جرئة الشباب بالكويت هل لها رادع

الموضوع في 'إستراحة المنتدى' بواسطة ياسر الروقي, بتاريخ ‏5 ديسمبر 2009.

  1. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    بعد السلام عليكم ورحمة الله
    انا ما شاهدة جرئه لشباب متسكع كما اشاهدها بالكويت
    تخيل وانت في مكان سياحي بالكويت تجيك ام ومعها بناتها تستنجد فيك تقول فكني من هالشباب وتحرشاتهم والمشكله ان الام خليجيه جايه للكويت سياحه تقول هذي ماهي الكويت اللي اعرفها من صعوبة الموقف اللي كانت فيه
    واانا اقولها بكل مراره هناك جرئه غير طبيعيه عند الشباب في التحرش بالعوائل
    والسبب واضح عدم وجود رادع
    يعني نقدر انقول انا وصلنا لمرحله نقول لشباب تحرشو بس بأصول
    اذكر واحد كان يغازل في مستشفى ولما صارت المشكله علق عليه احد الموظفين قال يا اخي عند شارع الخليج شجايبك المستشفى
    للعلم فقط لا يوجد قانون واضح يردع هذه الظاهره
     
  2. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2

    عندنا وعندكم خير !! والأجيال القادمهـ اللهم زد وبارك يعني بأختصار لاتعليق !!
     
  3. Low Fat

    Low Fat عضو مميز

    التسجيل:
    ‏2 سبتمبر 2009
    المشاركات:
    3,276
    عدد الإعجابات:
    661
    مكان الإقامة:
    قطعه 13
    الله يهديهم جميعآ

    ولا تنسى جرئة أغلب البنات باللبس
     
  4. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    ماني فاهم عندنا وعندكم يعني بشارعكم
    دقي على 777 ترد على بنت والدوريه توصل بعد رمضان ​
     
  5. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    اللبس هذا موضوع ثاني
    اغلب مشاكل الشباب وجرئتهم مالها سند قانوني بالكويت واهنيه اصل المشكله على فكره فيه جريمه ثانيه مالها عقوبه بالقانون ولو اقولها لك راح تنصدم بس اخاف نطلع على الموضوع ​
     
  6. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    والله ياخوي ياسر صج الوضع جدا صعب والشباب فلت بالمره الا من رحم الله 000بس

    الكثير من الشباب يشجعه حركات ولبس بعض البنات وبعد مايتمادا قالت ياللي ماتستحي ياللي فيك وفيك جنها مقطعه الحيا والحشمه 00


    انا اقول الشباب والبنات ولا بعد بعض الامهات والاباء رايحين فيها وانا شفت بعيني ام لبس بناتها ارحم من لبسها عجوز متصابيه وماكله المكياج اكال

    الله يحفظنا بحفظه ويستر على البلد ​
     
  7. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    والله يا الاعاشق في اغلب دول العالم واكيد انك رحت لاوربا تركب جمبك بالقطار لابسه من غير هدوم على قولة عادل امام لكن هناك قانون يفرض عليك عقوبه ان قمت بتحرش
    اذا قمنا نبرر لهم بسبب لبس البنات فهذا دليل عجز وهروب من المشكله
    بذكر لك بعض المشاكل بنت راكبه سيارتها شكو واحد شاب يجي ويركب معاها هذي الحركه تعدة ووصلة مرحلة الجريمه وعقوبتها قويه
    ووواحد ثاني لقى بنت تاكل بروحها بمطعم وقعد وياها
    وهذي صارت واتصلت على خوانها وفعلآ وصولو ولقوا الاهبل قاعد وتعشوه
    والله المجلس مطالب بتسنين قانون يردع هذه الظاهره لان الام اللي ذكرة قصتها كانت لامتغطيه وبناتها هم متغطيات لكن الشباب الله يهديهم مراهقين وهمجيين ما لقو رادع ​
     
  8. Low Fat

    Low Fat عضو مميز

    التسجيل:
    ‏2 سبتمبر 2009
    المشاركات:
    3,276
    عدد الإعجابات:
    661
    مكان الإقامة:
    قطعه 13
    أخوي ياسر الحين البنت عندها جرئه أكثر من الشباب
    وصدقني لو البنت ماتعطئ الضوء الأخضر للشباب
    أكيد ماراح يضايقونها..

