(أسواق القرين )... والتاجر الصغير في الهاوية

[nasy]

مشكلة اي محل بأي مجمع جديد او مجمع قديم
مشكلة المشاكل الايجار اللي يكسر الظهر وطمع التجار
مع ان السوق تعبان ومحدود والمجمعات ترس الديره
يعني لو تبي تسويلك اي نشاط تترزق منه ما يخلونك
بمعنى اخر تشتغل لهم تتعب وتروح وترد وبالنهايه
اللي تطلعه من المحل يروح للايجار هذا اذا مو خساره
اللي ربحان بالسوق الشركات الكبيره واهم محتكرين كل شي
اما صاحب المحل الصغير له الله​

 

[ha2005]

شكرا لكم على الرد
والله اسواق القرين اكبر مقــلــب صار للتاجر الكويتي
ناس اخسروا اللي دونهم واللي وراهم...
المشكلة ان الادارة مو صابرة على التاجر الكويتي
بس تبي منه فلوس........ واذا ما عندة يسلم المحل
ليش هالسياسة التعسفية على الكويتي؟؟
عطو التجار فرصة يرتب نفسة يعدل وضعة في المحل
شجعوا الزباين انها تروح للاسواق القرين .. لكن الادارة ( عمك اصمخ )
الافنيوز اكبر مثال في نجاح المشروع مع انه بعيد عن العالم ولكن بفضل الادارة والدعايات شجعت الناس
ارجو من ادارة اسواق القرين تاخذ الامر بجدية بخصوص انشاء سوق​

 

[مضارب شجاع]

مشكلة اسواق القرين انها ليس لها مدخل !!!!!!! هذا شئ مهم
من اين ياتى اليها الزبائن !!!!!!!!!! من خط السريع !!!!!! من مدخل واحد فقط !!! واذا طاف المدخل هذا يمكن يكمل الى صناعية الفحيحيل افضل له !

 

[سهمك اخضر]

التجار الكبار يسونها واحنا نطيح فيها يالصغار
ماكو تشجيع للتجار الكويتي كللللللش .. ما أدري ليش ؟؟؟
وعلى فكرة كان ( الغانم ) موجود ولكن بعد فترة انسحب من اسواق القرين
واخذ مكانه ( لولو )..
ولا نعرف شنو سبب انسحاب الغانم من اسواق القرين​

حبيبي انا ارد واقولك احنا مارخصنا للغانم وسبب سرقه الكهرباء

المجمع كهربته مسروقه وما يترخص وفي دعاوي رافعينها الشركات

على اداره المجمع

 

[hanoky]

كأن الموضوع بنظره بسيطه سهل اذا شريت محل بسوق القرين راح تخسر ويأخذون فلوسك واذا رحت الورصه وإشتغلت راح ياخذون فلوسك بالحالتين عطني فلوسك

 

[el6ayeb]

طيب لا أحد يستأجر المحلات اذا غالية و خلوها تطيح بجبد التاجر ...
و بعدين احنا ناقصنا أسواق ..البلد غرقت و تشبعت بالاسواق اللي فوق حاجة المستهلك ..
لو في أحد بالحكومة عنده ذرة عقل جان حولها لدوائر حكومية و مراكز خدمات أو جامعات أو معاهد حتى يخفف الضغط و الزحام على الديرة .. معاناتنا الأزلية كل صبح

 

[نجوووم]

الي ماشي هناك بس القهاوي

 

[المؤشري]

الله يرحمك جمال عبد الناصر انت الذي ضربت الحيتان

 

[KUWAIT_220]

الله يستر

 

[al3mlaaq]

ياجماعة اول الاسباب الايجارات الغالية هالمنطقة يبيلها سنة او سنتين يا الله تتحرك مع انة موقعها حلو والمفروض انها اتكون منطقة خدمية مو سوق يعني صناعية كراجات سيارات مغاسل مناجر المونيوم قهاوي وبس عشان ماتتشت وتكون قوية والمفروض من اصحاب المحلات يجتمعون ويذهبون للادارة ويطالبونهم بفترة سماح بنصف الايجار لمدة سنة ويعملون سحب علا سيارات وحملة اعلانية قوية متواصلة وانا نفس الادارة هذي كنت ماجر منهم بالشويخ واجمعنا اصحاب القسيمة وطالبنا بخفض الايجارات وتم التخفيض لمدة 6 شهور من 550 الي 400 وبعد مدة السماح هم طلعو ناس وايد لان السوق بالوقت هذا تعبان والايجارات قفزت قفزة قوية واصحاب القسايم موراضين يستوعبون ينزلون الايجارات

 

[ha2005]

شكرااااااا على الردود

 

[Take Over]

لو مسوينها مضمار حق المتسابقين وايد احسن
من الشباب يموتون في هالمنطقه بسبب الاستهتار والرعونه
وسياراتهم تنسحب من قبل الداخلية

ملاحظه
المعروف في هذه المنطقه انها مشهوره ( بالقومات ) السباقات الغير قانوينية

 

[fea014]

السلام عليكم..
بصراحه خذيت محل وعند دفع العربون هونت لضيق الوقت في فترة الإفتتاح ومايندرى الخيره فيها
مع إنهم أخروا الإفتتاح..
عندي ولد عمي خذا محل وطلبني أشترك معاه بس للحين متردد..
المهم أسواق القرين راح تبصر النور بس بعد الدعايه والإعلان بمناسبة الإفتتاح الكبير لأن كل شي فيها وموقعها مميز.
بس أستغرب بعض المشاكل فيها لأن فيه واحد من الربع عنده مطعم وسحبوه منه لأن فيه مشاكل بالشركة المسوقه نفسها..
لأن أسواق القرين فيها تقريباً أربع تملك المحلات إذا ماخابني الظن!!
على العموم كل مشروع في بدايته خساره وبعدما ينعرف يبدأ إستثماره والله يرزق الجميع
والله الله بالصبر ياجماعه..

