اثار الارض الصبخه

[ابو خالد الجسمي]

السلام عليكم

شنو اثار البناء على الارض السبخه (مدينه جابر الاحمد )
واثارها في الزمن البعيد

وشنو الطرق العلميه للعلاج هذه المشكله واثاء الماء علي القواعد في السرداب او بدون سرداب
وشكرا

 

[q8_king1]

نتمني مشاركة مهندسين البناء ليفيدونا من خبرتهم

 

[look4lands]

أعتقد ان لها حلول هندسية بلا شك و لكن قد تزيد تكلفة الاساس

مثال مشرف أرض صبخة و تم بنائها و هي ارقى منطقة بعد الدائري الخامس

و اعتقد ان المهندسين المدنيين (تخصصهم 100%) راح يعطونك الزبدة ان شاء الله

 

[q8_king1]

يعني مشرف نفس مدينة جابر ؟ تحتها ماي ؟

 

[قلم حر]

مدينة جابر عمق الحفره 4 امتار ومافيها ماي
الصليبخات متر ونص ويطلع الماي والناس ساكنه فيها من الستينات
سهالات اخوي ماكو الا الخير​

 

[طارق55]

السلام عليكم

اول شئ منو قالك ان كل اراضي جابر الاحمد فيها ماي ؟؟ انا والحمد لله ارضي في جابر الاحمد ومافيها ماي .. ثانيا .. للاراضي الي فيها ماي يلزمك تعمل لبشه .. وهي تكلف تقريبا 6 الاف دينار زياده وهي عباره عن صبه خرسانيه في كل بيتك .. وهي عباره عن خرسانه فيها اسمنت مقاوم للماء .. وفيها حديد تقريبا 20 طن من الحديد .. وهذي لما تعملها انسي شئ اسمه ماي بعدين .. كل هذا بتقريبا 6 الاف فقط .. واذا كنت تبي تسوي سرداب .. يعملون لك بايبات مخرمه يحطونها لك تحت السرداب كمربعات الشطرنج .. وتصب كلها في جوره واحده فيها مضخه تطلع الماي تلقائيا .. ولما تسوي هالشئ انسي الماي .. كل ماطلع الماي تطلعه الماكينه بره .. عموما هناك الكثير من الطرق .. وهذا الي انا اقوله لك اسوء الاحتمالات .. فلاتحتاتي وكل مشكله لها الف حل

 

[BMW750]

اعتقد انهم اكتشفوا فيها كهوف
وهذا السبب اللي اخر البنيه التحتيه للمنطقه

 

[q8_king1]

شكر لاخ طارق علي الرد

 

[طارق55]

q8_king1

العفو اخي الكريم واي استفسار انا حاضر

 

[ابووووفهد]

انصح الاخوان عدم التخصيص في مدينة جابر الاحمد وذلك لتفادي المشاكل مع العلم ان الاسكان لها سوابق في بعض المناطق مثل الضهر وكلامهم مايطمن ولا فيه ثقه وهذا بيت العمر ماتسوى عليك بكره بيتك الي ناطره اسنين وتعبان عليه يطفح عليك الماي او اتخفس فيك الارض وتعال انطر مطالبات مجلس الامه وتصير الشغله لعبه سياسيه على حسابك.
فاقول للي عنده طلب يفكر مليون مره قبل ان يخصص في المدينه
واخر كلامي المثل الي يقول
( انحش عن الداب وشجرته)
و
(الباب الي يجيك منهه الريح سده واستريح)

 

[طارق55]

السلام عليكم

اولا مثل ماقلت .. كل الارض الي فيها ماي تقدر ببساطه تعالج هالمشكله .. الناس قاعدين يبنوا في البحر .. فلاداعي للقلق والخوف ..
بالامس قال لي جاري ان ارضه فيها ماي .. وقال ان تكلفه معالجه الارض كلفته 9 الالاف دينار وانا اشوف ان الرقم مبالغ فيه .. يمكن لانه سوي نصف سرداب .. اقول يمكن يعني ..