    ..كلامي مو معناه أن ماكو شباب قليلين أدب
    بس الصج الخطأ يبدأ من الجنس الآخر بالغالب..وجهة نظري :rolleyes:
     
  9. ابوعايض

    ابوعايض عضو نشط

    التسجيل:
    ‏8 يناير 2006
    المشاركات:
    1,735
    عدد الإعجابات:
    2
    مكان الإقامة:
    الكويت
    نحنوا نعيش ايام الجاهليه ... الفوضى العارمه والبحث وراء الشهوات

    الجنسيه بالعلن جهارا والعياذ بالله .... ودي اشط عن الموضوع لكي

    اوصل وجهة نظري .... ايام الجاهليه ماهي ؟؟؟؟؟

    التعصب , التفاخر بالانساب , المصارعه الفكريه , الجنس العلني ,

    التبرج , التمايل , وغيره من الامور البعيده من الدين الاسلامي المتوازن

    بل الناس الذين عاشوا العصر الجاهلي معذورين اكثر منا لأن ماوصلهم

    تعاليم الاسلام والي ادركهم الاسلام بهم صارت الفتوحات الاسلاميه

    ونشروا الاسلام وصاروا قدوه ومناره للاجيال القادمه , ونحنوا خذلنا انفسنا

    وأسأنا بالتعاليم الدينيه وخدش الحياء والمروءه
     
  10. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    والله انا متفق معاك بكل كلمه قلتها 00000

    ان لم تستح افعل ماشئت واللي يسوي هالسوايا انسان عديم حيا وعديم مروئه 00والنوعيه هذي ناس تخاف بطبعها فلازم ان يكون فيه قانون مثل ماتفضلت يردع هالمصابن 0000000


    ولاكن بصراحه احنا بالكويت مو قاصرنا قوانين وعندنا قوانين صارمه في كثير من المجالات 00بس من يطبق القانون والامثله كثيره 00ومنها احكام قضائيه ماتلقا من يطبقها 00

    احنا نحتاج نفعل دور الاسره والتربيه ابوي وابوك ماكان بوقتهم لافيه لاقانون ولا دستور 00 بس كان فيه انضباط اخلاقي وشرعي 00

    يعني اللي مايرده الدين عن الخطء رده العيب والحياء والشيمه وحجي الناس وهالامور 000

    يومنا صغار الكل يامرنا وينهانا عن الخطء ابوي امي اخوي الكبير خال عم
    ولد عم جار او رفيج ابوي او اي واحد كبير يشوفك تخطي زفك وداس في بطن الواحد وقال لبوك وجا الوالد كمل عليك 00

    الحين منو يسمع الكلام الابو عساه يقدر حق اولاده انسا جار ورفيج وشايب بالسكه ويمكن حتا العم رافع الجام ريح بالك وشلي بدوخة الراس جنك صرت غريب عنه 00

    وبالنسبه لاوربا بيني وبينك الشباب شايف خير والمنضر هذا مافيه شي جديد عليه عشان يشده

    على قولت المصريين أللبت المواجع 00الله يرحم الحال وسمحلي على الاطاله​
     
  11. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    لا تشكيلي وابكيلك يا بو عايض
    شلون اللي حياته بين هالامور والسبب طبيعة عمله والمشكله انه ماهو قادر يسوى شي كل اللي نسويه اجتهادات شخصيه
    يعني لو تجيك بعض الشكاوى على سوري فاتح 3 زراير من القميص الاخ
    ويتحرش في بنات الناس وبياع في محل كبير للملابس النسائيه والمشكله كل اللي يشتكون من بعيد لبعيد لا تجيبون طاري اسامينا ولا لنا شغل والمشكله ان القضيه لها ركن اساسي وهو المجنى عليه وهو من يتهرب عن حقه وانا ما الومهم
    نحتاج لرجال يسنون قوانين تنمع هالاشكال من البيع في المحلات النسائيه
     
  12. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    والله صرنا مخدرين وعديمين احساس عسى الله يرحم شيبانا يا طيبهم ويا طيب جيلهم
    و الهمس الخجول تقول الله يستر من الجيل الجاي الله المستعان
     
  13. Q8i11

    Q8i11 عضو جديد

    التسجيل:
    ‏8 ابريل 2008
    المشاركات:
    736
    عدد الإعجابات:
    0
    نظرة سوداوية
    متشائمين بشكل مبالغ به جدا جدا

    روح شوف شباب جده
    غنم الله يكرم السامع لا مشاعر ولا رجوله يشوفون واحد تجرفه السيوله يصورونه بالتلفون يضحكون عليه
    http://www.youtube.com/watch?v=8558Sz_ZygE


    أحمدوا ربكم
    شبابنا فيهم نخوه بوقت الشده و أفضل بكثيييييييييييير من غيرهم
    أحمدوا ربكم
     
