شباب منو يؤيدني في هذا الاقتراح .. أرجو من الجميع الدخول

الموضوع في 'إعلانات الكمبيوتر والإنترنت' بواسطة ThankU, بتاريخ ‏29 نوفمبر 2009.

حالة الموضوع:
مغلق
  1. ThankU

    ThankU عضو جديد

    التسجيل:
    ‏24 نوفمبر 2009
    المشاركات:
    66
    عدد الإعجابات:
    0
    شباب منو يؤيدني في هذا الاقتراح

    كثير من الاخوة يعرضون اي سلعة ويقول فيها كفالة ما اتذكر كم .. والفاتورة مضيعها ... ويقول ممكن تروح حق الوكيل ويطلعلك فاتورة بدل فاقد عن طريق السريال.

    أخواني مع احترامي لكل واحد يقول هذا الشئ .. أقول هذا الكلام غير صحيح ... انا شريت من احد الاخوة لاب توب وهو شاريه من الغانم وقالي في كفالة باقية تقريبا 5 أشهر والفاتورة مضيعها . أخذت الجهاز منه وصدقت كلامه.

    لما رحت الغانم اول شئ طلب رقم التلفون علشان يدش على النظام ويفتح الفاتورة طبعا ما عندي. عطيته رقم الموبايل حق الشخص اللي اشتريت منه الجهاز قال لي هذا الرقم غير صحيح لإن الفاتورة الظاهرة امامه لا يوجد بها جهاز لاب توب.

    وبعد نقاش مع البائع قال تجيب رقم الشخص واسم الثلاثي علشان نقدر نساعدك.

    المهم يا شباب اللي ابي اقوله للآخوة اللي يقولون تروح للوكيل ويطلعلك فاتورة بدل فاقد .. ليش ما يروح اهو ويطلع الفاتورة هذي احسن له ويكون ضمان تأكيد لكلامه أنه الجهاز لسه في كفالة. واذا في مبلغ يندفع رسوم دينارين علشان تطلع بدل فاقد مستعد الشاري يتحملها بس ولا ينحط بهذا الموقف كأنه حرامي راح يسأل عنه شغله وهو ما يدري الله وين حاطه.

    تقبلوا تحياتي واسف على الاطالة
     
  2. G900

    G900 عضو جديد

    التسجيل:
    ‏21 يوليو 2008
    المشاركات:
    961
    عدد الإعجابات:
    0
    شكر لك أخ ThankYou وكلامك صحيح
     
  3. ابو حبيب

    ابو حبيب عضو نشط

    التسجيل:
    ‏12 سبتمبر 2007
    المشاركات:
    209
    عدد الإعجابات:
    10
    كلامك صحيح شكر لك
     
  4. BOSHHAB

    BOSHHAB عضو جديد

    التسجيل:
    ‏3 ابريل 2009
    المشاركات:
    290
    عدد الإعجابات:
    0
    مكان الإقامة:
    KUWAIT
    هذي بس عند الغانم على شان يتهرب من الكفاله.. بعدين مو اهو الي كافل الجهاز الوكاله اهي
    الي كافلته اهو بس علشان تثبت تاريخ البيع فقط

    باقي الوكالات المحترمه ما يبون لا فاتوره ولا منو شراه ولا باعه
    على السيريال يطلع لك كم باقي على الكفاله وانتهى حتى لو عندك فاتوره .. لان بعض المحلات يبيعك جهاز جديد على بو انه كفاله سنه...يطلع كفاله تسع شهور او ثمانيه.

    بعدين اخوي بصراحه هذا مو اقتراح لوول .. هذي مشكله بينك وبين شخص حله معاه يا ترجع عليه الجهاز يا تقوله يروح اييبلك الفاتوره او ينزل لك من قيمته.

    وبعدين مكان الاقتراحات موهني في باب للاقتراحات....من اول مشاركتين ياي تقترح :)
    .. انتهى
     
  5. ThankU

    ThankU عضو جديد

    التسجيل:
    ‏24 نوفمبر 2009
    المشاركات:
    66
    عدد الإعجابات:
    0
    انا لو ادري كل هذا شايلة بقلبك .. وسلامة قلبك .. والله ما كنت ذكرت الموضوع ابدا ... يا أخوي انا تكلمت بشكل عام ,,, انا اتكلم عن الشخص اللي يقول الفاتورة ضايعة او مو موجودة .... ومو شرط كمبيوتر أي اجهزة كهربائية في منها على كفالة الغانم وفي منها على كفالة يوريكا وفي منها على كفالة الوكيل يعني مو شرط أخوي. ما دام يذكر في باقي على كفالة الجهاز ليش ما يطلع فاتورة بدل فاقد فقط للمصداقية لا أقل ولا اكثر. ولا تزعل نفسك ( أو لا تكون انت منهم ( :d ).
    وثانيا : انا ماني داش علشان تشوف لي حل بالجهاز اللي شريته هذا الموضوع انتهى وانا تحملت التصليح والحمدلله وحسبي الله ونعم الوكيل.

