مساعده عااااجلة

[كويتيه @]

السلام عليكم\\\


بشتري قطعة ايقو بس مو عارفة اي شركه افضل

زين او الوطنية او فيفا


ياليت تعطوني من خبرتكم وتجاربكم

شكراا

 

[G900]

المعرض الشهر الجاي في عروض مميزه انترنت وأجهزه كمبيوتر

فيفا وبعدين زين

 

[احساس رسام]

اختي انا جربت " ايقو زين " من سنتين تقريباً

وكان حده سريع بس مع العروض اللي صارت خلت الايقو ينباع بـ 1 دينار

صار ضغط عليه والداونلود " التحميل " صار بطيئ والله


ربعي يستخدمون " فيفا " والكل يقول سريعه ويمدحها


وجهة نظر شخصية واترك لباقي الاخوان المجال

 

[dehani]

وانا بعد مع اخوي احساس رسام انا استعملت الوطنيه واحس انها بدت تخورها شوي والربع استعملو ايقو زين صايره مو شي وبعضهم حولو على فيفا ومدحوها وايد وانا الاسبوع الياي بكنسل الوطنيه وباخذ فيفا

 

[alaa2003]

يعتمد ايضا على المكان اللي راح تشبكي منه هل قريبة من برج فيفا ان كنتلي ستستعملي فيفا او الوطنيه
انصحك بالتجربة قبل الشراء يعني تستلفي قطعه فيفا ووطنية وتجربي

 

[كويتيه @]

مشكورين عالمساعدة

شكلي باخذ فيفا واتوكل على الله

 

[أبو ضرار]

وصله الفيفا تعلق و تفصل لان هم بعد عندى خط منهم هم السيرفس حده تعبان

 

[كويتيه @]

يؤؤؤؤؤ الفيفا مو شي بعد

شنو العمل يعني !!

 

[kun]

واايرلس وبس احسن من الايقو واسرع بمليون مره والله

 

[جياد المطيري]

الفيفا موووووووووزينه كلش و امانه لازم اقولها (( الوطنيه او زين )) افضل

 

[cherish]

اختي تانا جربت ال 3 شركات فيفا افضل وحدة .. اول شي مافي ليميت معين للداونلود .. و سريعه ولا تفصل بالعكس .. بس هم مثل ما قالوا الاخوان يعتمد من وين شابكه .. واذا على التعليق صارت مع وحدة من صديقاتي و عند الشركة سوولها ابديت و اشتغلت مثل الوردة .. لا توهقين روحج مع زين ولا الوطنيه .. و نطري شهرين اكو معرض وراح يسوون عروض اكيد رهيبه واذا ما تبين تنطرين خلج على فيفا نصيحه .. واسمحيلي على الاطاله

 

[مضــارب أسـهم]

فيفا viva

 

[الكويت حره]

عليكم السلام

الافضل انج ماتاخذين لا ايقو ولا شي

اخذيلج دي اس ال افضل شي

انا عن نفسي عندي ايقو زين ، ودي اس ال فاستلكو بالبيت

لكن اذا كنتي تشبكين برا البيت مثلاً وما تسوين داونلود

اخذيلج ايقو زين 13.500 ، انا لحد الآن ماشفت منهم شي

صارلي جم سنه وانا معاهم : )

 

[alaa2003]

يعتمد حسب نوعية الاستخدام
اذا كنتي من هواة الدونلود فعليكي بفيفا او زين
اذا كان استخدامك عادي يعتي شات و منتديات و ايميل فعليكي بالدي اس ال

 

[كويتيه @]

مشكوووووورين


لاخلا ولاعدم

 

[الهاشمي1]

ملاحظات جيدة لعموم الشباب واشتركي شهر فقط كتجربة بشركة زين المحترمة اشتراك بو 27 دينار والله الموفق

 

[الصاحب الاول]

عليكم السلام

الافضل انج ماتاخذين لا ايقو ولا شي

اخذيلج دي اس ال افضل شي

انا عن نفسي عندي ايقو زين ، ودي اس ال فاستلكو بالبيت

لكن اذا كنتي تشبكين برا البيت مثلاً وما تسوين داونلود

اخذيلج ايقو زين 13.500 ، انا لحد الآن ماشفت منهم شي

صارلي جم سنه وانا معاهم : )

انا بصراحة مؤيد تمام لهذا الرآي

بس بصراحه صبرج شويه في المعرض القادم راح تصير حرب اسعار ورخص ممتاز بالخدمات