متابع الســــوق
عضو نشط
هذي محاصيل الغرام وضرايبه
رائعة من روائع الشعر ستحفظ للتاريخ يقدمها شاعر شاب يعلن نجوميته بكل ثقة.. ليقول للشعراء للجمهور نعم أنا قادم.. انه المبدع حمود الساحلي الذي أبهرنا في تقديمه لهذا النص تحت هذا البحر والقوافي بتسلسل قصصي ممتع.. وسيكون من شعراء الكويت الشباب البارزين وملتقى الشعراء تراهن على هذا النجم بجدارة.
شعر/ حمود الساحلي
لا ذعـذع الغربـي وهبـت هبايبـه
يطري علـى بـال المولـع حبايبـه
احباب حال اليـاس بينـي وبينهـم
دارالزمـان ولا حسبـنـا عقايـبـه
لا عدت يايـوم الخميـس بمصيبتـك
جرحت روح اللي من الغيـد صايبـه
ماغيـر اهديهـا وامّسـح دموعهـا
لا طايـبٍ منهـا ولا هيـب طايبـه
لا قلت انا يابنـت كفّـي عـن البكـا
(زادت) بدمـعٍ غربلتنـي صبايـبـه
كتمت عنها ضيقة الصـدر بالحشـى
وانا شرايينـي مـن الضيـق ذايبـه
الكبد فيها فتوق والجـوف محتـرق
منهـا وانـا قلبـي تزايـد مصايبـه
وادعتهـا توديعـة الـروح للجسـد
واقفيت قلبي صادق الود صايبه
والله يا لولا العيب والعقل والعرب
مقفيت أعابل بالخفا كل نايبه
وداعــة الله ياغنـاتـي وغايـتـي
ياللي عليج الحـزن تربـع ركايبـه
تصهل خيول القاف واسرج ظهورهـا
من هاجـسٍ قامـت تواقـد لهايبـه
انا ارتكي للقـاف والضيـق يرتكـي
في وسـط قلـبٍ ماتسـره طبايبـه
ماجور ياقلبي مـن الضيـق والعنـا
دارت مقادير الـزمـان بغرايـبـه
ياعين ليـه الدمع بـالله تصبـري
هاذي محاصيـل الغـرام وضرايبـه
كد لاع محسن والعطـاوي وغيرهـم
كم روس من فرقى المواليف شايبـه
صحيـح دارالوقـت وينـي ووينهـا
عقب الغلا صارت عن العيـن غايبـه
تكفى يا ابو سلمان روحي تمزعت
حالي خطير ودمعة اليا رايبه
تل الربابة يا عسى فالك السعد
لعيون من تنقض وترخي ذوايبه
ام العيون الحـور ملهوفـة الحشـا
لاهيـب مطفوقـه ولا هيـب هايبـه
ما هي من اللي تدفن السم بالعسل
رزينة المنطوق ما هيب عايبه
صالت وجالت واستباحت ودمـرت
بجيـوش حـبٍ حاصرتنـي كتايبـه
ياعـل خـدٍ ضمهـا اليـوم للحيـا
يسقيه ربي بالمطـر مـن سحايبـه
وينبت به النـوار والشيـح والنفـل
عقب الدهر يخضر وتـروى ترايبـه
وجدي عليها وجد من عـاش مبتلـي
مديـون والديـان كثـرت طلايـبـه
بيبـان خلـق الله بوجهـه تسكـرت
مافـك دينـه لابتـه مـع قرايـبـه
يالله عسى من لامني فـي غرامهـا
يـذوق لوعـات الزمـان ونكايـبـه
يصبح ضريرٍ مانديمه سـوى العصـا
من ويـن ماسنـد رجاويـه خايبـه
يخلج اخلاج النوق من عظـم بلوتـه
ويطول عمره فـي شقـاه ونشايبـه
حيثه يلوم حمـود يابنـت واعتـرف
انا طريح الحـب وانتـي سبايبـه
ماعاد لي حيله ليـا ضـاق خاطـري
غير الرحيـم اللـي جـزالٍ وهايبـه
يلطف بحالٍ لاعها الشـوق والهـوى
يالله عساهـا عقـب ليـلاي تايبـه
ياجـرح قلبـي لاتذكـرت زولـهـا
لاذعـذع الغربـي وهبـت هبايـبـه
رائعة من روائع الشعر ستحفظ للتاريخ يقدمها شاعر شاب يعلن نجوميته بكل ثقة.. ليقول للشعراء للجمهور نعم أنا قادم.. انه المبدع حمود الساحلي الذي أبهرنا في تقديمه لهذا النص تحت هذا البحر والقوافي بتسلسل قصصي ممتع.. وسيكون من شعراء الكويت الشباب البارزين وملتقى الشعراء تراهن على هذا النجم بجدارة.
