مقارنة بين مدينة المطلاع ومدينة صباح الاحمد

[q8_king1]

السلام عليكم اخواني حاب اعرف ايهما افضل مدينة المطلاع ولة مدينة صباح مقارنة بكل شي الاني محتار هل اطوف دوري ونطر المطلاع ول اخذ بصباح الاحمد

 

[بدون مجامله]

فيك شدة تنطر 2017 اخذ بالمطلاع مافيك صبر اخذ بصباح الاحمد

 

[المنظور الشامل]

يعتمد على حسب سكن أهلكم أنت وزوجتك

 

[سهم استراتيجى]

المطلاع افضل بكثيييييييييييييييير كافي الجو النقي !!!!

 

[al3mlaaq]

المطلاع افضل بكثيييييييييييييييير كافي الجو النقي !!!!

اي جو نقي اخوي نسيت سنة 91 لما ضربو الامريكان الجيش العراقي بالمطلاع باليورانيوم النضب واليورانيوم المنضب يبقة الاف السنسن اخوي
صباح افضل بكل المقايس ماعليها كلام وكل الي يتكلمون الحين ويهاجمونها تلقاهم حاقدين علا الاسكان ولا شريطية ولا مايعجبة شيء كل مايعطونة مكان يرفض
توكل علا الله اخوي واستخير

 

[مساهم11]

المطلاع لاشك انه انقي هواء
ومكانه مرتفع
واذا تبي الافضل فيه مدينة الخيران افضل واحسن منهم كلهم

الاخ الي يقول حاقدين علي مدينة صباح الاحمد
غلطان لان المدينه فيها عيوب كثيره
منها الغبار المستمر قرب مدفن نفايات سامه 5كم قرب مصافي برقان تقريبا 15كم
البعد الكبير جد عن مدينة الكويت لا يوجد اي خدمات
حتي الطريق ضيق جدا ولن يستوعب السكان لو وزعت المنطقه

 

[q8_king1]

انا بالنسبة لي ماكو مشكلة من ناحية الاهل عادي سواء جنوب ولة غرب بس انا اشوف من ناحية المساحة مدينة صباح احسن المطلاع 400 متر بس ابي مقارنة بين الثنتين من جميع النواحي ممكن احد يفيدني بشكل مفصل ؟

 

[q8_king1]

ممكن احد يعطيني مميزات كل منطقة حتي اعرف وين اختار

 

[مساهم11]

يبه وضحنا لك شتبي بالضبط نصورها لك ؟

 

[yh7yh]

يبه وضحنا لك شتبي بالضبط نصورها لك ؟

والله اذا ممكن اخوي واذا اكو مخطط جوي بعد احسن:d

 

[q8_king1]

الي حاب اعرفة مميزات المطلاع شنو ؟ لانة مافي ولة منتدي تكلم عن مميزاتها وعيوبها

 

[I T C]

انا بالنسبة لي ماكو مشكلة من ناحية الاهل عادي سواء جنوب ولة غرب بس انا اشوف من ناحية المساحة مدينة صباح احسن المطلاع 400 متر بس ابي مقارنة بين الثنتين من جميع النواحي ممكن احد يفيدني بشكل مفصل ؟

بالنسبه للقرب...

المطلاع افضل لان الجهراء تبعد بحدود 5 كيلو عن اول المطلاع والجهراء فيها جميع الخدمات اما صباح الاحمد بعيده عن المناطق الحيويه.

بالنسبه للتلوث...

المطلاع افضل فلا يوجد اي تلوث وجوها نقى جدا بس ارجو ان تسألأ عن جزئيه اثارها اخونا العملاق وهى جزئية اليورانيوم لان كلامه صحيح وتحرير الكويت بدأ من هناك. اما الباقى فتعتبر منطقه ذات هواء عليل..

اما مدينة صباح فهى محاطه بجميع التلوثات من مرادم ودخان مصانع وعمات عين.


بالنسبة للموقع...


مدينة المطلاع مرتفعه وتستطيع ان ترى الجهراء كلها وارضيتها صلبه تصلح 100% للبناء ولاتكلفك شئ بالنسبه للمناطق الصبخه مثل شمال الصليبخات وموقع المنطقه ممتاز.



مدينة صباح الاحمد طوز على مدار الصيف ورياح شديده فى اغلب الاوقات وطبعا هذه العوامل ممكن ان تختفى فى حالة اكتمال المنطقه وترصيف الشوارع وتبليط الارصفه وتشجير ماحول المنطقه(معصي) اما بالنسبة للارض فهى تصلح للبناء100% ولاتكلفك شي بالنسبه للمناطق الصبخه



واخيرا وليس اخرا المنطقه اللى بيت اهل زوجتك قريب عليها اخذها وباقي الامور سهالات... اتغشمر:d

 

[q8_king1]

الف شكر لك اخوي وعلي خفة دمك الله يجزاك خير انت شكلك ناطر المطلاع بعد من كثر مامدحتها

 

[بوحظين]

انا اقول الديرة فرص الفرصة لا تضيعونها بالنسبة للمطلاع صحيح جوها نقي بس مشكلة الطريق لازم يتعدل وممكن تكون مناسبة اذا بلشو بجسر جابر لان مدينة الحرير راح تكون قريبة و اعتقد كمسافة اقرب من صباح الاحمد مع ان طلبي لمدينة صباح بس باخذ لاان اخاف تجي حكومة ثانية وتغير اللي قبل كان مسموح يصير غير مسموح وممكن يقولون نوزع شقق الله يستر

 

[q8_king1]

لاماتوصل شقق الله يجزاك خير حنا في بلد خير وانت مواطن كويتي وتعدادنا مليون ومية الف سالفة الشقق هذي كلام تو الناس علية

 

[الحريه وطن]

المطلاع افضل بس توها راح تتوزع عام 2050 للميلاد هذا اذا ماقامت القيامه والله اعلم

 

[al3mlaaq]

انا اعتقد اخوي اذا كنت من اهل القرين وتحت اخذ بصباح واذا كنت من اهل المنطقة الرابعة او الديرة او الجهراء اخذ المطلاع وترة بالنسبة للاخوان يقولون تلوث بصباح التلوث سمعت انة وقعوا عقد ازالة الملوثات السائلة وبالنسبة لحقول برقان المسافة نفس المسافة بينها وبين الاحمدي والي خطط المدينة تعمد يخليها بعمق 17 كيلو عشان حقول برقان
وارد واقول المطلاع فيها يورانيوم منضب مو قشمرة يعني يدش للخلية علا طول يضر ب الدي ان اية ربي يستر ويسبب تشوهات خلقية لدى الاجنة وامراض خبيثة عافاكم الله منها وجميع المسلمين

 

[q8_king1]

يعني لو فيها يورانيوم بيبنون مدينة سكنية عدد وحداتها 18 الف وحدة واهي ارض ملوثة بالاشعاع واليورانيوم ضرب القوات العراقية صار علي الشارع الرئيسي ماصار داخل البر والاليات العراقية موجودة في البر في مكان بعيد عن المطلاع والله اعلم