بلاك لست عجزت فيه

[الروض الخضر]

السلام عليكم
ياجماعه ابي حل الابلاك لست
علي بلاك لست من التسهيلات
ودفعت قبل 4 شهور
وابسي اخذ موتر والمشكله
موراضي البنك المركزي يقول انت عليك
بلاك
وابي الحل واذا مافي حل لازام انطر سنه
ممكن الافاده

 

[الروض الخضر]

يعني مافي حل

 

[T.M.H]

لا ان شاء الله فيه
حل بسيط وان شاء الله يصير معاك نفس ما صار بكذا شخص نصحته
روح للتسهيلات الرئيسي ( بشرق ) واطلب قابله المدير (اذا كان لسانك عسل وواثق من نفسك ادخل عليه) وكلمه وفهمه الموضوع واطلبها منه راح يجيك عليك ويشوفك ملتزم معاهم يقول توكل على الله وبنفس اليوم خالص
واذا مالك خلق وحاس باحراج اكتب كتاب خط ايدك احسن واكتب بالعاميه احسن علشان توصله الكلام الي تبي تقوله
وعط الكتاب للسكرتيره وهي تدخله عليه وتطلع ان شاء الله تبشرك
غير هالحل انسى وحرف كلمه انسى
ا
ن
س
ى
تحياتي لك وبالتوفيق

 

[الروض الخضر]

بس انا موملتزم معاهم ماسلمتهم الا ثلاث اقساط
وبعد جذي خليتهم ثلاث سنوات وبعدها كيشت

 

[q82007]

الشركه اكيد يطالبونك برسوم التأخير مافي حل الا تتفاوض معهم

 

[الحريه وطن]

هنا الثغره القانونيه في التعامل المالي الكويتي
البلاك لست يبقي عليك ليوم القيامه ما ابي احبطك بس هذا الواقع رفيجي نفس سالتك بس مو التسهيلات ببيت الارهارب الكويتي (شعارهم اخضر) المهم قالو قدم كتاب لنا وحنا ان شاء الله نشيله وقدم كتاب وبعد شهور اكتشف انه ما انشال قالوله رووووح للبنك المركزي وشوف لك حل راح المركزي وقدم كتاب تظلم وبعد ايام جاه الخبر انه لازم 4سنوات المسكين تحمل ونطر اربع سنوات وملتزم ماليا لا قضايا ولا شي وبعد اربع سنوات راح بياخذ موتر قالو له بلاك لست لما راجع المركزي قالو البلاك لست ماينشال يبقي معاك ابد الابدين يعني ليوم الحشر

 

[الروض الخضر]

الاخ :الحريه وطن
انت ماحبطة فيني انت كسرت المجاديف
بس هم مشكور على الرد والافاده
والله يكتب الى فيه الخير

 

[مجرد استفسار]

االحين البلاك لست ..يتم رفعه عن طريق البنك المركزي ؟ او الجهة اللي وضعته عليك

 

[الحريه وطن]

الجهه اللي حطنه عليك هذا المفروض
لكن ياويلك ان حطه التمويل مايشيلونه

لان الحقد يعميهم

 

[بو بـدر]

شنو اسباب البلاك لست ...

واحد من ربع مشتري اقساط من الكترونيات الغانم بمبلغ بسيط دفع بداية وسحب عليهم والحين عليه الحين بلاك لست سنتين حسب كلامه ... ؟

 

[الروض الخضر]

من البلاك لست من التسهيلات
وابي اشيله وانا دافع المديونيه قبل اربع شهور
والاكن اذا بغيت اى معامله يقولون عليك بلاك لست
والحين ابيلى سياره وقالو عليك بلاك لست
وابي اى طريقه اشيله

 

[q82007]

اعطيك مثال ممكن يوضح لك اذا كنت مدين للتسهيلات بمبلغ 5000 يصدر ضدك حكم المحكمه 5200 شامل مصروفات الدعوى تقريبا اذا رحت للمحكمه تدفع راح يطلب منك 5200 فقط واذا رحت للشركه يطلبون 5900 راح تستغرب شلون زادت 700 هذا المبلغ تسميه الشركه رسوم تأخير انت غير ملزم بدفعه من الناحيه القانونيه تقدر ترفض سدادها وترفع عنك جميع الاجراءات المعموله عليك من المحكمه وبسبب ان البلاك لست المتحكم برفعه الشركه فانها تجعله وسيلة ضغط غير قانونيه لكي تدفع رسوم التأخير الباطله واللتي لم يشملها حكم المحكمه والحل تراجع الاداره القانونيه في الشركه مقرهم الرئيسي وتتفاوض معهم على المبلغ

 

[Q8One]

قلبي اذا كنت بلاك لست مثل ما تقول قدم معاملتك مع كفيل وانشالله تمشي .. هذا حلك الوحيد

طبعا حط ببالك انه بمعاملة السيارة راح يحطون عليها تأمين شامل اجباري .. وطبعا مع كل هذا لازم مديونيتك ما تتعدى الـ40%

 

[الروض الخضر]

السلام عليكم
الموضوع هذا طاف عليه اكثر10
وللحين مانحلت المشكله
ابي حل
والله البلاك لست مشكله كبيره

 

[الروض الخضر]

ماكو ردود الله يرزقنااااااااا

 

[q8rottweilers]

شوف ولد عمي اذا عليك قضية ومثل ما تقول ثلاث سنوات مو دافع معناته 36 تاخير يعني بالعربي يقولون لك اشرب جاي ورووووووووح لكن ممكن يمشي موضوعك اذا طاف عليك سنة والافضل لو سنتين وكلمة ممكن اقصد فيها 5%
الحل الوحيد انك تشوفلك احد ياخذ القرض وانت تعطيه الاقساط

 

[الروض الخضر]

شوف ولد عمي اذا عليك قضية ومثل ما تقول ثلاث سنوات مو دافع معناته 36 تاخير يعني بالعربي يقولون لك اشرب جاي ورووووووووح لكن ممكن يمشي موضوعك اذا طاف عليك سنة والافضل لو سنتين وكلمة ممكن اقصد فيها 5%
الحل الوحيد انك تشوفلك احد ياخذ القرض وانت تعطيه الاقساط

اوكي في طريقه اقدر اشيل البلاك لست حتا لو اروح حق محامي

 

[q8rottweilers]

لا هذا يسمونه تاريخ ائتماني ما ينشال عنك عشان اذا الجهات التمويلية سواء شركات او بنوك يعرفون وضعك الائتماني شنو يعني هل راح تتاخر في السداد عندهم او راح تكون منتظم او يتلعوزون معاك ويرفعون قضايا وطبعا بكل الحالات يفضل الشخص المنتظم بالسداد الى نهاية المدة

 

[The Dark]

انا اقول انه ينشال وبظرف ساعه بعد

بس هل ترضى انك تدفع رشوه يعني هل ترضى دش بالحرام

على العموم قبل فتره يالي واحد من الوافدين وقالي على كل بلاك لست اشيله لك تعطيني 2000

قلتله ماتشوف شر

 

[Q8One]

انا اقول انه ينشال وبظرف ساعه بعد

بس هل ترضى انك تدفع رشوه يعني هل ترضى دش بالحرام

على العموم قبل فتره يالي واحد من الوافدين وقالي على كل بلاك لست اشيله لك تعطيني 2000

قلتله ماتشوف شر

يعطيك العافية اخوي

ممكن ترسلي اسم الشخص على الخاص .. ابيه بكلمة راس