شعر/ حمود الساحلي
لا ذعـذع الغربـي وهبـت هبايبـه
يطري علـى بـال المولـع حبايبـه
احباب حال اليـاس بينـي وبينهـم
دارالزمـان ولا حسبـنـا عقايـبـه
لا عدت يايـوم الخميـس بمصيبتـك
جرحت روح اللي من الغيـد صايبـه
ماغيـر اهديهـا وامّسـح دموعهـا
لا طايـبٍ منهـا ولا هيـب طايبـه
لا قلت انا يابنـت كفّـي عـن البكـا
(زادت) بدمـعٍ غربلتنـي صبايـبـه
كتمت عنها ضيقة الصـدر بالحشـى
وانا شرايينـي مـن الضيـق ذايبـه
الكبد فيها فتوق والجـوف محتـرق
منهـا وانـا قلبـي تزايـد مصايبـه
وادعتهـا توديعـة الـروح للجسـد
واقفيت قلبي صادق الود صايبه
والله يا لولا العيب والعقل والعرب
مقفيت أعابل بالخفا كل نايبه
وداعــة الله ياغنـاتـي وغايـتـي
ياللي عليج الحـزن تربـع ركايبـه
تصهل خيول القاف واسرج ظهورهـا
من هاجـسٍ قامـت تواقـد لهايبـه
انا ارتكي للقـاف والضيـق يرتكـي
في وسـط قلـبٍ ماتسـره طبايبـه
ماجور ياقلبي مـن الضيـق والعنـا
دارت مقادير الـزمـان بغرايـبـه
ياعين ليـه الدمع بـالله تصبـري
هاذي محاصيـل الغـرام وضرايبـه
كد لاع محسن والعطـاوي وغيرهـم
كم روس من فرقى المواليف شايبـه
صحيـح دارالوقـت وينـي ووينهـا
عقب الغلا صارت عن العيـن غايبـه
تكفى يا ابو سلمان روحي تمزعت
حالي خطير ودمعة اليا رايبه
تل الربابة يا عسى فالك السعد
لعيون من تنقض وترخي ذوايبه
ام العيون الحـور ملهوفـة الحشـا
لاهيـب مطفوقـه ولا هيـب هايبـه
ما هي من اللي تدفن السم بالعسل
رزينة المنطوق ما هيب عايبه
صالت وجالت واستباحت ودمـرت
بجيـوش حـبٍ حاصرتنـي كتايبـه
ياعـل خـدٍ ضمهـا اليـوم للحيـا
يسقيه ربي بالمطـر مـن سحايبـه
وينبت به النـوار والشيـح والنفـل
عقب الدهر يخضر وتـروى ترايبـه
وجدي عليها وجد من عـاش مبتلـي
مديـون والديـان كثـرت طلايـبـه
بيبـان خلـق الله بوجهـه تسكـرت
مافـك دينـه لابتـه مـع قرايـبـه
يالله عسى من لامني فـي غرامهـا
يـذوق لوعـات الزمـان ونكايـبـه
يصبح ضريرٍ مانديمه سـوى العصـا
من ويـن ماسنـد رجاويـه خايبـه
يخلج اخلاج النوق من عظـم بلوتـه
ويطول عمره فـي شقـاه ونشايبـه
حيثه يلوم حمـود يابنـت واعتـرف
انا طريح الحـب وانتـي سبايبـه
ماعاد لي حيله ليـا ضـاق خاطـري
غير الرحيـم اللـي جـزالٍ وهايبـه
يلطف بحالٍ لاعها الشـوق والهـوى
يالله عساهـا عقـب ليـلاي تايبـه
ياجـرح قلبـي لاتذكـرت زولـهـا
لاذعـذع الغربـي وهبـت هبايـبـه
