هروب المستثمر من دبي والاتجاة الى الكويت

[هادى ابو محمد]

ممكن بس وين اللى يستغل الفرصه

 

[متابع الســــوق]

قواك الله على نقل الخبر السعيد وان شاء الله يتحقق وتكون عين المسثمر الاجنبى على الكويت 0
ملاحظه : استغرب من بعض الاعضاء ردهم القاسى والتشكيك
خبر حلو وممكن الحدوث فى حالة الهروب من سوق دبى 0

 

[مجد 91]

قواك الله على نقل الخبر السعيد وان شاء الله يتحقق وتكون عين المسثمر الاجنبى على الكويت 0
ملاحظه : استغرب من بعض الاعضاء ردهم القاسى والتشكيك
خبر حلو وممكن الحدوث فى حالة الهروب من سوق دبى 0

أنا سمعت من أحد الاقتصاديين في cnbc عربية ان المستثمر الأجنبي راح يترك الخليج بكبرها لأن وضعنا لا يحسد عليه

 

[كوادر]

أنا سمعت من أحد الاقتصاديين في cnbc عربية ان المستثمر الأجنبي راح يترك الخليج بكبرها لأن وضعنا لا يحسد عليه

الكويت مدرسه الاقتصاد العالمى. شركات وهميه و تبيع وهم.

 

[جديد قديم]

أقول الكويت شنو فيها علشان المستثمر الاجنبي يدش فيها لاغابات و حقول خضراء و لا سواحل مفتوحة للناس و لا ( كل اللي عندنا عمارات خالية , و ناطحات سحاب تكش الذبان) ,,, يمكن سلطنة عمان نقول يمكن اللي بدأت تستقطب المشاريع السياحية الضخمة , أو مصر أو ......

 

[7aboob84]

حكومتك ذكية وراح يصيدونها وتشوف الكويت مركز مالي

هههههههههههه والله كلامك موتنى من الضحك خاصه حكومه ذكيه ههههههههههههههه حرام عليك كل ما أشوف هالكلمه (حكومه ذكيه ) أرد أضحك من جديد ..وكملتها الله يهديك تقول راح يصيدونها ههههههه والله لو ذبانه ماراح يصيدونها .. حولاااااان حولاااااان يصيدون شنو ؟؟؟

 

[al3mlaaq]

انسو انهم ايون الكويت الحين التجار الكويتين قاعد يقبون حق دول ثانية ذبحتنة البيروقراطية والمحسوبية والقرارات الغير مدروسة لحساب ناس علا ناس كل يوم قرار وقانون يديد

 

[الساهر_qt]

كله كلام فاضي مع الاحترام لناقل الموضوع
المستثمر اذا بيجي ما راح يعلن وما راح نعرف عن المستثمر اللي لما يطلع والله اعلم

 

[almaldeen]

خدها مني الهروب من سوق الكويت هو الارحم

ربنا يعوضنا اللهم امين

 

[beemer]

الرجاء المصداقية في نقل الخبر

الاخ كلامه صحيح الا كلمة "الكويت" لم ترد في الخبر و جميع الاخبار !!

تبي تقول غير هالكلام .. ياريت المصدر بدون زعل

ديرتي على راسي بس غير جاذبة للاموال و الاستثمارات في الوضع الحالي و ذلك للقوانين الغير خادمة للمستثمر .. و نتمنى عن قريب اللحاق في الركب

 

[master2005]

ياخوان الموضوع لا يستحق المصدر او من قال ومن صرح -باختصار لو لدينا حكومه ذكيه لاستغلت الفرصه ايما استغلال خاصة ونحن الذين اسسنا اقتصاد قوى بينما كان كل من حولنا يبحث عن الطريق-

 

[rouzy]

يا شباب لا تنسوا أن في كل سوق يوجد شركات قوية بكل معنى الكلمة... وقوتها في ميزانيتها واعمالها وأرباحها ....

هذه الشركات هي التي تجذب المستثمر سواء كان محليا أو خارجيا...

لذلك فلنجتهد ونحصر عددا من الشركات (القوية) في السوق الكويتي، وفي كل سوق آخر لكي نشد الرحال اليها...

وأبدأ باختيار بعض الشركات في سوق الكويت وهي: زين ، الاتصالات الوطنية، بنك الشرق الاوسط (لأنه سيصبح اسلامي في عام 2010).... والبقية عالشباب يختاروا ويدللوا....

فما رأيكم دام فضلكم؟؟؟؟

 

[مركز7]

دبي توجد فيها بنيه تحتيه الكويت صفر علي الشمال

 

[نجوووم]

انا اقول لاتكسرون مجاديفنا خلكم متفائلين

 

[adventurer]

انا اقول لاتكسرون مجاديفنا خلكم متفائلين

ياخوي التفاؤل شي حلو
بس الأحلى لمن تكون واقعي و تبني توقعاتك و تفاؤلك أو تشاؤمك على اسس علمية
و على هالاساس اقولك اني استبعد صحة موضوعك

 

[نجوووم]

ياخوي التفاؤل شي حلو
بس الأحلى لمن تكون واقعي و تبني توقعاتك و تفاؤلك أو تشاؤمك على اسس علمية
و على هالاساس اقولك اني استبعد صحة موضوعك

استبعد على كيفك

 

[أعصار]

من صجك من زين سوقنا الله يخليك لعب وجمبزه با العالم

 

[adventurer]

استبعد على كيفك

مو عاجبك كلامي دش و اشتر ولا تبيع , انطر و تفاؤل و شوف شكثر راح تربح

 

[ضايع بالبورصة]

يوجد ولدينا :

1 - مسباح تراب كهرب مستعمل (الشاهد مكسور )
2 - نظارات قراءة 1.5 .
3 - عقال مرعز استعمال خفيف ( مال العيد )
4 -ساعة ماركة سيكو . رجالي
5 - رنق سيارة متسوبيشي جالنت موديل 85 ( عدد واحد )
6 - مشط . (مستعمل )



رجاءا يمنع الوسطاء ..
5 -

 

[adventurer]

يوجد ولدينا :

1 - مسباح تراب كهرب مستعمل (الشاهد مكسور )
2 - نظارات قراءة 1.5 .
3 - عقال مرعز استعمال خفيف ( مال العيد )
4 -ساعة ماركة سيكو . رجالي
5 - رنق سيارة متسوبيشي جالنت موديل 85 ( عدد واحد )
6 - مشط . (مستعمل )



رجاءا يمنع الوسطاء ..
5 -

ابي رقم 1 حقي
و رقم 4 حق ابوي العود
احسبلي سعر جملة ماخذ منك شغلتين