الطلب يعني مثلا تاخذ تورق او تحول سياره ب5000 على 3 سنوان القسط 152 والمديونيه 5400 وخرده


من وجهة نظري لبيت التمويل ( قال ويش حادك على المر قال اللي امر منه ) مافي بنك اسلامي غيره لو فيه حولنا على طول

 

[الكاريبي]

مثل ماقال أخوي متابع جيد أو أخذ تورق مثل ماقالو اخواني وفك نفسك.
روح بنك بوبيان يمدحونة بلمرابحة والله أعلم أنا ماجربته.

 

[أبو راشد143]

ياخوي دايخ مدير الفرع اللي رحت له
حبيبي انشالله تاخذها بألف أهوو شكووو راعيها طالب هالسعر !!!
روح البنك الرئيسي اللي في شويخ أحسن لك أهم أدراااا
ودمتم سالمين

 

[اليوفي الثاني]

شاللي حادك يخوي

 

[ولد الشعب]

مثل ماقال أخوي متابع جيد أو أخذ تورق مثل ماقالو اخواني وفك نفسك.
روح بنك بوبيان يمدحونة بلمرابحة والله أعلم أنا ماجربته.

الاثنين حراميه نصب في نصب بيت الحراميه سوري قصدي بيت التمويل وبوبيان كله فوائد في فوائد (اسال مجرب ولاتسال طبيب)

 

[kuwaitey]

ليش مأذى عمرك

روح بنك بوبيان وفك عمرك واعتقدالنسبة فى بنك بوبيان اقل من بيت التمويل

بس اذا تبى الحق كلام بيت التمويل صح وانت خطاء

انت تقول منت مجبور واهو يشتغل بموجب انه اسلامى وعلى اساس السعر المعروف

واى شى فيه شبهه يبعد عنه انا اشتغل فى السيارات والمواقف هذى نتعرض لها واجد اخوى

الله يسهل عليكم يالغالى ..

 

[bu_nawaf]

اخوى شلك بالمغثه روح بنك بوبيان او البنك الدولى او الشرق الاوسط كلهم ابرك من بيت المصايب لو تشوف القضايا اللى بالمحاكم وسوالف البيوع الوهميه (التورط= التورق ) يشيب لها الراس وكل يوم لهم مبدا جديد شافوا الناس بتطلع منهم للبنوك الثانيه قاموا يغرونهم بالجدوله واعاده الفايده بحاله التسديد المبكر (عفوا اقصد المرابحه)ومسمينها مكافاه سداد شللي استجد وينهم لما كانوا متوحدين بالناس مستغلين الشرع وطيبه الناس عموما الله يوفقك اخوى