تنبيه غلط يوقع كثير من المستثمرين

[doody311]

السلام عليكم ورحمة الله وبركاته
في غلط الكثير من الاخوان يوقعون فيه لسبب الخوف , الا وهو التبريد على السهم وقت النزول اذا استخدمه المستثمر بشكل صحيح يؤثر بدرجه كبيره ويقلل الخساره وممكن انه يقلب الخساره الى ربح , وايضا ممكن يزيد الخساره ( الا احنا نسميه تبريد للخساره ) لسوء استخدام هذه العمليه , التبريد يكون على اسس ودرايه بالسهم اثنين لا يجوز للمستثمر ان يبرد مباشره عن نزول السهم نقطه واحده , ومرت علي حالات يكون التبريد بشكل فوضوي في احد المستثمرين اشتر ة سهم بقيمة 850 لا ولما نزل 840 بردعليه ولما نزل 840 برد عليه وهذا غلط كبير ننصح الاخوان بالاستشار اولا من اي شخص يعرف في طريقة التبريد والحاله المثلى للتبريد , على الاقل ينزل السهم خمس وحدات لتكون مجموع الصفقتين مقسومه على اثنين ناتح الكوست اللي على اساسه سعر الصفقتين وما اعرف شنو بعد ابي اقول بس سالوا وانا حاضر
صانع سوق

 

[حوت السوق]

اقضل وقت للتبريد على السهم

اعتقد ان افضل وقت للتبريد على السهم هو وصول السهم الى ادنى اسعاره اي قبل ارتداده ولكن السؤال كيف تعرف ان السهم وصل الى ادنى مستوى له يعني الموضوع يركز على التوقيت المناسب للشراء الثاني ( التبريد على السهم ) هذا السؤال موجه للي عندهم فكره عن ادنى سعر للسهم قبل الارتداد ..

 

[doody311]

هلا

هلا , طبعا اخوي في قاعد مهمه تحكم السوق وجميع امور الشراء والبيع اللي اهي الطلب والعرض , السوق اذا توفرة سلعه معينه ترخص , واذا قلة في السوق تغلى , اذا نزل السهم وتشوف العروض اكبر من الطلب , يعني الكل بيبع هذا معناة ان السهم راح ينزل بس من يصير الطلب اكبر من العرض وتشوف الشراء من فوق, معناتها ان السهم راح يصعد , طبعا هذا في غياب المعلومه الصحيحه نفضل اتباع هذي الطريقه
صانع سوق

 

[المقرود]

الأخ حوت السوق
أحب أن أضيف على كلام الأخ دودي مايلي
في التحليل الفني يعرف وصول السهم إلى القاع بأمور عدة ، أهمها:

- أن يعقب النزول القوي ، تداول بكميات كبيرة عند نقطه معينة ، فهذا مرشح قوي لوصول السهم إلى القاع وقرب ارتفاعه ، أعطيك مثال: سهم سعره 800 فلس وكل يوم قاعد ينزل شوي لما وصل 710 فلوس ، وعند 710 فلوس تم تداول السهم بكميات كبيرة ، فهذا يدل على وصول السهم إلى القاع

- يعرف وصول السهم إلى القاع بتراجعات فيبوناتشي (راجع موضوعي بدار الاستثمار ، عشان ما نكرر الكلام مرتين)

- يعرف بوصول السهم إلى مستوى دعم سواء كان هذا المستوى عقب وحده أو انثين أو عشر أو غيرها ، وأيضا يعرف بمختلف المؤشرات اللي توضح هالشي مثل الشموع اليابانية ، مؤشرات بولينجر وغيرها (وأتوقع مؤشر ستوكاستك يقدر يعرفون منه وصول القاع بس بصراحة مو متأكد من دقة هالشي)

وفقك الله

 

[ربحت]

واضيف على كلام الاخوان ان كمية الاسهم المراد التبريد بها يجب ان تكون وحدات صحيحه وليست كسور مثال....شخص يملك 5000 سهم بسعر 700 فلس نزل السهم عليه حتى اصبح ب 400 فلس وهنا حجم الوحده يكون 10000 سهم فالتبريد يكون اما بشراء 5000 سهم اخرين او 10000 سهم ولايجدى هنا مثلا شراء 1000 سهم او 200 سهم حتى يمكن التبريد على الكميه البالغه 5000 سهم بسعر 700 فلس

 

[boalons]

اخوي zein74

بالنسبه للكميه انتا وتقديرك

كل مازدت الكميه من تحت كل ما عوظت اكثر اذا صعد السهم , اهم شي تحدد القاع الي تشتري منه السهم

وهنا يأتي دور الشارت

عندي راي اخر بمسأله التبريد

مثلا شخص شرى سهم مثل المصالح لما كان 500 فلس , الشركه كانت ارباحها استثنائيه ليش ابرد عليها واحكر نفسي وانا اشوف الفرص تطير جدامي , الافضل بدال لا ابرد عليه اشوف سهم ثاني والربح الي اطلعه اغطي فيه الخساره الاولى

 

[doody311]

هلا

شكرا لكل الاخوان اللي ردوا وصراحه كل ردودكم جميله وتنم عن حسن ارشاد ودرايه انتم اهل للثقه , واهل نصيحه , المهم التبريد احنا ننصح عليه للسهم الي تكون خسارته ثقيله , فعند هبوط السهم الي مستوى المقاومه ننصح بالتبريد , اما اذا كان سهم مضارب وخسارته مو ثقيله , ومافي مؤشر يخدم ارتفاع السهم التخلص منه افضل طريقه خاصه اذا يوجد اسهم نشطه مسالة تعويض , لان ممكن سهم يغطي خسارتك ويدخل عليك مربح زين , احسن من التبريد على السهم وركوده وتجميد راس المال , مثلا سهم خسارتك فيه 8 طبعا يكون صعوده او نزوله( 2 فلس) نزول اربع وحدات ب 8فلوس ممكن انك تضارب على سهم نقطة وحده فيه 10 فلوس تعوض اللي فاتك

 

[BayanoS]

العلم نوووور

والله مشکورین یا اخوان

انا ما کنت اعرف شی عن هل موضوع و بصراحة نورتونی

 

[doody311]

هلا

هلا بكل الاخوان , انشاء الله كل موضوع مهم راح نجي عليه ونحاول نشرحه بطريقه مبسطه للكل , علشان تعم الفايده , واحنا ما تعلمنا من تلقاء انفسنا هم في ناس جزاهم الله خير نورنا , وتحملونا بعد علشان نقدر نواكب السوق واحنا بدورنا ماراح نقصر بأي شيء نشوفه ضروري
صانع سوووووق