  14. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    الله يهديك وين شطيت فينا القياس اللي طرحته في موضوعك ماهو موفق
    وانا من ناحيتي لا ني متشائم ولاشي لكن بحكم تجارب شخصيه هذا اللي اشوفه والاخفى ادهى وامر
    الا اذا منت عايش معانا بالكويت
    وتقدر تتأكد من هالامور وبلاغاتها ان كانت تهمك مثلك عارف كل شي بالكويت مسرب وسهل الحصول عليه ​
     
  15. master_111

    master_111 عضو نشط

    التسجيل:
    ‏23 أغسطس 2008
    المشاركات:
    327
    عدد الإعجابات:
    2
    موضوعك مهم اخوي يــاسر و جدا مأسف و وصل مرحله ما بعد الخطوط الحمرا ،

    يا أخي انا واحد من سكان المناطق الداخليه ( احد المناطق المعروفه التي تطلع على الدائري الثاني ) ، قمت العن اليوم إلي الشخص سمى فيه هالشارع شارع الحب ..!!

    يا جماعه والله تعبنا من الامور ، قسما بالله اني لا طلعت مشوار و خصوصا ايام الاجازه على ما اوصل البيت بالفيحا ، والله اني اخذ وقت كأني رايح الدوحه ، بسبب الزحمه و السرعه من هالشباب و الحوادث إلي تصير بهالشارع و اخذ يا التأخير ، غير تأخير الزحمه يصادفك تأخير الحوادث ،

    للأسف ما يسمى بشارع الحب و شارع الخليج صار شارع ( جناقل ) للأسف يتوافدون للهشارعين جميع شباب محافظات الكويت إلي يسوى و إلي ما يسوى ،،

    لي درجه وصل الامر إلي حد الانفجار ، الكل يبي يتحرش في بنات خلق الله ، الكل يبي يرقم ، الكل يبي بنت ، الكل صار ما يستحي ، الامر تعدى الجرأه و بقوه ،

    و المشكله سكان هالمناطق كلهم عيال ناس معروفه و ناس مناصب ، و إلي يتحشرون في بناتهم جناقل بكامري ولا هوندا و البنت راكبه اقل شي بورش كاريرا ، و غصب طيب يتحرش ....!! و أخذ السرعات و المناورات بالشارع على بنت بالسياره ابوها صاحب شركه على اقل تقدير ،

    للأسف اصبحت سمعة الشارعين ليس بالكويت بل خارج الكويت ، شباب من دول خليجيه يتوافدون لهلشارعين للمغازل و التحرش في بنات خلق الله ..!! و كأنك بنات عيال شوارع ،،


    والله برأي الشخصي اعتبر هذا بلاء و مرض من الله على بعض شبابنا إلي ما يستحي و للأسف اغلبيه الشباب ،


    والله لي جار رجل منصب بالدوله و من عائله معروفه يسولف لي و حسرات الندم و الألم اشوفها على وجهه ،

    سالفته ، قمت اتخيل أني بداله و احط نفسي بموقفه ، جارنا مسكين بنته ما صارلها 3 ولا4 اشهر مطلع لها ليسن توها صغيره وهي بنت ناس و محترمه و ابوها شخصيه نعرفه و معروف من عائله كبيره ، يوم من الايام يتصادف معاها وهو طالع من البيت هو طلع بسيارته وهي بسيارتها مع اختها الصغيره ،

    و طبعا خروجهم من الفيحا طبيعي على شارع الدائري الثاني ( شارع الحب) المسكين صادفته بنته بسيارتها جدامه و هو وراها و يمشي ، و يشوف سيارتين يلاحقون بنته وهو على نياته مستغرب ، لين وقف عند بنته بالشارع عند الاشاره و صار يلكمها من الدريشه و يسألها شفيج عسى ماشر بنتي شصاير ،

    تخيل بكل وقاحه ، ييلك واحد من هالكلاب اعزك الله يقول للابو ( انت يا الشايب روح بعيد انا لاحق البنت قبلك ) ..!! والله وهو يسولف لي اشوف نظرات الألم و الحسره بوجهه ..!! للأسف والله ..


    و بنته تقوله يبا هذا شي عادي يوميا يحصل معاي بكل وقت ، الله يرضه بهالكلام ؟؟!!
    والله شي مخزي ، يااخي هني بالكويت جرأه اكثر من الرهيبه بهذا الموضوع ،


    انت شدخلك بينهم ، و اخص بالذكر ابناء المناطق الداخليه ( المنصوريه - الدعيه - القادسيه - الفيحا - الضاحيه - العديليه - كيفان - النزهه - الشاميه )

    ليش ملاحق بنات خلق الله ، وخصوصا إلي ساكنات بهالمناطق بحكم الروحه و الطلعه و الدخله و مرورهم بهالشارع ..!!

