مواقف حصلت في عالم التجارة 4

الموضوع في 'إستراحة المنتدى' بواسطة abdullah6868, بتاريخ ‏12 ديسمبر 2009.

  1. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    سنة 2001 رحت لاندونيسيا بزنس ( البحث عن الاستوكات ) وفعلا لقيت ملابس حفلات للاطفال طبعا لونين ابيض ووردي 6 قياسات خاصه لاطفال العمالة اللى على قد حالتهم ابو دينار ونص انا شريت القطعه 100 فلس تقريبا شريت البضاعه بالكامل من المصنع لانها ستوك 3000 دينار -- استلمت البضاعه وبعدها رحت لسوق الاحد فى منطقة ( موناس ) اتصيد استوكات والا واحد في نص السوق بالزحمة ينادي -- ابوعلى ابوعلى -- هه --منو ينادي -- والا جاري في سوق الفحيحيل الاخ عبدالكريم الصالح ابو بدر -- هلا ابو بدر شلونك -- قال لازم اليوم اعشيك فى ارقى مطعم سى فود -- وفعلا تعشينا وبعدها قلت ابو بدر انا بكرة انشاء الله راح ارجع للكويت انا الحمد لله توفقت وشريت بضاعه قال الله يرزقك تستاهل الخير يا ابو على وبعدين كل واحد راح لفندقة ثانى يوم لقيت الاخ ابو بدر فى مكاتب الشحن فى منطقة ( منقدوا ) قلت ابو بدر تعال شوف بضاعتى انا شارى الحبه 100 فلس شاف البضاعه حسيت ان الرجل تغيرت ملامح وجهه وضاق خلقة -- اسغربت -- بعدها قال عن اذنك ابى اروح لمكتب الشحن مالى قلت ما تشوف شر -- صراحه تضايقت -- وقلت فى نفسى شفية ابو بدر الله يستر -- وبعدها دقيت علية وواعدته فى مكتب الشحن -- قلت على طول -- ابو بدر شفيك -- من شفت بضاعتى وانت متغير وجهك -- قال الصراحه -- يابو على انا شارى كونتينرين مثل بضاعتك بس الحبة 600 فلس -- وانا اعرفك دايما تحرق السوق باسعارك -- قلت بس هذا اللى يضايقك -- فدوة لك البضاعه وراعيها يابو بدر لا تشيل هم -- قال شلون -- قلت حمل البضاعه ونزلها فى مخزنك بالكويت وبيع بضاعتك اول وبعدين بيع بضاعتي -- شتبى بعد آمرني طال عمرك بس لا تضايق -- انت جار ويشهد الله انى اعزك -- استانس العم ابو بدر -- ودقيت على اهلى وشرحت القصة وقلت احتمال اتاخر بالعودة ادور بضاعة ثانية -- وفعلا وانا راجع للفندق عند الاشارة شفت ناس تبيع ايات قرآن على جلود وبرواز خشب راقى وقفت التكسى وناديت البايع وعطيته عنوان الشحن وقلت ابى المصنع اللى يبيع هذى الايات وفعلا جاني صاحب المصنع وشريت كونتينر ايات بسعر رخيص جدا مع عاج فيل مكتوب علية ( اشهد ان لا اله الا الله واشهد ان محمد رسول الله ) اكثر من 2000 حبه ورجعت للكويت -- وصلت البضاعة للكويت سعر الحبة 600 فلس تقريبا نزلت البضاعه سوق الجمعه الناس تذابحت عليها بعت خلال شهر تقريبا ب 6000 دينار وانا شارى البضاعه 3000 دينار بالكامل وصرت انزل البضاعه بشكل اسبوعى وبعد شهرين دق على ابو بدر وقال تعال لمكتبى فى المباركية لما جيته قال تفضل 6700 دينار انا بعت بضاعتك مشكور يا ابو على وانا ماراح انسى موقفك معاى -- قلت انا ما سويت شى وانت تستاهل -- انا كنت ابى ابيع البضاعه ب 4500 دينار وانت ما قصرت بعت بضاعتى دبل السعر
    يا اخوان يشهد الله انى قعدت ابيع الايات لمدة سنه بربح يومى وبعدها جانى سوق طيور الجنه وشال باقى البضاعه ب 4000 دينار
    اللى ابى اوصله
    ان الله يرزق الانسان على قد نيته -- متى ما صفيت النية وفقك الله
     
  2. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    ماشاء الله تبارك الرحمن .... الله يزيدك من خيره
    فعلا على نياتكم ترزقون
    والتجاره ربح وخساره .... وكل واحد ياخذ رزقه بالدنيا
    صدقني هذي ارزاق من رب العالمين .... وانت رزقك بالسفر
    وناس رزقها بالديره وناس رزقها بالبحر ..... رب العالمين موزع الارزاق
     
  3. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    ماشاءالله تبارك الرحمن

    الله يفتح لك ابواب رزقة
     
  4. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0
    والله موقف مشرف منك ويدل على نيتك الطيبه ان شاء الله وعلى روح الايثار عندك
    وهذا ماهو غريب على تجار الكويت الله يرزققنا ويرزقك من اوسع ابوابه انه سميع مجيب

     
  5. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    الله يعطيك العافيه

    بصراحه خليتنى اعيش الجو ..

    شكلى بصير تاجر والف الدنيا ادور بضايع .. :rolleyes:
     
  6. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}



    كالعاده موضوع التاجره منك



    يعرفنا على صفاتك الحسنه ...



