مهم لأقساط السيارات

[سكارفيس]

السلام عليكم ورحمة الله وبركاته ... وصبحكم الله بالخير ........

شباب الي عنده سياره مطلوبه للاقساط وكانت الدفعه الاخيره تتعدى ال 20% من الطلب الاجمالي عنده المبيع بدون الدفعه الاولى يروح للبنك المركزي ويشرح الموضوع ويقدم شكوه وسوف يتم انزال الدفعه الاخير لغاية 20% لان القانون ينص على ان تتحمل الشركه او البنك القيمه الزائده عن ال 20% من القيمه الاجماليه عند البيع طبعا بدون المقدم ......... وتم اسقاط 2300 دينار من الطلب وكانت الشركه اعيان بدون شكوى ودون ابلاغ صاحب السياره عند البيع اكتشف الشغله و1800 وكانت الشركه بيت التمويل الكويتي لكن للاسف ان بيت التمويل الكويتي ما اسقط الطلب الا بشكوى قدمت الى البنك المركزي ..........

وانا حاضر لاي استفسار على الخاص او على العام تستاهلون ...........

 

[ابوهادي11]

جزاك الله الف خير على المعلومه الطيبه وان شاءالله الاخوان يستفدون منها

 

[بوسلطان 11]

شكراا

 

[مهندس مع وقف ال]

السلام عليكم
اخوي انا اللي اعرفه ان الحين ماكو نظام دفعه اخيره
بس اذا تقصد اللي قبل انا شخصيا كانت على سيارتي دفعه اخيره على بيت التمويل وكنسلوها وضموها حق الطلب وكانت سيارتي مطلوبه 8000ودفعه اخيره 2220 ويوم صار النظام الجديد كانت مطلوبه 3000وشوي فضمو الدفعه الاخيره (شتنصحني) شاكرلك

 

[باحث قانوني]

السلام عليك
اخوي
انا ماوصلتني فكرتك شوي
ممكن توضحلي
انا عندي سياره مطلوبه لتسهيلات
وعليها دفعه اخيره 2000
هل راح يرحلولي المبلغ بالاقساط المريحه بفتره زمنيه اطول
ولا راح يطيح من المبلغ
وجزاك الله خير

 

[سكارفيس]

مثال ....

اذا كانت سيارتك مطلوبه 10000 دينار الطلب الاجمالي 10000 طبعا بدون المقدم انسى المقدم يجب ان لا تزيد الدفعه الاخيره عن 2000 دينار بغض النظر عن المده وان زادت تتحمل الشركه الزياده ولو كانت الزياده دينار ...

هذا القانون قديم وما كان البنك المركزي مدقق عليه ولكن بعد المشاكل الي صارت بالكويت بسبب فوائد البنوك صار التشدد من البنك المركزي بسبب اعضاء مجلس الامه لما طالبو بإسقاط القروض ... واخيرا تم انزال العقاب على الشركات المخالفه وهيه ان تتحمل الشركه المخالفه قيمة مخالفتها يعني اي زياده على ال 20% بغض النظر عن التاريخ واخيرا تم الغاء قانون الدفعه الاخيره اعتقد بشهر 1 -2006 ....

 

[سكارفيس]

السلام عليكم
اخوي انا اللي اعرفه ان الحين ماكو نظام دفعه اخيره
بس اذا تقصد اللي قبل انا شخصيا كانت على سيارتي دفعه اخيره على بيت التمويل وكنسلوها وضموها حق الطلب وكانت سيارتي مطلوبه 8000ودفعه اخيره 2220 ويوم صار النظام الجديد كانت مطلوبه 3000وشوي فضمو الدفعه الاخيره (شتنصحني) شاكرلك

لعبوه علييييك والله ...........

اسمع الكلام الي بقوله لك ....

اول ماشريت السياره كم كان الطلب بالضبط بس لا تحسب المقدم .....

 

[سكارفيس]

السلام عليك
اخوي
انا ماوصلتني فكرتك شوي
ممكن توضحلي
انا عندي سياره مطلوبه لتسهيلات
وعليها دفعه اخيره 2000
هل راح يرحلولي المبلغ بالاقساط المريحه بفتره زمنيه اطول
ولا راح يطيح من المبلغ
وجزاك الله خير

عطني قيمة الطلب + الدفعه الاخيره طبعا بدون ما تحسب المقدم

 

[سكارفيس]

الطلب الاجمالي المقسط = 12000 د.ك .

يجب ان لا تزيد الدفعه الاخيره عن 20% .

يعني بحد اقصى الدفعه الاخيره = 2400 د.ك .

واي زياده عن ال 2400 تتحمل الشركه المخالفه هذي الزياده .

يعني لو قلنا ان الدفعه الاخيره 2500 د.ك تسقط 100 دينار من الطلب الاجمالي .

 

[سكارفيس]

للاسف بيت التمويل الكويتي .....

كان الطلب على 5 سنوات ودفعه اخيره مخالفه للقوانين 3900.. لكن للاسف تم تحويل السنين الخمس الى 6 سنوات واصبحت الدفعه الاخيره من 3800 الى 1800 لكي لا يتم مخالفة القانون يعني لعب على القانون لكن على مين ...

