تعرضت لحادث وابي مساعدة قانونية

الموضوع في 'قسم الإستشارات القانونيه' بواسطة fahed.111, بتاريخ ‏29 نوفمبر 2009.

  1. fahed.111

    fahed.111 عضو جديد

    التسجيل:
    ‏6 أغسطس 2006
    المشاركات:
    262
    عدد الإعجابات:
    0
    السلام عليكم كل عام وانت بخير وعيدكم مبارك

    انا تعرضت لحادث وتأثر الشاصي وسيارتي فورد فكتوريا 2008 جديد وشركة التأمين قالو ندفع 75% من سعر القطع اللي يحددها الكراج اللي متعامله معاه الشركة فقط سعر القطع مو شغل ايد العمال
    وانا احس اني تعرضت لظلم خاصه ان الصدمة من ورا وبالتحقيق ثبت ان اللي داعمني هو المخطئ فشلون انا اندعم واصلح سيارتي بنفسي والشاصي تأثر وهذا معناه ان ان جيت بكره ابيع السياره ماتنباع وممكن تسبب لي مشاكل مع الفحص الفني مستقبلا
    وسؤالي هو :
    هل يحق لي رفع قضية المطالبة بمبلغ او تعويض اكبر ؟ خاصه ان الشاصي تأثر مبدئيا لكن للحين ماتحدد حجم ضرره اذا بسيط او كبير وشنو اللي اقدر اسويه في الحالتين
    والسؤال الثاني هل يحق لي المطالبة بسعر التصليح كامل لان انا المتضرر .

    ------------
    للمعلومية :
    السيارة جديدة 2008 وبحالة جدا ممتازة
    التأمين ضد الغير
     
  2. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    اخي الكريم
    لازم تنتظر لحين صدور حكم المرور النهائي
    بعدها اذا تبين ان الخطأ من السيارة الاخرى تقيم دعوى تعويض عن نفقات التصليح

    الافضل تعمل مقايسة من الوكاله
    وترسلها للتأمين عشان اذا صلحت بسعر اقل تقولهم صلحت باقل من سعر المقايسه في الوكاله

    والله اعلم
     
  3. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    عدل كلام رحالي لازم تنتظر حكم المرور لان المحكمه ترفض دعاوي التعويض الا بالحكم النهائي و بعد استلام فلوسك من التامين تقوم برفع قضيه مدنية تختصم فيها الطرف الثاني تبين الاضرار التي وقعت عليك و الخسائر التي لحقت بك


    لكن اغلب الناس يكتفون بحكم النهائي للمرور وياخذون تعويض من التامين و يخسرون نسبه من الاستهلاك و يقولون الله يعوضنا ..... ويسامح المتسبب
     
  4. ME911

    ME911 عضو نشط

    التسجيل:
    ‏6 سبتمبر 2006
    المشاركات:
    388
    عدد الإعجابات:
    0
    السلام عليكم
    اخوي اول شيء الحمد الله على السلامه
    و شركة التامين ( في حاله تامين ضد الغير ) لا تقوم بتعويضك الا اذا تم صدور حكم محكمة المرور النهائي
    والتعويض يشمل قيمة الاجور وقيمة القطع مع خصم نسبة الاستهلاك أو تعويض قيمة السيارة في حاله اذا كانت السيارة سكراب
    اما تعويض النقص بقيمة السيارة فهذا جزء قانوني لا اعلم به شيء
    ونصحيه سو مقايسة وصور السيارة بعد الحادث