معاشي مو قادر اوفر منه دينار واحد ومو عارف شنو المشكلة وماراح تصدقون اذا قلتلكم ماعندي لاقروض ولا ديون بالعكس اطالب ناس بفلوس اعوذ بالله اشفيه المعاش والله المعاشات زينة بس المشكلة فينا انا قاعد افكر احسن حل اخذ قرض واستثمر في ارض او اسهم على الاقل احس اني سويت شي بالمعاش وخل المعاش يخلص على كيفه اشرايكم بالحل والي عنده حل للتوفير من المعاش او خطة احسن لايبخل علينا ادري المشكلة عامة مو خاصة ويعطيكم العافية
هي فعلاً مشكلهـ عامهـ ونفس المشكلهـ موجوده عند الأغلبيهـ بس تعلم تكون حريص لدرجهـ البخل <أتوقع هو الحل المثالي ولاكيف وجدت طبقهـ رجال الأعمال أكيد من الحرص الزايد>
الغالبية ترى نفسك انا ضد فكرة القرض وتضارب فيهم أسهم=غلطة كبيرة وانا وياك في فكرة العقار، ممتازة بس دبر لك مبلغ صغير تخليه مقدم وتشتري لك عقار أقساط او ايجارة وتكون استفدت من معاشك وطلعت منه عقار
الراتب ياخي الفاضل اذا تبي بركه فيه لاتنسى والدينك والصدقه وخل عنك الاشياء الغير ضروريه وانت بنفسك تقدر ترتب نفسك لمدة شهر بأذن الله يعني قسم مصروفك اليومي احتياجات المنزل الخ..... اذكر كل شيء بورقه وقلم مع تكلفته والباقي افتح حساب توفير وحطهم فيه وبتوفيق ان شاء الله
مثل ما قال أخونا ( كوبرا ) الصدقــــه تصدق و أنا أخوك و شوف شلون البركة بمعاشك .. وأتبع الطريقه هذي و جرب : مثلا : معاشك 1000 و ماعندك ألتزامات ( أستقطاع - قروض ألخ ) حاول كل أسبوع ما تتعدى مصاريفك 200 ومستحيل تصرف 200 بأسبوع الناتج باقي 200 من الألف شهريا .. و قيس على هالطريقه . بالتوفيق
الصدقة افضل حل وكثير من الاخوان قال نفس الكلام اللي قلتة من قلة بركة الراتب لكن من بدأ بالصدقة الجارية حتى لو بمبلغ صغير سبحان اللة تحس انك قدرت توفر هذي نصيحتي لك ولكل الاخوان موفق
جنك انا انا بديت بشغله حلوه اولا لحد يقص عليك افتح حساب ولا تطلع كرت عشان ما تسحب،،، ريلك بروحها توديك البنك وتصفر الحساب اللي اودعت فيه قبل اسبوعين شوف امك ولا ابوك ولا شخص كبير بالعمر عطه 300 او 400 على حسب معاشك بعد خصم مصاريفك وقوله لو اطامر لا تعطيني اياهم!! وتعالي الصيف الياي وعطني رايك او دش جمعيه مع الأهل القراب او ناس ثقه لمده 6 شهور راح تلتزم معاهم وخلك اخر واحد يستلم (حق الهمجه) هههههههه او امسك نفسك ياأخي هههههههه موفق حبيبي
ياغالي عندي لك راي ممتاز وهو تفتح حساب بالراجحي السعودي بالحفر الباطن او الخفجي وتسوي استقطاع شهري من بنكك بالكويت الى حسابك بالراجحي ..بشرط تفتح حساب توفير (دفتر) مو سحب آالي تغمض وتفتح يكون عندك مبلغ وقدره ..طبعا والاهم من هذا كله فتش بالراتب شوف اشلون اكتسبت الراتب بحلال حرام ترى المال الحرام لايدوم وان كثر وأسال ربك البركه...ولاتنسى ان اغلب معاشاتنا اما منزوعة البركه او منزوعة الدبره....موفق خير