    &..موقف جمييل منك ...&



    (يدل على اخلاقك العاليهـ ونيتك الطيبه )


    ..$ومنكــ نتعلم ..$


    //انتظر جديدك //





    //
     
  7. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    شكرا على المرور الطيب

    شكرا على المرور الطيب

    الله يرحم والديك
    ما عليك زود

    يا مرحبا
    اغلب دول اسيا لفيتها تجارة
    سبحان الله كل دولة لها طبع غير
    بس انا من عشاق اندونيسيا فيها اكثر من 3 مليون حضرمى ( يمنى ) عايشين من 300 سنه على كلامهم -- ومن اطيب البشر
    وارحب فيك فى اي وقت
     
  8. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله يرحم والديج
    شكرا على المرور
    سبحان الله ترى انا من اكثر الناس اللى تعرض للخيانه من اقرب الناس فى تجارتى وراح اذكرها للعبرة لاحقا انشاء الله
     
  9. نواره1

    نواره1 إلغاء نهائي

    ماشاء الله تبارك الرحمن ....

    فيه ناس للأسف يعميها الطمع .. وعندها إستعداد تبيع جلدها و أقرب الناس لها في سبيل مصلحتها ............

    لكن مثلك وشرواك .. يطمن قلوبنا ... و يأكد لنا أن الخيرين موجودين في كل زمان ومكان ...

    تحياتي لك ...
     
  10. ريّس نفسه

    ريّس نفسه عضو جديد

    التسجيل:
    ‏17 يناير 2009
    المشاركات:
    587
    عدد الإعجابات:
    0
    ما شاء الله تبارك الرحمن

    بعض اهل الملايين موحاسيين فيها ولا متمتعين لان البركة مرفوعة منها
    اما بسبب الحرام او دناءة نفس او غيرها من اسباب تخلو من مواصفات الشهامة والمروءة والمصيبة لما يظنون ان مؤشر السعادة مرتبط بمقدار الثروة لكن بعد ما يمضي العمر ويفوت الفوت يدركون ان العبرة كلها كانت في البركة مو في.. الرصيد

    عسى الله يبارك لك وتشوف ان شاء الله بركات أفعالك الخيرة في الدنيا قبل الآخرة على اهل بيتك وذريتك
     
  11. navy_seals

    navy_seals عضو نشط

    التسجيل:
    ‏29 ابريل 2009
    المشاركات:
    1,292
    عدد الإعجابات:
    0
    مكان الإقامة:
    الكــــــــــويت
    السلام عليكم ورحمة الله وبركاته
    اتصدق يا ابو على في كلمتين ودي اقولهم لك ومن زمان في قلبي

    انت ونعم الرجال ونعم التربيه وانت من خيرت الناس الطيبه والسنعه وانت فعلا سيد الاخلاق
    وانا وايد امتابع مشاركاتك وخاصتا تجارتك
    وأدعو من الله سبحانه ايسر لك كل درب ويفتح عليك ابواب الخير ويثلج صدرك اينما ذهبت
    انت ووالدينك
    أنت شخص من خيرت الرجال يا ابو على
     
  12. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله يجزاكم كل خير يشهد الله انى اعتبركم مثل اخوانى
    ومشكورين على مشاركاتكم الطيبه
     
  13. abatchy007

    abatchy007 عضو جديد

    التسجيل:
    ‏8 ابريل 2006
    المشاركات:
    1,200
    عدد الإعجابات:
    0
    يعطيك العافيه بوعلي ياريت ما تطول نبي كل يوم موضوع وتخليهم كلهم بمشاركة وحده بدل ما اهم مطشرين وان شاء الله انشوف لك كتاب لهم في معرض الكتاب الياي :)
     
  14. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    سبحان الله يا بو علي كنت في (منقدوا) شهر 7 2001
    ومثل ما تفضلت لفتت انتباهي الشغلات اللي ذكرتها الايات على الخشب
    واذا تذكر كان فيه سفن خشبيه جميله واسعارها زهيده
    مواقفك بالتجاره تجارب تدرس بالمدارس بارك الله فيك ​
     
  15. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    صحيح كلامك اخوى ياسر
    هذى الأيات يبيعها تاجر سوري بالكويت اسمه على سويدان سعر القطعه 45 دينار والوالدة شارية آية ما زالت موجوده بالصالة
    انا كسرت السوق ابيع الاية -- طولها اكثر من متر -- بسعر 3 دنانير

    والعاج = دينارين
    واذا كنت تقرا الوسيط ابيع الملابس مليون قطعه 30 فلس == غرقت السوق بالاسعار -- حتى اتهمونى بغسيل الاموال بس بعد مقابلة السيد : ابراهيم الغانم مدير عام الادارة العامه للجمارك -- اقتنع بكلامى وقالى بالحرف الواحد انا اساعدك فى اى مشكله تواجهها -- لانى ما اشتغل فى اي ممنوع -- منهم -- السى دي -- او البضايع المقلدة -- او الجراغيات
    شغلى على المكشوف بالحلال
    شكرا اخوى ياسر واذا تبى احد اسرار اندونيسيا روح منطقة ( جكجك ) تدعيلى بضايع برخص التراب
     
  16. زلابيـــا

    زلابيـــا عضو جديد

    التسجيل:
    ‏13 ابريل 2009
    المشاركات:
    359
    عدد الإعجابات:
    0
    مكان الإقامة:
    الكـــويت ..Q8
    الله يبارك لك في تجارتك ويرزقك

    مواقف جميله بالتجاره

    بانتظار كل جديد عندك

    شكرا
     
  17. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    ماشاء الله تبارك الرحمن .... الله يزيدك من خيره