استفسار عن الشبح 320s

الموضوع في 'اعلانات المركبات' بواسطة q8delta, بتاريخ ‏8 ديسمبر 2009.

حالة الموضوع:
مغلق
  1. q8delta

    q8delta عضو جديد

    التسجيل:
    ‏1 سبتمبر 2009
    المشاركات:
    69
    عدد الإعجابات:
    0
    السلام عليكم ورحمة الله وبركاته ,,

    يسعد لي صباحكم . مسائكم

    كيف حالكم أخواني ؟

    بكل أختصار .. انا نويت ادخل عالم السيارات الالمانية ..

    لاني بصراحة .. لما جربتها لفترة قصيرة تعلق قلبي فيها ..

    وبالتحديد الشبح ..

    اللي حاب اعرفه ..

    ما هي مميزاته وعيوبه ؟

    وهل يصلح للاستعمال اليومي ؟

    وهل صيانته معقدة وكثير الخرابات ؟

    مع العلم اني اريد ان أخذ موديل 97 و 98 حجم s320

    وياليت لو شخص خبرة يفيدنا بمواصفات هالموديل ..

    على فكرة .. انا حصلت واحد موديل 97 ماشي 200000

    مصبوغ بس تجميلي وليس فيه اي حادث ..

    كم يسوى ؟

    هل الممشى يأثر ؟

    وشنو الفرق بين الالماني والبشر والامريكي ؟ وماهو الافضل ؟

    اتمنى تفيدوني أخواني

    مودتي لكم
     
  2. 560SEL

    560SEL عضو جديد

    التسجيل:
    ‏13 مارس 2008
    المشاركات:
    731
    عدد الإعجابات:
    0
    وعليكم السلام ورحمة الله وبركاته
    اخوي الالماني افضل شي وفيه مواصفات واجد والامريكي ممتاز والبشر مواصفات الكويت والخليج
    الشبح موتر استخدام يومي وممتاز والقطع بتراب الفلوس وخرابات لا تحاتي اذا الموتر نظيف مرررررررره والممشى ما يضر شرط السيرفس منتظم واستخدام شخص واحد
    الموتر اللي حصلته حده 2000 دينار
    ولو تحصل 1998 320 شاصي طويل ونظيف وحالة الوكاله وشرط الفحص وماشي حول 100000 او حولها يوصل 3000
     
  3. q8delta

    q8delta عضو جديد

    التسجيل:
    ‏1 سبتمبر 2009
    المشاركات:
    69
    عدد الإعجابات:
    0
    مشكور أخوي على أفادتك لي

    ما قصرت يالامير

    بس حبيت اعرف في فرق بين موديلات 98 و 97 و 96 ؟

    ومشكور مرة ثانية
     
  4. 560SEL

    560SEL عضو جديد

    التسجيل:
    ‏13 مارس 2008
    المشاركات:
    731
    عدد الإعجابات:
    0
    لا كلها واحد ونفس الشي والشبح يصنف 3 اجيال الجيل الأول من 1991 الدفعه رسميا 1992 الأخيره الى 1993 والجيل الثاني 1994 و 1995 والثالث الاخير من 1995 الدفعه الاخيره و1996 رسميا الى1998 ويجي المكيف الكتروني وايرباقات على الابواب والازياق والفيابر على الابواب غير وحساسات بالدعاميات ورا وقدام وحتى الجنوط تجي النجمه ويجي بدال الديلكو كويلات طبعا افضل من الديلكو
    طبعا الدفعه الاخيره الماني او اوروبي الخليجي يجي بداية السنه الجديده رسميا

    طبعا الموديل 1996 وفوق افضل شي
     
  5. q8delta

    q8delta عضو جديد

    التسجيل:
    ‏1 سبتمبر 2009
    المشاركات:
    69
    عدد الإعجابات:
    0
    بعد راسي والله

    بس سمعت انه الجير يجي خمس غيارات هل هذا صحيح ؟

    وعندي ملاحظة بعض الشبحات اشوف المكان اللي تركب

    عليه اللوحة صغير وبعضها طويل شلون جذي ؟

    مشكور عزيزي

    مقدر مساعدتك لي
     
  6. Bu Hamood

    Bu Hamood عضو جديد

    التسجيل:
    ‏9 مارس 2009
    المشاركات:
    8
    عدد الإعجابات:
    0
    الجير

    مرحبا يالحبيب
    جير 5 غيار حساس شوية بس الماكينة مرتاحة والتجفيت طبعا دبل عن 4 غيار
    أفضل فحص للسيارة بالصيف عشان تشوف الحرارة لأن البعض الفحص مايكشف إذا الماكينة مضبوطة -
    قطع الغيار بالوكالة غالية شوية ولكن في مستعمل من اليابان والشويخ متروسة قطع مستعملة
    وفحص السيارة لاتبخل فية
     
  7. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    اخذ 320 لارج
    الشورت مزعج لما تسوقة لأنه 5 غيار
    صج كرف ودق بس لما يرح على الخط وترفع رجلك عن البانزين كأنك مخمد السيارة ازعاج
    واكثر مشكلة بتواجهك اهي دعسة البانزين مزعجه اذا خربت
     
  8. ابيع وامشي

    ابيع وامشي عضو جديد

    التسجيل:
    ‏12 نوفمبر 2009
    المشاركات:
    23
    عدد الإعجابات:
    0
    بالنسبه للمرسيدس الشبح افضل موديل هو 97 98 القير ما يحن يعني 5 غيار افضل حجم 320 اللارج ما عليه كلام قطع غياره متوفره وتصليحه ماهو معقد ورخيص بس اتعب على الموتر النظيف اللي مو ملعوب فيه انصح تاخذلك موتر شد الوكاله ومو ماشي وبالنسبه للاسعار ماهي وحده النظيف ياخذ حقه 97 حده 3200 او 3300 و98 اذا نظيف يتعدى 3500 وانصحك وخر عن الحراج ودورلك موتر تعرفه احسنلك
     
  9. الوالي@

    الوالي@ عضو نشط

    التسجيل:
    ‏23 يونيو 2009
    المشاركات:
    220
    عدد الإعجابات:
    0
    مشكوريين يا شباب على الردود
    وافضل شي بالشبحات من موديل 95 الى 98
    الشبحات بكل موديلاتها تيجي بعض السيارات خمسة غيار واربعة غيار
    والافضل خمسة غيار لانه مريح الماكينة والقير مو حساس بالعكس قوي
    وقطع الغيار اشتر جديد لا تركب مستعمل لان المستعمل مثل اللي راكب على سيارتك مستهلك
    وقطع غيارها رخيصة واخذ وكالة البشر او الماني
    وهذا الكلام اخذه نصيحة مني استعمال شبح 10 سنين لله الحمد مافي مشاكل

    سبحان الله وبحمده
     
  10. LEEDAR

    LEEDAR عضو جديد

    التسجيل:
    ‏28 يناير 2009
    المشاركات:
    276
    عدد الإعجابات:
    0
    مكان الإقامة:
    كويت العز
    عندي 98 ذهبي سياره نظيفه s320lاذا لك خاطر دزلي رقمك على الخاص
     
حالة الموضوع:
مغلق