قصيدة المطيري بالنساء المتزوجات‏

navy_seals

عضو نشط
التسجيل
29 أبريل 2009
المشاركات
1,292
الإقامة
الكــــــــــويت


قصيدة الشاعر ((فلاح بن عريج المطيري بالنساء المتزوجات ,,



بعض النساء تجلب على بيتك الخيـر ** والبعض منهن لـك تجيـب النكـاده

والبعض منهن مثل وصف النواويـر ** ومع العقل والزيـن فيهـا الركـاده

والبعض منهن يستر الحـال تستيـر ** لوهي تعيش العمـر صبـر وجـلاده

والبعض منهن عقلها يـوزن النيـر ** ومعها على تـاج الرزانـه شهـاده

وبعضهن احلى من حليـب المغاتيـر ** واحلى من الطايـف ونفحـة بـراده

وفي مجتمعها تمشي ابحسـن تدبيـر ** عقـلٍٍ رزيـن وفـي حلاهـا زيـاده

وبعضهن اينومسك عنـد المساييـر ** والبْـن فالدلـه اتظـبـط اقـنـاده

وبعض اللسنتهن مثل وصف المناشير ** والبعض منهن طايـشٍٍ فـي عنـاده

والبعـض منهـن فكرهـا بالدنانيـر ** قشـرا وشوشتهـا سـواة العـراده

والبعض منهـن مايكـب المشاويـر ** وفيها التغطـرس والغبـاء والبـلاده

وهذي هي اللـي تستحـق البواكيـر ** حيـث انهـا للسـوق فيهـا عبـاده

والبعض منهن عايـشٍٍ دون تفكيـر ** وان شفتها منتـه ب ويـا السعـاده

وان رحت عنها ولعت فوقك اسعيـر ** وشنت عليك الحرب حـرب الابـاده

واللي ماصار اترهمه غصب ويصيـر ** ومـن جورهـا لازم تـزور العيـاده

والبعض منهن دايم اقدامهـا اتسيـر ** علـى امـهـا والام راس القـيـاده

وتنفـذ اللـي تسمعـه دون تاخيـر ** وترسم امخططهـا لفـرض السيـاده

واليا حصل من بينكم شـيٍٍ اصغيـر ** تفيـد منهـو ماطلبـهـا الافــاده

وتوافـي اهلهـا بـكـل التقـاريـر ** ليـن الرجـل يعـاف شربـه وزاده

واليـا ظربهـا كـف مالـه معاذيـر ** راحت هو ياكل عشاء البيـت سـاده

راحت طمـوح وبلشـوه العصافيـر ** ومن همهم حـارب منـام الوسـاده

وان جاء يرجعهـا عيونـه مطاييـر ** قالوا قبـل ترجـع تجيـب القـلاده

وسبحه من الأربش وأطقم أساويـر ** ومن جورهـن لا واعنـاه وهجـاده

وان كان ماانسابك ارجـالٍٍ مناعيـر ** هيجـن وهوبـل ياحيـاة الـقـراده

وارجو السموحه من جميع الغناديـر ** وهن الأصل منهـن للاقطـار سـاده

ومصنـع رياجيـلٍٍ تقـود الطوابيـر ** والحـرب تقـدح للمعـادي ازنـاده

والمعذره وان كان بالقـاف تقصيـر ** وماكل من يجهد نجح فـي اجتهـاده

وللكلمه الجزلـه زبـون وجماهيـر ** وقول بـلا حكمـه مافيـه استفـاده

والله يجعل لي مـن الذنـب تكفيـر ** يوم ان راع الـزرع يلقـا حصـاده

ويرسل على الانذال زلـزال كشميـر ** حتى الفلل تصبـح سـواة الرمـاده
 

الهمس الخجول

عضو مميز
التسجيل
6 أكتوبر 2008
المشاركات
8,739
دائمـــاً متحاملين على النساء !!

صح لسان قايلها وتسلم يمين ناقلها
 

Shima

عضو نشط
التسجيل
17 أغسطس 2007
المشاركات
1,116
صباح الخير

صح لسان قايلها صدق البعض مو كلهن ,,, وتسلم على النقل الحلوووو ,,,

ماسألتوا انفسكم لماذا النساء اكثر اهل النار ,,,,,,,

ابي اختم القصيده ((( والبعض منهن ماتدعي للخير )))

الله يحسن خاتمتنا ويثبتنا على الدين القويم ويكفينا شر انفسنا ,,,,
 
التسجيل
12 يونيو 2009
المشاركات
340
الإقامة
الكويت
[sizوالبعـض منهـن فكرهـا بالدنانيـر **

قشـرا وشوشتهـا سـواة العـراده

ههههههههههههههه:)
e="5"][/size]


اشكر الناقل على المنقول
 
أعلى