الشاشه الزرقه

[bo_walid]

من فتره طلعتلي شاشه سوده وبعدين مادري شنو طقيت وطلعتلي شاشه زرقه ومن فتره طلعتلي شاشه زرقه بالزاويه ويه صوة غريب بالكمبيوتر صوت طقطقه جان اصكره من الدقمه خفت يحرقنا ولي شغلت الكمبيوتر يبيلك 10 ،5 دقايق على مايشتغل المهم وديته حولي وهو تحت الكفاله قالي فايرس وفرمته لي والحين بصكر الكمبيوتر طلعتلي الشاشه الزرقه بالزاويه يسار بس من غير صوت جنى ماسوى شي المهم صورتها جم صوره بالتلفون جود احد يفيدنا شنو مكتوب فيها ولا شنو هل مشكله على لاقل لي وديته اعرف شقوله مو يرطن على وانا ضايع بالطوشه
مشكورين وماقصرتو

 

[The BrokenHeart]

أول واوفر واسهل احتمال انه الواحد يقولك يبيله فورمات ( جربت وما صار تغيير نفس المشكلة يعني العيب مو من الويندوس )
ثاني إحتمال يكون الهاردديسك مضروب ( انت لما تشغله ... يطلعلك شاشة الويندوز مادت الويلكوم ؟؟ إذا ايه فا احتمال منه )
ثالث أحتمال البروسيسر مضروب ( اذا انت من أول ما تشغل الكمبيوتر قبل ما يدش على الوندوس ولا شي فيه احتمال يكون منه )

بس نصيحتي لك .. أخذه عند واحد يفهم بالكومبيوترات يفرمتك أياه مرة ثانية من نسخة اللي موجودة عليه الحين
واذا ما نفع الفورمات مرة ثانية غير الهاردديسك وجرب .. واذا ما نفع جرب البروسيسور

 

[bo_walid]

مشكور اخوي
يعنى ماوديه حق الي شاريه منه

 

[ENG.electric]

نفس الحاله معاي

 

[q8royale]

السلام عليكم

تركيب الويندوز مو مضبوط مع الاجهزة ( القطع ) اللي راكبه مع الجهاز و الاحتمال الاكبر الهاردسك او احد البرامج.

ارجع لنفس الشخص اللي سوى الفورمات و تاكد من انزال ويندوز بس ها نسخة اصلية لان الكوبي مصيره بالاخر يضرب

 

[المحيط الهادئ]

اخوى هاذا نفس اللى صار معاى امس ؟

وطلع الهارد وبدلته

 

[pedram]

المشكلو مو ضروري تكون من الهارد مرات تكون من القطع الي راكبه بالجهاز
يعني لو ركبت هارد او فلاش خارجي بجهازك و ما و ما تعرفت عدل تطلع الشاشة الزرقه

اصلا هذي المشكلة بس تطلع بوندوز فيستا يعني اذا جهازك زين حطلك وندوز 7 و ريح عمرك

اما لو طلعتلك بوندوز xp فهاذي اول مره تمر على و سامحني على القصور

 

[dcnaq]

المشكله من الهارددسك حجي اسمع مني ...

انا صارت فيني وفرمته فوق المليون مره وكانت ترجع جان صاحبي يقولي من الهاردددسك بدلته

وصار اوكيه !

 

[albttar]

المشكلة من الهاردسك مضروب وخاصة الصوت اللي سمعته مثل اللي صار معاي بدله وراح يضبط معاك وعلى فكرة أسعارهم ألحين رخيصة وايد . وبالتوفيق .



.

 

[أبوخالد.]

أخي الكريم اللي قال لك فايروووس لعب عليك واللي يقول فورمات هذه طريقة القشيم .. أي مشكله فورمات ...

أخي هذه الرساله تحدث عندما تكون عندك أخطاء بالجهاز اما بالهاردوير أو بالسوفتوير كما هو مذكور بالرساله .. لكن 90 % تكون من السوفتوير أي البرامج الرئيسيه الموجوده بالجهاز ..
أول شيء أعد تشغيل الجهاز وان لم يستجيب معك أدخل على السيف مود البعض يكون عن طريق الضقط على f8 أو f12
واعمل سكان دسك .. ومن ثم قم بتحميل برامج تصحيح الأخطاء والريجستي وهي كثيره وستجد
شرح لها وهي تحل أكثر من 95 % من مشاكل الجهاز ..

واحرص كل الحرص على تحميل برنامج للمحافظه على أداء الرام .. لأنه بعض البرامج قد تستهلك
الرام وهذه كفيله بعمل ستوب للجهاز وظهور الرساله التحذيريه الزرقاء ..

أخي الكريم جهاز الكمبيوتر يحتاج منك عمل الصيانه الدوريه كل فتره من الزمن حسب الاستعمال
لكي تضمن الأداء السليم .. مثل عمل دسك كلين ودفراغ و تصحيح الأخطاء و فحص الرجستي وو

وبهذه البرامج تنسى المشاكل وتنسى شيء اسمه الفورمات .. أما من ناحيه الفيروسات والباك دور والتروجان وغيرها ..

فهذه تحتاج منك الى برامج حمايه وجدار ناري و برامج للسباير ... وانصحك بالكاسبر والزون آلارم ..

وان أردت أن تعرف أفضل البرامج في أي مجال اليك هذا الموقع سيفيدك ادخل على السوفتوير وادخل المجال الطلوب وشوف احصائيته ..

http://www.toptenreviews.com/

ان شاء الله أكون قد أفدتك ..