ياجماعة ماكو طريقة نوفر فيها من المعاش مو معقولة

[nestla]

انا عندي احسن طريقه وخصوصا للنســــــــــاء

يسكرون الاسواق كلها ::verymad::

انا عندي طريقه ثانيه
يسكرون المطاعم

 

[Om Hind]

انا عندي طريقة جربتها على ايام العزوبية وتصلح حق الشباب الصغار
المطلوب
1 - اراده قوية
2 - صندوق صغير ينقفل
3 - بوك لحفظ الفلوس
اول ماينزل راتبك تخصم منه الاساسيات بمعنى لو نفرض ان راتبك 650 دينار ونزل الراتب اول الشهر وكان عندك التزامات شهرية مثل غسال السيارة قسط شهري بتعطي الوالده والوالد بتشتري شي بخاطرك المهم بعد ماتسكر كل التزاماتك الشهرية تجي حق باقي الراتب ولنفرض ان بقى منه 300 دينار تروح البنك وتسحبة كلا كاش وتحطة بالبوك تجي كل يوم الصبح اول ماتقد من النوم تبطل البوك وتحط بمخباك 10 دنانير وتروح الداوام والعشرة بمخباك قمت طلبت ريوق بدينار ترست بانزين 3 دننانير وتعشيت لنفرض بدنارين اذا رديت البيت طلع باقي العشرة وقطه بالصندوق ومن باجر ابدى مع عشرة جديدة وكل يوم على هذا الموال صدقني راح تبطل الصندوق اخر الشهر وبتلقى انك وفرت نص فلوسك انا شخصيا جربتها لمدة سنتين ويوم فتحت الصندوق تزوجت على طول هههههه الله الموفق

طريقة جيدة جدااااا
بس انا اعبي البنزين بالاسبوع مره، ومو دايم نفطر بالدوام لأن مافي مطاعم حوالينا قريبة واذا بنطلب لازم تصاريح ولوية
بشكل عام العشره ممكن استخدمها كل اسبوع بدل كل يوم
يعني بوفر مظبوط والله

بجربها هالطريقة اقتنعت فيها

 

[ياسر الروقي]

في حل بس يبيله عزيمه واراده قويه لكل اللي شاركوا بالموضوع حولو على الروقي معاشاتكم وهو يضبطكم هههههههه خير ان شاء الله

 

[D.Q8]

مرحبا ما أزيد على كلام الاخوان لكن هالدعاء انا مجربته


( اللهم بارك لنا في مدنا وفي صاعنا واجعل البركة بركتين )


وبتدعيلي​

 

[D.Q8]

في حل بس يبيله عزيمه واراده قويه لكل اللي شاركوا بالموضوع حولو على الروقي معاشاتكم وهو يضبطكم هههههههه خير ان شاء الله

ههههههههههههههههههه بس شلون اذا احتجت مبلغ بيكون موجود ولا اقبض من دبــــــش​

 

[العاشق]

اخذ الراتب و حطه بيد ربة البيت لان ذول الحريم يعرفون يدبرون و يوفرون

انا لو اعطيها البطاقه المعاش يطير بنص ساعه جنه العيد اي دبره اي بطيخ بعض الحريم اذا ماصرفت اللي عندها من بيزات يمكن ماتنام ذاك اليوم من الارق والتفكير ​

 

[اماني الكويتيه]

تبي نصيحتي سو مثلي
كل شهر اروح اعطي خالتي اخت امي 300 دينار مايصير 3 شهور الا وعندي 900
وكل 3 شهور 900 واستحي اروح اقولها عطيني محتاجه بس يصير سنه الا وعندك
3600 وخذهم ودخل بالمشاريع الصغيره مثلا خليت سايقي بدال ماهو راز ماعنده شغل
شريتله سياره ب2000 دينار وشغلته مندوب بين البيوت اي منطقه قريبه بدينارين واي منطقه بعيده 3
طبعا في ناس سيارتهم جديده ومايقدرون يحركونها خايفين تندعم فيقولون 3 ابرك من 500 تصليح وغير هذا الصالون خدمة منازل بالهبل
التكاسي شفطة دمهم
وخلال 3 شهور اودي حق خالتي 300ديتار وفوقهم فلوسي اللي يطلعها المندوب
والمندوب يطلع بشهر 1800 والسايق معاشه علي معاشي يعني يروح حق خالتي بالشهر
2100
واسفه اذا طولت عليكم بس والله ابيلكم الخير

 

[mishal-wu]

طريقة جيدة جدااااا
بس انا اعبي البنزين بالاسبوع مره، ومو دايم نفطر بالدوام لأن مافي مطاعم حوالينا قريبة واذا بنطلب لازم تصاريح ولوية
بشكل عام العشره ممكن استخدمها كل اسبوع بدل كل يوم :d
يعني بوفر مظبوط والله

بجربها هالطريقة اقتنعت فيها

الله يوفقج يام هند وعطينا النتيجة

 

[NoOoOoR]

انا لو اعطيها البطاقه المعاش يطير بنص ساعه جنه العيد اي دبره اي بطيخ بعض الحريم اذا ماصرفت اللي عندها من بيزات يمكن ماتنام ذاك اليوم من الارق والتفكير ​

قصدك عني

هذاك اول الحين تغيرت

 

[العاشق]

:d قصدك عني

هذاك اول الحين تغيرت

ياهلا ياهلا بنووووووووووووووووووووور وين الغيبه


وصاجه نغيرتي بس المعاش يطير بنص ساعه بالصالحيه او الرايه ​

 

[NoOoOoR]

ياهلا ياهلا بنووووووووووووووووووووور وين الغيبه


وصاجه نغيرتي بس المعاش يطير بنص ساعه بالصالحيه او الرايه ​

الظاهر انت مراقبني ومشغل الرادار

لا تلومونا بالاسراف الاسواق مغريه لنا وخصوصا اذا الواحد
يحب التغيير والتجديد لازم يصرف

بس لازم يوفر شوي من الراتب هذا اذا قدر