ثغرات قانونية قاتلة

الموضوع في 'قسم الإستشارات القانونيه' بواسطة مهم للغاية, بتاريخ ‏6 ديسمبر 2009.

  1. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    هذي الكويت صل على النبي

    اللهم صلي على محمد واله وصحبة اجمعين

    يا اخوان في ثغرات قاعد اشوفها تصير قدامي وانا ذابحني القهر ما ادري شسوي فيها

    اولا:-
    وافد يقوم بتأجير سيارة من مكتب سيارات ويكد عليها ويطلع فلوس وينتهي عقد الايجار والوافد معطيهم اذن من طين ... وبعد ما يطيب خاطره يقول بعد ما جمعت لي كم فلس ودي اسافر على حساب الكويت ارجع لديرتي وفلوسي معاي وخل مكتب السيارات يبلط البحر. يروح حق المخفر ويسلم نفسه حق الضابط... الضابط انا شخصيا كلمته وقلت له شنو راح يصير عليه ؟؟ تدرون شقال ؟؟ قال انه يسفرونه على متن الخطوط الجوية الكويتية مع الوجبة الساخنة وقهوة اكسبرسو وفلوسه سابقته لديرته بعد ما يضيفونه كم يوم بسجن الابعاد بدون ان يسجن وبدون ان يدوسون له على طرف.
    وفلوس المكتب ؟؟ منو يدفعهم ؟؟ ولا تقولون ما صارات قبل هالمرة
    ثانيا :-
    تخيلوا معاي

    انثى تتهم عسكري انه تحرش فيها جنسيا .... اول شي ينقط بالسجن ويسوون فحوصات وطب شرعي واهوا مسجون وموقوف عن العمل وبعد ما يقعد تقريبا 3 اسابيع على ما تطلع نتائج التحليل ويطلع براءة ..... يعني البنت متبليه عليه .... هنا ....... وفقط هنا ...... يحق لوزير الدفاع فصله من السلك العسكري للصالح العام..... يابابا براءة .... اقلب وجهك ..... ياجدي براءة انا بريئ ..... والقاضي قال لي ياولدي انت بريء براءة الذيب من دم يعقوب .... الوزير يشوته فنقر ...... ويفصله من وظيفته .... بتقولون مايصير ؟؟ اقولكم صارت ولا يقدر يسوي شي هالعسكري المسكين الا انه يرفع قضية رد اعتبار وياخذ له جم بيزة تعويض نفسي وادبي ... بس عقب شنو ؟؟ عقب ماصار طرار وخريج سجون !!
     
  2. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    اخي الكريم ..

    ما ذكرته موجود فعلا ..

    ..... لكن
    الامر لا يقتصر على الكويت .. فهذه المشاكل موجوده في كثير جدا .......... في عالم الدول الثالث .. اللي لا يخفيك انا نتشرف نكون منهم :)

    ولكن للامانة ... في السابق كانت البنت لما تشتكي على رجل .. قبل اي تحقيق .. يرمونه وراء الشمس

    اليوم .. وبعد ان زادت الظاهره .. وصرنا بلد متفتح ما شاء الله .. وصارت البنت تردف مع البوي فريند على الموترسيكل ... ازدات المشاكل وصارت الجهات الرسمية تتنبه وتعرف ان هناك قضايا وشكاوى كيدية كثيرة ... فصاروا لا يصدقون الشكوى الا بعد التحقيق والتدقيق


    والله اعلم
     
  3. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    الاخ rahaly شرفني مرورك وتعليقك

    لكن الا ترى ان من واجب الدولة واهل القانون انهم يعدلون جميع الثغرات القانونية ان وجدت؟
     
  4. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت

    اخي الكريم ..

    هذا هو دور مجلس الامة فهو المشرع في البلد

    خليهم يتفرغون وراح يعدلون كل القوانين .......... بعد خمسمائة سنه !!!!
     
  5. T.M.H

    T.M.H عضو جديد

    التسجيل:
    ‏19 أكتوبر 2009
    المشاركات:
    253
    عدد الإعجابات:
    0
    والله في اشياء غريبه عجيبه بالكويت وقضايا اقسم بالله ما تدخل العقل
    في واحد الحين موجود بالسجن المركزي قضيته (هتك عرض بالنظر) ركز على المسمى عدل
    ومحكوم عليها 7 او 5 سنوات (ماني ذاكر اي وحده فيهم)
    انا قعدت معاه وقالي ان وحده جنبه بالاشاره شكلها ما عجبه قاعده تتحرش فيه وما لقالها بال وعند الاشاره الثانيه بنفس الشارع الي قدام شرق نزل الجام وهي بجنبه ولمن نزل الجام هي نزلت جام سيارتها معاه( تحاسبه يبي يرقمها) يقول قطيت كلينكس وسكرت الجام وبنفس اليوم سحبوه المسكين ولليوم يسمع صوتك من المركزي (طبعا ماشاء الله عليه جميل الولد وعنده موتر نفس ما يقول)



    والثاني
    اغتصاب زوجته
    اغتصاب زوجته
    اغتصاب زوجته
    هذا يقول كبس على زوجته نايمه مع واحد قام وطلع من الشقه (طبعا بعض الناس بالكويت كل شي يصير عادي حتى ان الواحد يرخص بعرضه)
    طلع من الشقه يقول راح يفتر بالشوارع مو عارف شيسوي قال مالي الا المخفر راح للمخفر لقى زوجته قدامه
    طلعت مشتكيه عليه ان يمارس اللواط معاها ( طبعا رفيجها مبدع فيها :) )
    راحت الطب الشرعي واثبت ان فعلا ........
    القهر ان الطب الشرعي ما يثبت منو الي نايم معاها خصوصا ان مافي لا سوائل كرمكم الله ولا شي
    فاندبس الرجال المسكين واخذ 15 سنه للحين قاعد يعد كاشي المركزي :)
    وغيرهم وغيرهم
    يا اخي والله انا كنت اداوم بالمركزي وللامانه تشوف قضايا غريبه عجيبه هناك
    في ناس للامانه ودك اذا كنت قاضي تبوس راسه وتقوله براءه (خصوصا قضايا قتل الشرف)
    وفي ناس ودك تحكمه حكم اكبر من الاعدام
    وفي ناس الي هم لا حول لهم ولا قوه تلقاه مقرود وبالغلط دخل السجن
    الله يفرج عن الجميع ان شاء الله ولا يبلانا :)
     
  6. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0
    بعض الوافدين وصلت فيهم الجرأه بيع الطوابع المزوره داخل المحكمه وبالقرب من النيابه
     
  7. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    لا حول ولا قوة الا بالله العلي العظيم

    اما سالفة اللي يطلع من الشقة ويترك زوجته مع رفيجها هذا اعوذ بالله من افعالهها وافعاله ..... كش جسمي يوم قرأت الموضوع


    بالنسبة حق اللي يبيعون طوابع انا اعتب على وزارات الدولة اللي ما يخرمون الطوابع بعد استخدامها لانها قابلة لإعادة الاستخدام بسبب حرفنة الوافدين. شفيها اذا خرمت الطابع بعد الاستخدام ؟