سجل توقعاتك للمؤشر غدا

[bodawood]

الركادة زينه بسكم خرعة

سوقنا اذا بينزل من صغار المستثمرين والله اني حاس ان نزول السوق باكر فرصة للمحافظ انها تكرف بالادنى وتبيعك سهمك بالسعر اللي اهما يبونا طبعا بالعالي

 

[أحمـــــــد]

السوق الكويت

عكس

الحياة الاقتصادية

 

[متدرب أصيل]

للي يقول ملنا شغل

المشكلة في دبي و ليس في الكويت اضافة ان دبي امارة قادرة على السداد وليست امارة مفلسة

سوقنا دائماً عكس التيار .

أحساسي بيقول أن السوق كويس


مالنا ومال الإمارات


هما مطلوبين والكويت مش مطلوبه

توقعاتي سوق أخضر باجر بإذن الله

السوق الكويت

عكس

الحياة الاقتصادية

بورصة مصر ........... الله يعينهم ويعينا
الإفتتاح على الأعلى والإغلاق على الأدنى ... ولا حتى اغلاقات فيه

​

 

[عبدالعزيز34]

الاسهم عندنا اشبعت نزول يعنى جم بتكون الاسعار معقوله تصير الاسعار ب 2 و4 فلووس او اعلان افلاس ؟ مايصير ينزل لانه شبع نززول - ملاحظه على صاحب الموظوع اخوى ليش موحاط كم تتوقع صعود ؟ اشمعنى نزول ؟

 

[Boreem]

باعتقادي

المؤشر السعري الى 5700

ممكن تصير حركات تصريف محترم علينا ادا موباجر اللي بعده واد مو هل اسبوع الاسبوع الياي او حتى الشهر الياي


ديرو بالكم

انا عندي المدينه اب 118 والحين اب 70 شكلها بتروح 10 افلوس هيهيهيههيي

المهم الصحه ياجماعه

تحياتييييييييييييييييي

 

[ابو يووسف]

السوق اخضر باذن اللة

 

[mohmd1981]

السلام عليكم ياجماعه نصيحه لحد يبع اسهمه وعيب عليكم تقلون ان السوق راح ينهار والله وذم والله انه الي يقول ان السوق يبي ينهار اذولي ناس مصفين وطلعين من السوق ويقلون يبي ينهر عشان تبعون وهم يشترون منكم لكن الي يبيع والله راح يتحسف هذي نصيحه

 

[mohmd1981]

انا اليوم قاعد عند ناس هوامير ويقولون انشالله الناس كله تبيع علشان انجمع علي راحتنه والله حرام لاحد يبيع والسعار رخيصه والله لتحسفون والسواق المريكيه كله مرتفعه اليوم بدون استثناء خلوهم يولون لاحد يبيع نصيحه

 

[shark_1]

اكيد احمر
46 شركه كويتيه منكشفه على دبى اشلون مالنا شغل والديون فلوس مو ورق كلينكس والديون راحت على الطابوق

 

[mohmd1981]

اخاطب راعي الصفحه ليش موحاط توقعات الارتفاع حرام عليك تبي اطيحون السوق قصب

 

[Buy]

ليش مو حاط ارتفاع مع الخيارات... ما على الله عسير يمكن يعاكس باجر السوق وتفائلو بالخير تجدوه

 

[mohmd1981]

ياحبيبي كل الشركات في العالم مطلوبه قبل سالفت دبي بس والله عندهم كاش واذكر كلامي شوف اشلون يجمعون واذا طلع السوق قول كل الشركات مطلوبه

 

[ودي ومتردد]

السوق اخضر ان شاء الله

مالنا الا التفائل

 

[mohmd1981]

اي هذا الكلم الحلوي تفائلو بلخير تجدوه مو واحد حطلي اتوقع السوق 150 احمر اكيد امصفي حب لنفسك كما تحب لاخيك المسلم

 

[الشاهين1]

«أزمة دبي» تهبط بمؤشرات بورصتي دبي وأبوظبي.

ـ بورصتنا ولله الحمد ما تهمها الأزمات لأنها تقوع بمزاجها وترتفع بمزاجها.. «بكيفها كويتية»!

 

[ساره78]

اي هذا الكلم الحلوي تفائلو بلخير تجدوه مو واحد حطلي اتوقع السوق 150 احمر اكيد امصفي حب لنفسك كما تحب لاخيك المسلم

اتمنى من الله ان السوق اخضر غدا او على الاقل متماسك علشان نعرف نشتغل ونستفيد مع انى مصفيه ...ولكن كل المعطيات تقول للاسف ان السوق غدا احمر والله اعلم ...

 

[homoudg]

الله كريم
ويرزق الجميع

 

[ابو عليا]

الافتتاح 120 احمر

 

[ابو عليا]

طبعا كلنا متفقين ان الموشر احمر وبقوه ليوم غد
وبعد ازمه دبي اتوقع النزول ما يقارب 190 نقطه

188 فرق نقطتين

 

[ALMAJHOOOL]

أنا أقول مستوى ال5 أللاف نقطة للمؤشر السعري قريب واحتمال قبل نهاية العام بنشوفة
ولا يقولون لكم المشكلة بدبي مو بالكويت كلهم بياعين حجي الي يقول هالكلام
قوله الازمة المالية العالمية كانت بامريكا وشكو الكويت فيها والمؤشر نزل من 15000 الف نقطة لغاية 6700 نقطة مع ان الكويت ما عليها شي من الازمة ولكن الموج اذا ياك يخم الخضر واليابس
والله يعين الكويت ويصبر أهلها والمستثمرون الي بالبورصة ويعديها من الأزمات
وسامحونا على الكلام لكن تجري الرياح بما لا تشتهي السفن
انصح الي يمتلك الاسهم اذا كانوا نازلين قيمتهم وايد نام على اسهمك وباذن الله بتقطف ثمارهم بنهاية 2012 لكن المضارب الله يعينة بصير مستثمر قصبا عنا
والله يوفق الجميع