    وثالثا: انا ماني عضو جديد انا داخل باسم ثاني لإنه في اشكالية في الدخول بالاسم الاول وارسلت الشكوى للإدارة وناطر الرد منهم.
    انتهى
     
  6. khaled-299

    khaled-299 عضو نشط

    التسجيل:
    ‏16 أغسطس 2009
    المشاركات:
    391
    عدد الإعجابات:
    0
    100 % كلام صحيح
     
  7. BOSHHAB

    BOSHHAB عضو جديد

    التسجيل:
    ‏3 ابريل 2009
    المشاركات:
    290
    عدد الإعجابات:
    0
    مكان الإقامة:
    KUWAIT
    شايل بقلبي ههههه ليش تعرفني اعرفك علشان اشيل بقلبي عليك

    واذا كان اسلوبي نرفزك انا اسف يبا وحقك علي.. أنا كلامي جذيه سيده ماحب مسح الجوخ
    يعني تبيني اقولك اقتراحك روعه عساك على القوه
    (ليش ما يروح اهو ويطلع الفاتورة هذي احسن له ) بالله هذا اقتراح

    اخوي اسمع الكلام وارجو انه يصير عندك صدر وسيع يا بو نكين :)

    اولا : تحلى برحابه الصدر والقبول بالنقد وعدم توجيه التهم فقط لمجرد عدم الموافقه بالراي
    ولا يتحول الكلام بشكل شخصي لانك قلت عني لايكون انت منهم :)

    ثانيا : البيع بالتراضي و اذا انت قبلت بالبدايه انك تاخذ سلعه بدون الفاتوره معناها انت رضيت بالوضع مسبقا - لا تقولي اهوا يقول الفاتوره ضايعه هذي يسمونها سذاجه اخوي - يافيه كفاله يا مافيه كفاله - على الاقل ورقه مبايعه بينكم تثبت شروط البيعه - مافيها شي دام انت بتدفع فلوس

    ياخوي في ناس شرت اشياء مبيوقه مو بس مافيها كفاله - يعني دشينا بمسائلات قانونيه !!

    ثالثا: المس لخوك العذر بدل ما تتحسب عليه يمكن اهوا نفسك شاريه مستعمل بدون فاتوره وسامع نفس الكلام الي قاله لك :) - هذا غير عن جهل بعض الناس بالبيع مايعرف شنو الي بيبيعه ولا مواصفاته وانت ياي تشتري يعني انت تتحمل كل تبعات البيعه ( المشتري طبعا) لان البايع يمكن يجهل سلعته بس المشتري عارف ومتاكد من الي بيشتريه على اساس المعاينه الكامله النافيه للجهاله.

    رابعا : موضوعك مكانه مو هني مكانه بالاقتراحات والشكاوي خلنا نصير منظمين شويه :)

    والله يستر من ردك لوووول
     
  8. ThankU

    ThankU عضو جديد

    التسجيل:
    ‏24 نوفمبر 2009
    المشاركات:
    66
    عدد الإعجابات:
    0
    لا أخوي اني ماني حاط الموضوع وناطر موافقتك انت بالذات ... والدليل بعض الاخوة مؤيدين الا انت ما ادري ليش مصر ؟؟؟؟؟

    يعني تبيني اقولك اقتراحك روعه عساك على القوه ( هذا على لسانك تناقض نفسك مرة تقول هذا مو باقتراح ومرة ترجع تقول بنفسك اقتراح انت قرر اول وبعدين رد.::verymad::

    بالنسبة لسعة الصدر فانا اترك الموضوع للاعضاء يقرروا والدليل ردودك تقول جريدة مو رد.:rolleyes:

    ما ادري انت مصر يا اخي انك تعارض وبس ... يا عزيزي انا اقول وأكرر كلامي فقط للآخوة اللي يقولون لك ممكن تروح وتطلع فاتورة بدل فاقد ... اذا انا الشاري اقدر أطلع الفاتورة ليش اهو ما يقدر يطلعها وهو صاحب الجهاز ؟
    أنا ما ابي اطولها وهي قصيرة ... على العموم اخ وعزيز وشكرا على مداخلتك وانا ماني زعلان ولا معصب هذه اعتبرها وجهة نظر أو رأي أو شئ المهم ما تزعل ولا تحمق :mad:::verymad::

    تحياتي لك ولجميع الاخوة الافاضل اللي الذين ايدوا الموضوع
     
حالة الموضوع:
مغلق