ممكن نصيحه! أبي عطر رجالي ريحته فواحه و تقعد على الملابس

[ahmad111]

ممكن نصيحه! أبي عطر رجالي ريحته تكون هادية و فواحه و تقعد على الملابس

 

[ابو برهوم]

توم فورد ( بلاك اوركيد )

ريحتة عجيبة وطيبة وهادي وفواح

والناس اذواق

 

[أبو راشد143]

توم فورد ( بلاك اوركيد )

ريحتة عجيبة وطيبة وهادي وفواح

والناس اذواق

جبتها علي الجرح جنك مادريت
ماتخبر أحد يبع الأصلي أبو 100ملي
علشان أدعي لك

 

[pJLc]

السلام عليكم
اقوي عطور سنة من اول مانصنعت لحد الان وكل مالهااااااا سعرها يزيد كريد الابيض--وتوم فورد الاسود هي عطورهذ الموسوم000نصيحه لاتستخدم الغير الاصلي000وشرط فاتورة لندن معاه 000تصدق ان توم فورد شاريه من محل في الفحيحيل الاصلي واللي شريته منها ورتني فاتورة لندنوقالت لي شوف السير لنبر علي العطر وعلي الفاتوره وجيك عليه من التجاره بعد000((( ضحكة وقلتلهااااااا شاري مجمع كله عطر قاالت بذات هذ العطر كله عش اربع دول يصنعونه في الاماراة0 ولبنان0تاايلند0واسرائيل0000

 

[أبو راشد143]

بجم عطر التوم فورد الأصلي؟؟
100مل؟؟

 

[الصامد.م]

عطر شانيل سبورت لونه سلفر قديم شوي بس عجيب وراقي

 

[kuwaitey]

جبتها علي الجرح جنك مادريت
ماتخبر أحد يبع الأصلي أبو 100ملي
علشان أدعي لك

اخوى تحصله فى المهلب تحت يم السلم المتحرك محل كونتر

انا شايفه قبل العيد بيوم بس 50 ملى

 

[بو هباش الكويتي]

ياحلات سطور وحروف عند الشايع رخيص وكويس __________ واذا تبي عطر فرنسي حلو بوغاتي خوش عطر وبولو الاخضر و سولو الادعم و ديزل الجديد وادعيلي وظيفلهم عطر ون مليون عطري المفضل

 

[amer alamer]

صدقني جرب ومراح تندم ابد ..
في لوشن اسمه سلفر راين عند بيضون 200 ملم ب45 دينار عجيب ومركز وفواح وريحته احلي
وفيه بعد عطر نفس الاسم رجالي لاتشتري النسائي فيه زري
راح تنسائي كل العطور بعدهم ...
واذا انتا متزوج احسن

 

[قدساوي .]

اخوي الكريم

اسمع من اخوووك يمكن انا اكثر واحد بالكويت يستعمل عطوور فرنسيه اصليه وكلها من لندن

انا راح اقولك علي عطر والكل راح يسالك عنه
وهذا العطر الوحيد مهما اشتري اى عطر هذا لازم يكون عندي

وبالاخص اهمه عطرين وحق الشتاء شي مو طبيعي

الاول (لاليك) شكله مربع اسود والغطا يشبه الخشب
الثاني (شانيل انتيوس) شكله كله اسود لماع وموجود عند بيضون وتناغرا

وادعيلي واذا تبي استفسار دق علي وانا اقولك
67000134 نواف

 

[Queen Bee]

توم فورد تلاقيه بالشهابندر بالفحيحيل ..
وآكو عطر شميته برا الديرة للأسف ما أعرف اسمه عجييييب ..

 

[q8q822]

ذوق قدساوي لينك بصراحة استعملة الاسود بس

العطر الثاني بس تشترية اصلى كارتير القديم ابو غفل من فوق اذا من سلفرج يكون احلى واحلى

 

[ahmad111]

مشكوربن و ما قصرتوا،
كفيتوا و وقيتوا

 

[مستثمر صغيروني]

توم فورد تلاقيه بالشهابندر بالفحيحيل ..
وآكو عطر شميته برا الديرة للأسف ما أعرف اسمه عجييييب ..

ههههههههههههههههههه اضحك الله سنك

انا كوا عطر شميته قبل سنتين والله انه عجييب
بس ما اعرف اسمه
ههههههههههههههههههههههههههه

 

[sport man]

افضل عطر وللحين من افضل 5 عطور بالعالم توم فورد ( بلاك اوركيد )

نصيحه لله لاتاخذه الا من واحد تعرفه لأن النصابين واللي ذمتهم وسيعه وايد

لايقص عليك ويقولك من لندن تلقاه ماخذ فاتورة من واحد ويبيع التقليد

ويقولك شوف الفاتورة تلقى التاريخ مال الصيف ويقولك لا انا شاري كميه

مادري الحبيب لاقي كنز علي بابا او تلقى صاحبه راعي المصنع

اذا حده 4 حبات ومايقدر يزيد عليهم وشوف سعره 78 باوند في سلفرج او هاروودز يعادل 38دينار

ولايطلع واحد فنتق يقول الباوند سعره غير يعني انشتاين (ذكي) ندري سعر الصرف كل يوم يتغير

شوف لاتاخذ فاتوره مدتها تزيد عن 10 ايام

ولاتقول صعبه نص اهل الكويت اذا مو واحد من اهله يدرس في بريطانيا تلقى واحد من ربعهم ​

 

[top secret]

هريرا القديم
وفندي القديم يقعد العطر ايام والملابس اللي فالكبت تصير ريحتهم منه
وبالتوفيق

 

[sunkist_q8]

السلام عليكم

الاخوو اذا تبي شي ثقيل حق دشداشه بذات بالشتا انصحك في لاليك السوده الي غطاتها جنها خشب وسان لوران m7

واذا تبي شي سبوتي الور سبورت شانيل و جيفنشي play و سان لوران ال هوم

واذا تبي شي فررش عندك لاكوست ( اغلب انواعه ) وديزل ودنهل

واذا تبي شي يمشي حق الكل كريد - ون مليون - سفاري - جيفنشي الزرقه و الاخيره الصفره

وبالاخير الناس اذواق وتقدر تروح فافافوم او دبنهامز وتختار الي يناسبك

 

[kanigham]

كريد الابيض والور هوم وسلامتك

 

[بوسعد@]

السلام عليكم
فيه عطر عند محل السيد جنيد بالدمام وله أفرع كثير بالسعوديه أسم العطر (راسخ ) أذا فيه أحد تعرفه رايح للسعوديه أو جاي خله يجيبه لك

 

[ريكلمي]

توم فورد ( oud wood )

رهيييييييييييب