على العموم يجب التأكد من مدة الطلب جك كانت وجم صارت .......

 

[AL-mutairi]

الله يعطيك العافيه اخوي ع الموضوع

يا ليت تفيدني بـ موضوعي يــ الغالي

انا شريت سياره بـ سنه 2005
حولتها طلب ع بيت التمويل و اجمالي الطلب 15900 و الدفعه الاخيره 3250 حاليا قيمه السياره السوقيه 4500 و ما بقى شي ع الدفعه الاخيره

شنو تنصحني فيه​

 

[سكارفيس]

الله يعطيك العافيه اخوي ع الموضوع

يا ليت تفيدني بـ موضوعي يــ الغالي

انا شريت سياره بـ سنه 2005
حولتها طلب ع بيت التمويل و اجمالي الطلب 15900 و الدفعه الاخيره 3250 حاليا قيمه السياره السوقيه 4500 و ما بقى شي ع الدفعه الاخيره

شنو تنصحني فيه​

عندي سؤالين :

الاول ال 15900 مع المقدم ام بدون المقدم اذا كان بدون المقدم فللأسف مالك شي عندهم اما اذا مع المقدم يعتمد على المقدم كم .

السؤال الثاني هل تغيرت المده مثلا من 4 سنوات الى خمس لازم انت تشيك عليييهم لانهم سووه فيني بدون ما يعطوني خبر حولو الطلب من 5 سنوات الى 6 سنوات عشان ما يخالفون ال 20 % ...

 

[AL-mutairi]

اجمالي المديونيه مع المقدم 1000 دينار
و المده 5 سنوات و ما تغيرت

 

[أنور22]

اخوي عندي استفسار عن بيت التمويل

سيارتي شريتها سنة 2005 ومطلوبة 8591 دينار بعد خصم المقدم ( المقدم كان تقريبا 660 دينار ) و الدفعة الاخيرة 2411 دينار من ضمن الطلب

الدفعه الاخيرة راح تكون بعد 4 شهور

شنو وضعي؟؟!

 

[abobader q8]

يعطيك العافيه اخوى ومشكور على هالخبر
انا ماخذ سياره سنة2003 بقيمة 13500 على خمس سنوات صارت المديونيه كامله 17500 ومن ضمنها دفعه اخيره 4000 علماً باننى لم ادفع اى مقدم
بعد انتهاء الخمس سنوات تم تسويت 4000 على 18 شهر
فهل ينطبق علي القانون
وتقبل تحياتى

 

[Fierce]

اخوي عندي استفسار عن بيت التمويل

سيارتي شريتها سنة 2005 ومطلوبة 8591 دينار بعد خصم المقدم ( المقدم كان تقريبا 660 دينار ) و الدفعة الاخيرة 2411 دينار من ضمن الطلب

الدفعه الاخيرة راح تكون بعد 4 شهور

شنو وضعي؟؟!

انا نفس الشي مطلوبه 9440 ودفعه اخيره 2250

 

[مضارب عقاري]

طال عمرك ممكن استفسار انا شريت عن طريق التسهيلات سيارة 12600 دينار والاقساط

القسط = 161 على 5سنوات الدفعة الاخيرة = 3900 دينار

السؤال هل يخصم من المبلغ الاخير شئ ؟؟؟؟؟؟؟؟؟؟؟؟

 

[qadsawi]

السلام عليكم اخوي والله يعطيك العافية علي هالمعلومة بس حبيت اسألك انا شريت لي سيارة بسنة 2005 قيمتها 5000 دينار حولوها علي 7000 دينار ودافع مقدم 100 دينار المفروض علي خمس سنوات لاكن لو تحسبها قسطي 95 دينار يعني طلعت علي سبع سنين وانزين اذا فيه دفعة اخيرة شنو تنصحني اسوي اعادة جدولة واطيح الدفعة الاخيرة وبس وجزاك الله خير

 

[سكارفيس]

اخوي عندي استفسار عن بيت التمويل

سيارتي شريتها سنة 2005 ومطلوبة 8591 دينار بعد خصم المقدم ( المقدم كان تقريبا 660 دينار ) و الدفعة الاخيرة 2411 دينار من ضمن الطلب

الدفعه الاخيرة راح تكون بعد 4 شهور

شنو وضعي؟؟!

الطلب الاجمالي = 8591 طبعا بدون المقدم

الدفعه الاخيره = 2411 الحاليه

الدفعه الاخيره القانونيه 20% = 1718

يوجد عندك مخالفه على بيت التمويل الكويتي = 693 .

ولكن احذر اخي الكريم احتمال ان بيت التمويل زاد مدة الطلب وقلل من الدفعه الاخيره عشان يتحاشى المخالفه ولكن هذا الشي ماراح يفيده روح البنك المركزي واشتك عليييهم راح يسقط من الدفعه الاخيره 690 حوالي ... موفق خير

 

[سكارفيس]

اجمالي المديونيه مع المقدم 1000 دينار
و المده 5 سنوات و ما تغيرت

اخوي اسمحلي والله مافهمت ...

ابي الطلب بدون المقدم وابي الدفعه الاخيره ....