    ياخي بنات عوايل محترمه و عيال جخ انت شكو ملاحق فيهم ..!! هي كل يوم تكشخ بسياره اخر موديل وانت طرق الهوندا ولا التيوتا ليش مأذيها وحاشر نفسك غصب ..!! تعبت و انا اشوف هالمناظر كل يوم جدامي ، عيب والله عيب ،

    ولا يعني كل بنت تشوفها مو متحجبه خلاص تصير عندك عاهره و العياذ بالله .. المشكله خلاص صارت عاده عند اغلبيه الشباب تقريبا مثل الادمان ، اذا ما يروح يتحرش في بنات خلق الله ما يرتاح ،

    الحين اخوي حلها مالها حل ، إلى تاخذ حقك بيدك ، ولا هني خلاص سايبه بالكويت ، هذاك اليوم يطلعلي احد المذيعين بقناة مرينا اف ام من غير ذكر اسم المذيع ( المايع ) ، على بنه اجازه الاسبوع يقول ( يله شباب روحو طلعو استانسو الجو حلو طلعو قزو ) ...!! هذا يبين لك ان الموضوع خلاص اصبح عادي جدا ،

    والله اخوي ياسر الكلام وايد ما يخلص بهالموضوع ، باستثناء ملابس البنات و حركاتهم ،
     
  16. اليوفي الثاني

    اليوفي الثاني عضو نشط

    التسجيل:
    ‏12 أكتوبر 2008
    المشاركات:
    569
    عدد الإعجابات:
    0
    السلام عليكم الموضوع جدا ما ينسكت عليه كلش ونبي وقفه جاده مع الاعضاء المجلس


    و المشكله سكان هالمناطق كلهم عيال ناس معروفه و ناس مناصب ، و إلي يتحشرون في بناتهم جناقل بكامري ولا هوندا و البنت راكبه اقل شي بورش كاريرا ، و غصب طيب يتحرش ....!! و أخذ السرعات و المناورات بالشارع على بنت بالسياره ابوها صاحب شركه على اقل تقدير ،


    اخوي لا تجمع كامري ولا هوندا تقول جناقل احترم اللي اقل منك مستوى المعيشه [/size]
    والله برأي الشخصي اعتبر هذا بلاء و مرض من الله على بعض شبابنا إلي ما يستحي و للأسف اغلبيه الشباب ،[/SIZE
    ]


    اممممممممممممممم اغلبيه امممممممممممم شلون اخوي يعني كل من مره علا عالشارعين المذكورين سلفا بكامري ولا هوندا ( عاد احسن سيارتين سياراتنا كلها تيوتا) يطلعون بنظرك جناقل :p[
    COLOR="SandyBrown"]

    تكشخ بسياره اخر موديل[size="5"] وانت طرق الهوندا ولا التيوتا
    ليش مأذيها وحاشر نفسك غصب ..!! تعبت و انا اشوف هالمناظر كل يوم جدامي ، عيب والله عيب
    ،[/COLOR]


    ما ادري اخوي شفيك :D
    على اللي يركب الكامري الكامري والهوندا . الشباب يضبطون حتى عزكم الله علا حنطور يمعود خل عنك اعيال الجخ والداخليه اجمع الكل من غير استثناء اخوي ولد الفيحاء
    [/SIZE]
     
  17. ريّس نفسه

    ريّس نفسه عضو جديد

    التسجيل:
    ‏17 يناير 2009
    المشاركات:
    587
    عدد الإعجابات:
    0

    قواك الله، قلت كل اللي ابي اقوله، فعلا هذا بالضبط اللي حاصل






    الله يهداك، النخوة موجودة ان شاء الله لكن موجودة عند النخبة فقط لان اللي عنده ذرة نخوة ما ينزل من كرامته وكرامة اسرته ويقل ادبه على المجتمع، ممارسات هالاشكال بالنهاية تطلعهم من فئة النخبة وتنقلهم الى اسفل فئة في المجتمع، واللي منهم من استشهدت فيهم في مقطع السيل.
    والغلط برايي انك تقارن بالاسوأ وتقيس على مثل هالمقارنة، يعني اذا بنمشى على طريقتك، راح نقول ان اللي يغازل ويضايق العوايل في الشارع
    ارحم من اللي يبيع مخدرات؟؟!








