20 ألف د.ك

[figoel]

السلام عليكم ورحمه الله وبركاته ..


كل عام وانتوا بخير ..

وعساكم من عواده ..

الله رزقني بمبلغ زوين ( 20 ) ألف د.ك

ومحتار اشلون ابدي فيهم بالتجاره

ياليت لو نسمع رايكم وناخذ خبراتكم !

 

[away1979]

عسى الله يهنيك ويباركلك بحلالك​

 

[figoel]

الله يجزاك خير

 

[دنياء غريبه]

الله يرزقك اكثر ..

انا اقول اذا تعرف احد في امريكا ارسله 20الف دينار

ويشتري لكـ سيارات باسعار رخيصه في امريكا

واذا وصلت السيارات الكويت تبيعها طبعا باسعار مرتفعه

مثل تشتري السياره 5000 الف دينار من امريكا

في الكويت تقدر تبيعها10000 الف دينار



او



اذا تعرف احد من السعوديه ارسله 20الف دينار

ويشتري لكـ اراضي من رياض لان كل مابين فتره

ترتفع اكثر واكثر ..

وتقدر بس ترتفع تبيع



او

تفتح لكـ محال في الكويت على شارع عام

وتضمن الربح وليس الخساره










وبسس


واتمنى لكـ الخير


واتمنى لكـ التوفيق


​

 

[Rap Soul]

عسى ربي يوفقك ويرزقك ويزيد خيرك ويرزقنا ويرزق جميع امة المسلمين

 

[abdullah6868]

الله يرزقك بالحلال
اذا عزمت على السيارات من امريكا انا حاضر وهذى الرابط اللى اجيب فيه سيارات للاخوان من امريكا فقط
http://www.indexsignal.com/vb/showthread.php?t=135811

 

[ابوساره009]

أسئل الله أنه يبارك لك فيها وزيدها بالحلال

ونصيحه ياخوك أنحش من الدخول فى الأسهم والله ماوراها ألا الخساره

وغيرها بيرزقك الله أن شاء الله

 

[tsmam75]

الله يوفقك فيهم النصحك بالمصبغه ربحها مضمون بس يكون موقع ممتاز وجديده

 

[بو حسن22]

الله يبارلك فيهم ويزيدهم لك مني نصيحه خل عنك المشاريع الي فيها احتماليه للخساره الكبرى .,.

انصحك تفتح محل لتاجير السيارات وبما انه عندك 20الف راح تبدي بسيارتين وهم نوع همر h2 ادري بتقول فلوس اطيرها على سيارتين يمكن مااربح شي انا اقولك ربحك مضمون لنفرض انه بتاجره ب 20 مع انه معروف اجارها لايقل عن 30 هنوع من السيارات ومالها موسم وتبي تتاكد دق على المكاتب واسالهم اذا بغيت تحجز هنوع من السيارات اقل مافيها قبل بكم يوم

هذا واحد من ربع شغال فيها وطلع حق السيارات خلال شهور
لنفرض انه السياره الوحده تاجرت اقل شي 15 بالشهر =15×20= 300 دينار مبلغ حلو وانت عليك الحسبه واذا تبي اساعدك اكثر ارسلي على الخاص

 

[امبلتع]

الله يباركلك
بوجهة نظري افتح فيهم مصبغه
ربحها مضموم بـأذن الله تعالى

 

[q8royale]

في جميع الاحوال ندعوا لك بالتوفيق بحلالك

و خذ الحذر مع من تتعامل لانه للاسف هاليومين الحرامية زادوا

 

[malek]

اخوي نصيحه لوجه الله الحين مووقت تشغلهم وانا اعتبرك ملك لان عندك كاش
ولاترد على اي واحد الا ليمن تدرس المشروع بتأني واسال مليون مرة ولاتشغل المبلغ كاه اشتغل ب 5000 فقط لو شنو ماصار لأن الوضع سئ وماخفى كان اعظم زاسال مجرب
الناس الحين مفلسه ومتنتفه والكل يدور الدينار​

 

[ريّس نفسه]

الله يضاعفهم لك اضعاف مضاعفة

نصيحتي، حطهم وديعة وانساهم.. الرزق اذا جاك، راح ياخذك من ايدك ويدلك على طريقك.. ومثل ما قال الاخ اللي قبلي، احنا في وقت الكاش
ثمين، خشهم وانا اخوك واكثر من الدعاء: "اللهم دبر لي فإني لا أحسن التدبير، وأختر لي فأني لا أحسن الإختيار، وإجعل لي من أمري يسرا"

 

[ريّس نفسه]

الله يضاعفهم لك اضعاف مضاعفة

نصيحتي، حطهم وديعة وانساهم.. الرزق اذا جاك، راح ياخذك من ايدك ويدلك على طريقك.. ومثل ما قال الاخ اللي قبلي، احنا في وقت الكل يعتبر الكاش شي ثمين، خشهم وانا اخوك
واكثر من الدعاء: "اللهم دبر لي فإني لا أحسن التدبير، وأختر لي فأني لا أحسن الإختيار، وإجعل لي من أمري يسرا"

 

[سيف راكس]

نصيحه لا تش على الاسهم ولا تفكر فيها ... او عطني الفلوس احفظهم لك ..ههههههههههههه

 

[دنياء غريبه]

الله يضاعفهم لك اضعاف مضاعفة

نصيحتي، حطهم وديعة وانساهم.. الرزق اذا جاك، راح ياخذك من ايدك ويدلك على طريقك.. ومثل ما قال الاخ اللي قبلي، احنا في وقت الكاش
ثمين، خشهم وانا اخوك واكثر من الدعاء: "اللهم دبر لي فإني لا أحسن التدبير، وأختر لي فأني لا أحسن الإختيار، وإجعل لي من أمري يسرا"

الحركه بركه

والفلوس موزينه تجلس ... حتى لو مبلغ بسيط

يعني احسن حــل

الواسط

يشتغل في نصف ونصف الثاني يوضعهـ في البنك ​

 

[Queen Bee]

الله يبارج لك فيهم ..
ونصيحة لك روح للمشروعات الصغيرة يسوون لك مشروع على قد فلوسك ويكبرونه معاك وبعد 5 سنوات يطلعون اهم منه ويصفالك المشروع بروحك روح أسأل ولا تتكيسل ...

 

[فوركسي]

اشتغل بشي تعرفه وتحبه وسو له دراسة جدوى ولا حطهم وديعة

 

[kw_29]

بالتوفيق يارب للجميع
انا عرضو علي محل مضمن 200 فوق الاجار كل شهر مع كافت الضمانات
اذا حاب جنه سعر 9000
دزلي خاص
وانا بالنسبه لي جانك تحب الحركه والشغل ونشيط
جيب اي شي من الصين بمبلغ 5000 وبيعه علي المحلات
او مثلا جيب اغراض كمبيوتر وبيعهم وجان ما تفهم فيهم
وعندي شخص يروح وياك خبره بالاسعار والجمله
ولا تحط بيضك بسله وحده وجان عرضو عليك مشروع وتبي استشاره انا حاضر علي الخاص
نساعدك وبالتوفيق والاستشاره مجانيه لاني عندي مجموعة محلات ويمكن المشروع مار علي اعطيك سلبياته وايجابياته وبالتوفيق