عندي لك طريقه ثانيه كنت اسويها (خبره تجارب) كل يوم احد اسحب 100 دك واصرف منها وكل خميس كمل الباقي الى الــ 100 يعني صرفت 70 من الاحد الى الاربعاء اسحب 70 الخميس عشان تكملهم للــ 100 اول اسبوع انت صرفت 170 حلو؟ ماشي صار الاحد ولا بجيبك 40 شتسوي؟؟ تسحب 60 ويصير عندك 100 الى الاربعاء ولي نهاية الشهر الا انت صارف 170 ضرب 4 = 680 دك ويمكن اقل لو ما صرفت خلال بعض الاسابيع لكن لو مشي عليها ومعاشك 1000 يعني موفر 320 حلوين او لا تسحب 100 اسحب 80 عاد انت تقدرها على نفسك موفق
اول شئ تصدق كل يوم لو ربع دينار صدقة النبي صلى الله عليه وسلم يقول: (ما من يوم طلعت شمسه إلا وملكان يناديان: اللهم أعط منفقاً خلفاً وممسكاً تلفاً) عَنْ رَسُولِ اللَّهِ صلى الله عليه وسلم قَالَ « مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْداً بِعَفْوٍ إِلاَّ عِزًّا وَمَا تَوَاضَعَ أَحَدٌ لِلّهِ إِلاَّ رَفَعَهُ اللَّهُ ثانى شئ اكفل يتيم لو معاشك 100 دينار كلها 10 دنانير قال صلى الله عليه وسلم:: (( أنا وكافل اليتيم كهاتين في الجنة , وأشار بالوسطى والسبابة وشوف شلون الله يبارك فى معاشك
دعاء عند استلام الراتب أعوذ بالله من الشيطان الرجيم ..... الحمد لله الذى رزقني هذا المال من غير حول مني ولا قوة ..... اللهم اني أسألك خير هذا الراتب وخير مافيه وخير ما جاء منه وخير ما يذهب اليه ..... وأعوذ بك من شر هذا الراتب وشر مافيه وشر ما جاء منه وشر ما يذهب اليه ..... اللهم أغنني بحلالك عن حرامك و بطاعتك عن معصيتك ...... اللهم ارزقني نعمة الشكر عند العطاء ونعمة الصبر عند البلاء ...... اللهم اجعله مال حلال في كل فلس منه واغفر لي مادونه ..... اللهم اجعله في سبيلك وبارك لي فيه وارزقني أن أوءدي حقك منه يارب العالمين اللهم آمين
الله يستر شلون نوفر وكل شي غالي غالي بس بعد التوفير حلووو وانا استفدت حيل من الموضوووع وان شاء الله توفروون من معاشاتكم
انا عندي طريقة جربتها على ايام العزوبية وتصلح حق الشباب الصغار المطلوب 1 - اراده قوية 2 - صندوق صغير ينقفل 3 - بوك لحفظ الفلوس اول ماينزل راتبك تخصم منه الاساسيات بمعنى لو نفرض ان راتبك 650 دينار ونزل الراتب اول الشهر وكان عندك التزامات شهرية مثل غسال السيارة قسط شهري بتعطي الوالده والوالد بتشتري شي بخاطرك المهم بعد ماتسكر كل التزاماتك الشهرية تجي حق باقي الراتب ولنفرض ان بقى منه 300 دينار تروح البنك وتسحبة كلا كاش وتحطة بالبوك تجي كل يوم الصبح اول ماتقد من النوم تبطل البوك وتحط بمخباك 10 دنانير وتروح الداوام والعشرة بمخباك قمت طلبت ريوق بدينار ترست بانزين 3 دننانير وتعشيت لنفرض بدنارين اذا رديت البيت طلع باقي العشرة وقطه بالصندوق ومن باجر ابدى مع عشرة جديدة وكل يوم على هذا الموال صدقني راح تبطل الصندوق اخر الشهر وبتلقى انك وفرت نص فلوسك انا شخصيا جربتها لمدة سنتين ويوم فتحت الصندوق تزوجت على طول هههههه الله الموفق
الحين احسن فرصه للتوفير خلصت المناسبات رمضان والعيدين والمدارس والكسوه الشتويه كم المبالغ اللي صرفتها لهذي المناسبات وفر كثرها وزياده لي رمضان وشوف والله يوفقك ويستر عليك ويحفظك يارب