    بالنسبة لمعاناة الدائري الثاني فعلا مثل ما تفضلت هذا هو الحاصل، والاكيد ان في مناطق ثانية ومحافظات ثانية بعد تشتكتي لكن اكثرها في شارع الحب وعلى البحر، الحين عادي تشوف سيكل يطل على السيايير بكل وقاحة ولا يحشم اسمه واسم اسرته .. وعادي تشوف تعديات على حرمات الناس ولا في احد للاسف يحط اعتبار للدين ولا القيم الاجتماعية اللي ربينا عليها لعدة اسباب، منها البيوت نفسها ما عادت البيوت الاولية اللي تربي صح، ولا يعرفون شلون يربون، وما عندنا "ضمائر" تطبق القانون بأمانة، ولا القانون موجود لكن مهمل محد ملتفت صوبه

    على قولة الأولين: قال من آمرك؟ قال من نهاني؟
    عن نفسي كرهت اكرر كلمة "الشق عود" الا انه فعلا الشق عود ولكن ان ما صحت الضمائر وعرفت تربي وعرفت تحاسب
    ولا الامور راح تزيد سوء
     
  18. Eng-Omar

    Eng-Omar عضو نشط

    التسجيل:
    ‏3 مايو 2008
    المشاركات:
    366
    عدد الإعجابات:
    0

    اخوي انا ادري انه وياك حق بحكم انك تمر عليك هالشغلات كل يوم

    وما الومك الصرااحه

    اللي قاعد يصير غلط كبير

    بس عتبي عليك

    انك بس متعنصر للمناطق الداخليه
    وتتحجى بس عنهم
    وانهم عيال ناس كبار وجخ ومهمين بالدوله
    اذا انت ما تبي الناس تتحرش فيهم عشان هالسبب
    وتبي الناس يتحرشون ببنات الناس الفقارا المساكين
    اللي على وظايفهم وناس على قد حالهم مو جخ على قولتك ولا مهمين بالدوله

    اسمحلي اقولك انك جانبت الصواب

    اتمنى تتقبل كلامي بصدر رحب

    وتعمم الغلط على الكل

    ولا تفرق بين عيال جخ وعيال ناس مهمين

    وعيال الناس العاديين

    ترى هم بنات الناس العاديين ناس اهل حمايل وناس محترمين


    الله لا يدخل الشيطان بيننا

    تحياتي
     
  19. master_111

    master_111 عضو نشط

    التسجيل:
    ‏23 أغسطس 2008
    المشاركات:
    327
    عدد الإعجابات:
    2

    يا الطيب ،

    القصد مو معناه ان اي شخص عنده سياره تويوتا ولا هوندا يعني هو ( جنقلي) ،

    ياخي القصد واضح ، المغزى أنك لا تروح غصب حق إلي ارفع منك و تحاول غصب طيب تتحرش بهالبنات ، ولا تنسى انا خصيت بالذكر الدائري الثاني ، و انت عارف هالشي ، وانا يوميا بدون استثناء اشوف هالاشياء جدامي ،

    لاهي ترفع على خلق الله و لا شوفه نفس، لكن هذا الحق ينقال ، انا ما قلت والله بنات الحمايل إلي على قد حالهم خل يتحشرون فيهم و العياذ بالله ،

    لكن انا انا تكلمت عن عيال ( الجخ ) لأني خصيت بالذكر ما يسمى شارع (الحب) ، و انت عارف ما يحتاج اقولك المناطق إلي حاولين هالشارع ،

    ثانيا ، كلامي عالاغلبيه ،

    لا تشط بعيد الله يهاك ، انا قلت ان هالعاده صارت عند الاغلبيه ، و هذي هي الحقيقه عند اغلبيه الشباب إلا ما رحم ربي ،
     
  20. master_111

    master_111 عضو نشط

    التسجيل:
    ‏23 أغسطس 2008
    المشاركات:
    327
    عدد الإعجابات:
    2

    يا الغالي ،

    لاني متعنصر للمناطق الداخليه ولاشي ، انا تكلم ت عن الدائري الثاني ( شارع الحب) ، وين صاير هالشارع ؟؟؟ بالعارضيه ؟؟ ولا بالصبيه ؟

    اكيد عند المناطق الداخليه ياخوي ، وبالضبط من عند جسر الضاحيه و انت طالع ،

    ثانيا ، انا تكلمت عن هالشارع و المناطق إلي حاولينه ، انت عارف المناطق و اصحابها...!! ما يحتاج اتكلم اكثر ،

    ولاني قلت ان بنات الحمايل إلي على قد حالهم خل يروحون الشباب يتحرشون فيهم ،

    لا تنسى انا تكلمت بالاخص عن الدائري الثاني ،

    و العاده كلها منبوذه ، و انا تكلمت عن إلي اشوفه يوميا جدام عيوني ،