مؤجر مسكر الشقه ومايدفع أجار ؟؟؟؟

[حد الدوسه]

يا أخوان ابتلشت بمؤجر صارله 50 يوم مودافع الاجار ,, ومسكر الشقه وليس له اثر وأغراضه فيها علما ان ثمن الايجار مرتفع ,,, نرجوا من الاساتذة الافاضل الافاده ,, مع جزيل الشكر

 

[q82007]

اخذ عقد الايجار وراجع المحكمه التي يتبع لها العقار تراجع ادارة التنفيذ قسم الايجارات وتطلب شهادة عدم ايداع اجره تطلع بنفس الوقت وبعدها تراجع ضباط الدعوى بنفس المحكمه وبخصوص المبالغ المستحقه عليه سيكون ملزم بها حتى استلامك للعقار بشكل رسمي عن طريق المحكمة

 

[حد الدوسه]

اخذ عقد الايجار وراجع المحكمه التي يتبع لها العقار تراجع ادارة التنفيذ قسم الايجارات وتطلب شهادة عدم ايداع اجره تطلع بنفس الوقت وبعدها تراجع ضباط الدعوى بنفس المحكمه وبخصوص المبالغ المستحقه عليه سيكون ملزم بها حتى استلامك للعقار بشكل رسمي عن طريق المحكمة

شكرا اخوى كويت 2007,, لكن المؤجر مو موجود ,, شلون استلم الشقه ومنو راح يفتحها ,, لان الرجال شكله بره الكويت , والشقه فيها الاثاث وغيره ,, منو الى يسلمنياها ويشيل الاغراض ؟؟؟؟

 

[q82007]

بعد مايصدر حكم الإخلاء تاخذ الحكم وعليه الصيغه التنفيذيه وتروح لإدارة النتفيذ ويتم الاعلان وبعدها يتحدد موعد للتنبيه بالاخلاء ويطلع معاك مأمور التنفيذ ويضع ملصق على الباب فيه مهله اسبوع للاخلاء وبعدها يطلع معاك المأمور ومعاه قوه امنيه وتكون انت مزهب العمال لكسر الباب ويكسرون الباب ويعملون جرد للمنقولات في الداخل وتستلم العقار رسمي

 

[حد الدوسه]

مشكور اخوى كويت 2007 وبارك الله فيك على اهتمامك بمشكلتى ,, والله ياخوى اول مره يصيرلى هالموقف من بديت أأجر من عشر سنين ,, بس ماقتلى اخوى الاغراض يا خذونها ولا شلون !!! لان ماعندى مكان وانا بجهز الشقه ,, نسيت لا اقولك اخوى كويت 2007 , المؤجر دق علي اكثر من مره من بره وكل يوم يقولى بعد كم يوم بوصل وهذا وجه الضيف ,, احس انه قاعد يجنبزني ويقطع وقت ما درى ليش ؟؟؟؟ شرايك انطره ولا ارفع قضيه ,,, الحين صارله 50 يوم بالضبط ما دفع الاجار ,,,, ادري دوختك معاى بس ما نستغي يا خوي عن مشورتك الغاليه ..

 

[q82007]

حياك الله اذا كان غير كويتي لازم تسارع برفع قضيه لانه ممكن يغادر نهائي اما اذا كويتي راح يكون ملزوم بالدفع حتى يسلمك المفتاح واذا مادفع راح ينزل عليه منع سفر وضبط واحضار وحجز سيارات وهي اجراءات تجيب نتيجه في الغالب الافي حالات نادره

 

[حد الدوسه]

مشكور يالغاللى ,, المؤجر كويتى ,, والظاهر انى برفع عليه قضيه ,,