 

[ha2005]

صحيح السوق فاشل جدااااااااااااااااا
والمساكين الكويتين خسروا فلوسهم على محلاتهم وهم توهقوا بالمحلات
والسبب الادارة للاسواق القرين ماكوا تنظيم ولا تشجيع للتاجر الكويتي

( واعيان محلاتها فاضية تصفر .. مما زاد الطين بلة بعد ... وايجاراتها عالية بعد )​

 

[بحرري]

عندي اثنين من الربع قبل 3 اشهر تقريبا خذو مجمع كامل بلاسود واجاره اول اربع اشهر 4الاف ونص وبعدين يصير 6 الاف والفلم مو اهني اهم خذو المجمع على انه يسوون سرداب ودور قهوه ودور يضمنونه حق مطعم وكان على الاسود وضبطووه وسووه من احلى مايكون وسوو الديكورات والتكييف ولبسوه من بره وضبطوه من احسن مايكون ونطرو الكهرباء ويوم يت الكهرباء راحو بيطلعون رخصه القهوه عشان يبلشون شغل جن يقولون لهم رخص قهاوي موقفه ومطعم موقف حتى اشعار اخر زين شسبب جن يقولون لهم المنطقه حرفيه قالو زين الي فتحو قهاوي قبل قالو مانجدد لهم رخصه وقاطين للحين فوق 50 الف والاجار قاعد يحل عليهم ومابيدهم حل يا يسلمون المجمع بكبره مع الي اشتغلو فيه او ينطرون قرار يصدر حتى راعي المجمع متفهمهم بس لين متى يعني شفتو الفلم قاطين فوق 50 الف وبيدش عليهم اجار 6 الاف بلشهر واهم مايقدرون يشتغلون حتى ملابس نفس المحاميد ممنوع هذا البوق والظلم بعينه الله يستر والله يعينهم

 

[Edrak]

هذا السوق له مستقبل باهر و لن يعرف قيمته الا التاجر الفاهم

مسألة وقت يا اخوان لا تستعيلون

 

[ابوحمزه]

عجيبه غريبه!!!!!!!!

عندي اثنين من الربع قبل 3 اشهر تقريبا خذو مجمع كامل بلاسود واجاره اول اربع اشهر 4الاف ونص وبعدين يصير 6 الاف والفلم مو اهني اهم خذو المجمع على انه يسوون سرداب ودور قهوه ودور يضمنونه حق مطعم وكان على الاسود وضبطووه وسووه من احلى مايكون وسوو الديكورات والتكييف ولبسوه من بره وضبطوه من احسن مايكون ونطرو الكهرباء ويوم يت الكهرباء راحو بيطلعون رخصه القهوه عشان يبلشون شغل جن يقولون لهم رخص قهاوي موقفه ومطعم موقف حتى اشعار اخر زين شسبب جن يقولون لهم المنطقه حرفيه قال مانجدد لهم رخصه وقاطين للحين فوق و زين الي فتحو قهاوي قبل قالو50 الف والاجار قاعد يحل عليهم ومابيدهم حل يا يسلمون المجمع بكبره مع الي اشتغلو فيه او ينطرون قرار يصدر حتى راعي المجمع متفهمهم بس لين متى يعني شفتو الفلم قاطين فوق 50 الف وبيدش عليهم اجار 6 الاف بلشهر واهم مايقدرون يشتغلون حتى ملابس نفس المحاميد ممنوع هذا البوق والظلم بعينه الله يستر والله يعينهم

أولا: الله يعينهم
ثانيا: سؤال أتمنى أن أجد له اجابه، كيف يمنع تجديد ترخيص لمحل بعد منحه الترخيص أول مرة؟!!!والمعروف أنه لايتم تطبيق القانون بأثر رجعى، يعنى اذا تم أفتتاح محل بنشاط مافى مكان ما وبعد فترة من الزمن تم منع الترخيص لهذا النشاط فى هذا المكان لا تلغى التراخيص الممنوحه من قبل، يعنى عندك محل مفتوح منذ 10 سنوات وفجأة يتم أغلاقه لعدم تجديد الرخصه!!!!!!!!يعنى ضاعت فلوسك وأحلامك وتعب السنين.....الله المستعان.
وما لفت نظرى أيضا أنه لا تمنح تراخيص القهاوى فى المناطق الحرفيه، ورغم ذلك سيتم أفتتاح قهوة الأن فى منطقه سكنيه فهل هذا مسموح به...الله أعلم.

 

[ha2005]

للرفع
نبي تعاونك يا اخوان بهالموضوع الموضوع كبير وهام
يعني مثل ماصار بغيرنا يمكن يصير لنا
ماعاد في ثقة باحد..
الكويتي ينباق بديرته والله ظلم​

 

[لسه فاكر]

للرفع
نبي تعاونك يا اخوان بهالموضوع الموضوع كبير وهام
يعني مثل ماصار بغيرنا يمكن يصير لنا
ماعاد في ثقة باحد..
الكويتي ينباق بديرته والله ظلم​

ان شاء الله نتعاون بس شنو المطلوب نسوي مو فاهم ؟؟ ​

 

[ha2005]

احنا الكويتيين لابد ان نكون على قلب واحد
مثل ماقال الرسول ( أنصر أخاك ظالما أو مظلوما)
فهناك ناس مظلومة وانسلب حقها
فلابد ان نوقف جنبهم ..
على الاقل لو بردود بهالموضوع
واعطاء الاراء والاقتراحات ...​